Luka 8:42 - IBAYIBOLO 2024

⁴² pachifukwa ichakuti umwana wache weka yuyo akaba na maka 12 akaba papipi pakufwa. Bo u Yesu achili akwenda, abantu bakafyenyana nawe.

Ulufingo Ulupya

⁴² pachifukwa chakuti umwana wache weka yuyo akaba na maka 12 akaba papipi pakufwa. Bo u Yesu achili akwenda, abantu bakafyenyana nawe.

Luka 8:42 Iomraidhean Croise

Yobu 4:20

Pandabindabi umuntu angaba mumi loli angafwa ni chamabwila chitafikite.

Umulumbilili 6:12

Nkimba wewenu yuyo achimenye ichintu ichiza mubumi ubwa muntu bo ali mumasiku amapimpa na masita mbombo agha bumi bwache, bo akuzyebeluka bulo ngati muzyezye? Nkimba wewenu yuyo angamubuzya zizyo zikwiza pakubombiwa pachisu ichapasi bo afuye?

Ezekiyeli 24:16

“Wee mwana uwa muntu, ennya umwalubilolubilo indi papipi pakwefyako ichintu chicho amaso ghako ghakuhoboka nacho. Loli utakabanje ni chitima pamo ukulila pamo pakukupula amasozi.

Ezekiyeli 24:25

“Po wee mwana uwa muntu, pisiku lilyo nkwiza pakufyula ilinga lyabo, ulusekelo lwabo nu buchindamu bwabo, ivyakuhobosya mumaso ghabo, na vivyo babikitepo umoyo wabo, sona na bana babo abalumendo na balindu.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Maliko 5:24

U Yesu akanyamuka nukubuka nawe. Abantu abinji bakamukonkagha umwakufyenyana nawe.

Luka 7:12

Bo u Yesu apalamila pamulyango uwa kaya kala, akakomana na bantu babo bakanyamula umuvimba. Umufwe yula akaba mwana umulumendo mwene na mwene uwa mukolo umufwilwe yula, abantu abinji aba mukaya kalakala bakaba poka nawe.

Luka 8:41

Po u Yayili, usongo yumo uwa kunyumba iyakwiputilamo wepe akiza palapala. Akisumba munyayo izya Yesu nukwanda pakumulambilizya ukuti abuke kunyumba yache,

Luka 8:43

Pakasi pabantu bala mukaba umukolo, yuyo akayimba nkani nu bubine ubwa chakumwezi amaka 12. Akatagha vyosi vivyo akaba navyo mu baghanga; loli atakabapo nayumo umuntu yuyo akamupozya.

Luka 8:45

U Yesu akalalusya akati, “Nkimba wewenu ampalamasya?” Umuntu wesi akakana, po u Pitala akati, “Mwene, abantu bosi bakubunganiye, sona bakukufyenya.”

Aba Loma 5:12

Polelo ukuyana namumo imbibi yikizila muchisu ichapasi ukwendela mumuntu weka, sona nu bufwe ukwendela mu mbibi, momumo bope ubufwe bukiza pabantu bosi pakuti abantu bosi banangite.