Luka 9:44 - IBAYIBOLO 2024

⁴⁴ “Mutakaluvye zizyo indi papipi pakubabuzya! U Mwana uwa Muntu akwiza pakubikiwa munyobe izya balwani.”

Ulufingo Ulupya

⁴⁴ “Mutakaluvye zizyo indi papipi pakubabuzya! U Mwana uwa Muntu akwiza pakubikiwa munyobe izya balwani.”

Luka 9:44 Iomraidhean Croise

2 Samuweli 24:14

U Devedi akamubuzya u Gadi akati, “Awe, ane nkutamiwa nkani mumoyo wane. Zagha tuwile munyobe izya Mwene, pakuti ichisa chache chikulu nkani. Loli utakanyitikizye ikuti ingwile munyobe izya bantu.”

Matayi 16:21

Ukwandila pakabalilo kalakala u Yesu akanda pakubabuzya abamanyili bache umwakwivwika ukuti, “Imbaghiye pakubuka mu Yelusalemu nukuyimba nkani na balongozi aba Chiyuda, na baputi abasongo, sona na bamanyisi aba Ndaghilo. Nkwiza pakughoghiwa, loli nanti ghachilapo amasiku matatu nkwiza pakuzyuka kubufwe.”

Matayi 26:2

“Muzimenye ukuti bo ghachilapo amasiku mabili kukwiza pakuba Lusekelo ulwa Pasa, po u Mwana uwa Muntu akwiza pakubikiwa ukuti akomeliwe pachipinjika.”

Maliko 8:31

Po u Yesu akanda pakumanyisya abamanyili bache ukuti, “U Mwana uwa Muntu abaghiye pakuyimba nkani nukukaniwa na balongozi aba Chiyuda, na baputi abasongo, sona na bamanyisi aba Ndaghilo. Akwiza pakughoghiwa, loli nanti ghachilapo amasiku matatu akwiza pakuzyuka kubufwe.”

Maliko 9:31

pakuti akabamanyisya abamanyili bache. Akababuzya akati, “U Mwana uwa Muntu akwiza pakubikiwa munyobe izya balwani, babo bakwiza pakumughogha. Loli bo ghachilapo amasiku matatu akwiza pakuzyuka kubufwe.”

Luka 1:66

Umuntu wesi yuyo akivwa zinizi akinong'ona nukwilalusya ukuti, “Nkimba umwana yunuyu akwiza pakuba bulibuli?” Pakuti chikabonekela zila ukuti amaka agha Mwene ghakaba papache.

Luka 18:31

U Yesu akabasendela abamanyili bache 12 bala palubazu nukubabuzya ukuti, “Ivwa kuno, tukubuka mu Yelusalemu, mumo vyosi vivyo abalaghuzi bakasimba nizya Mwana uwa Muntu vikwiza pakukwanilisiwa.

Luka 2:19

U Maliya akasunga mumoyo wache ivintu vyosi vinivi nukuvyinong'ona nkani.

Luka 2:51

Po u Yesu akanyokela nabo ku Nazaleti kuko akabivwilagha ngati bo bapapi bache. Unyina akavisunga vyosi vinivi mumoyo wache.

Luka 24:44

Po akababuzya akati, “Ivi vyo vivyo nkababuzya, bo indi poka namwe. Vyosi vivyo vikasimbiwa nizya ane mu Ndaghilo izya Mozesi, ubusimbe ubwa balaghuzi na mu Masalimo bukwanilisiwe.”

Luka 9:22

Akababuzya sona akati, “U Mwana uwa Muntu abaghiye pakuyimba nkani nukukaniwa na balongozi aba Chiyuda, na baputi abasongo, sona na bamanyisi aba Ndaghilo. Akwiza pakughoghiwa, loli nanti ghachilapo amasiku matatu akwiza pakuzyuka kubufwe.”

Yohani 16:31

U Yesu akabamula akati, “Nkimba losi ulu mukusubila?

Yohani 16:4

Nababuzya zinizi, umwakuti bo akabalilo kala kakwana akakuti abene babombe ivintu vinivi, mukakumbukaye ukuti ane nkabasoka. “Loli ukwandila ko kubwandilo intakababuzya zinizi pakuti nkaba poka namwe.

Yohani 19:11

U Yesu akamwamula akati, “Uli nu bulaghili papane pakuti we Chala yuyo akakupa ubulaghili bunubu. Po umuntu yuyo akambika munyobe zyinyu anangite nkani.”

Imbombo 2:23

U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Aba Hebeli 2:1

Polelo tubaghiye tulemezye nkani zizyo tukivwa, umwakuti tutakepukayeko.