Luka 9:59 - IBAYIBOLO 2024

⁵⁹ U Yesu akamubuzya umuntu uyunji akati, “Nkonka.” Loli umuntu yula akati, “Wee Mwene, unyitikizye ukuti imbuke pakumusyila tasi utata wane.”

Ulufingo Ulupya

⁵⁹ U Yesu akamubuzya umuntu uyunji akati, “Nkonka.” Loli umuntu yula akati, “Wee Mwene, unyitikizye ukuti imbuke pakumusyila tasi utata wane.”

Luka 9:59 Iomraidhean Croise

1 Abamwene 19:20

U Elisha akazileka inkambaku zyache zila nukumuchimbilila u Eliya. Po u Elisha akati, “Leka tasi imulaghe utata nu mayi wane, po nkwiza pakubuka nawe.” U Eliya akamula akati, “Chiza bulo, ungabuka.”

Hagayi 1:2

U Mwene Uwamaka Ghosi akuti, “Abantu banaba bakuti, ‘Akabalilo kachili katakwanite akakuzengela sona Inyumba iya Chala.’ ”

Matayi 16:24

Po u Yesu akababuzya abamanyili bache akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Matayi 9:9

U Yesu akepapo pabuzilo bula, nukumwennya umusonkezya sonko yuyo akaba we Matayi, bo ikaye munyumba iyakusonkelamo umusonko. Akamubuzya akati, “Nkonka!” Po u Matayi akanyamuka pakumukonka.

Luka 9:60

U Yesu akamula akati, “Baleke abafwe basyilane abafwe benebene. Loli awe, kalumbililaye nizya Bumwene ubwa Chala.”