Luka 8:43 - IBAYIBOLO 2024

⁴³ Pakasi pabantu bala mukaba umukolo, yuyo akayimba nkani nu bubine ubwa chakumwezi amaka 12. Akatagha vyosi vivyo akaba navyo mu baghanga; loli atakabapo nayumo umuntu yuyo akamupozya.

Ulufingo Ulupya

⁴³ Pakasi pa bantu bala mukaba umukolo, yuyo akayimba nkani nu bubine ubwa chakumwezi amaka 12. Akatagha vyosi vivyo akaba navyo mu baghanga; loli atakabapo nayumo umuntu yuyo akamupozya.

Luka 8:43 Iomraidhean Croise

2 Imbili 16:12

Mumwaka uwa 39 bo u Asa akulaghila, akabinagha ububine ubupalapala nkani uwa vinama. Pope bulo atakabuzikizya kwa Mwene, loli ku baghanga.

Yobu 13:4

Loli amwe mukuvinda ukusita kumanya kwinyu namazyu agha bumyasi bwinyu, mwebosi mwe baghanga abamyasi.

Masalimo 108:12

Utwavwe pakulwa na balwani bitu, pakuti ubwavwilizi ubwa muntu bute ni mbombo.

Yesaya 2:22

Leka pakumusubila umuntu yuyo akufwa, po nkimba umuntu angabavwa ichoni?

Maliko 12:44

Pakuti abanji bosi basopa zizyo basabulapo bulo pabukabi bwabo; loli umukolo uyu nu bupina bwache, asopa zyosi zizyo akaba nazyo ukuti zingamusunga.”

Maliko 9:18

Posi papo umuzimu umubibi wamulema, ghukumusumbila pasi, akafumagha itatafulu ku mulomo. Akusyeketula amino ghache, sona umubili wache ghosi ghukuma. Nkabalaba abamanyili bako ukuti bawefye umuzimu umubibi, loli bakapotwa.”

Luka 13:11

Mulamula mukaba umukolo yumo, yuyo akaba nu muzimu umubibi, ghugho ghukamupela ukuti abine amaka 18. Akapetama umusana, umwakuti akapotwanga pakugholoka napo panandi.

Luka 13:16

Ilelo pano pali uwaluko ulwa Abulahamu, yuyo apinyiwe nu Satana amaka 18; po nkimba atangasatuliwa Pisiku Ilyakutuzya?”

Luka 8:27

Bo u Yesu afika pisila, akakomana nu muntu uwa mukaya kalakala, yuyo akaba ni mizimu imibibi. Pakuti akabalilo akatali nkani umuntu uyu akendagha nkule, sona atakikalagha panyumba, loli akalindagha mumapumpa.

Luka 8:42

pachifukwa ichakuti umwana wache weka yuyo akaba na maka 12 akaba papipi pakufwa. Bo u Yesu achili akwenda, abantu bakafyenyana nawe.

Luka 8:44

Umukolo yula akiza muchilundilo icha bantu kwisinda ukwa Yesu nukupalamasya mulubazu ulwa mwenda wache, panapo na panapo ibanda likaleka pakutonya.

Yohani 9:1

Bo u Yesu akwenda, akamwennya umuntu yuyo akapapiwa mufwamaso.

Yohani 9:21

Loli namumo ghighukiye amaso ghache zyo tutazimenye, sona na wepe yuyo akamwighula amaso tutamumenye. Mumulalusye yuyo pakuti we umuntu usongo, angiyamulila mwene.”

Imbombo 3:2

Pamulyango uwa Nyumba iya Chala ghugho ghukitiziwanga ukuti Umulyango Umwiza pakabapo umuntu yuyo akapapiwa mulemazu. Isiku ni siku bakamunyamulagha nukumubika pamulyango ghula ukuti abalabaye abantu babo bakinjilagha mu Nyumba iya Chala.

Imbombo 4:22

Umuntu yuyo ichika chikabombeliwapo papache akaba na maka aghakuchila pa 40.