Luka 8:31 - IBAYIBOLO 2024

³¹ Imizimu imibibi yikamulaba u Yesu ukuti atakayitume muchibanka ichibizu nkani chicho abantu ababibi bakufundiliwako.

Ulufingo Ulupya

³¹ Imizimu imibibi yikamulaba u Yesu ukuti atakayitume mu chibanka ichibizu nkani chicho abantu ababibi bakufundiliwako.

Luka 8:31 Iomraidhean Croise

Yobu 1:11

Loli yezya bulo pakumufyula vyosi vivyo ali navyo, naloli akwiza pakukusamula pamaso na pamaso.”

Yobu 2:5

Loli yezya bulo pakughuyivya umubili wache, naloli akwiza pakukusamula pamaso na pamaso.”

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Luka 8:28

Bo amwennya u Yesu, akakolomoka nkani, nukwisumba munyayo zyache. Akati, “Wee Yesu Mwana uwa Chala Uwakumwanya Nkani! Nkimba ukulonda ichoni nane? Nkukulaba ukuti utakanfunde!”

Luka 8:32

Pakabapo umudimo uwa ngulube, zizyo zikalyanga pighamba. Po imizimu imibibi yikamulaba u Yesu ukuti ayitikizye ukuti yinjile mu ngulube zila, po akayitikizya.

Aba Loma 10:7

“Pamo ukuti, ‘Nkimba wewenu angikila muchibanka ichibizu nkani?’ ” (Kokuti ukumuzyusya u Kilisitu kubuzilo ubwa bantu abafwe.)

Ubuvumbuli 11:7

Bo bamala pakusimikizya, ichinyamana ichakufuma muchibanka ichibizu nkani chikwiza pakulwana nabo. Chikwiza pakubapota nukubaghogha.

Ubuvumbuli 17:8

Ichinyamana chicho ukachennya chikaba nubumi kale, loli ilelo chite sona nubumi. Losi ulu chikwiza pakufuma muchibanka ichibizu nkani nukubuka pakuchinangannya. Abantu aba muchisu ichapasi, babo amatabwa ghabo ghatasimbiwe mwibuku ilya bumi ukwandila ko kubwandilo ubwa chisu ichapasi, bakwiza pakuswigha, bo bakuchennya sona ichinyamana, chicho kale chikafwa.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Ubuvumbuli 9:11

U mwene wabo akaba wantumi yuyo akaba mulaghili uwa chibanka ichibizu nkani chila. Itabwa lyache mu Chihebeli akaba we Abadoni; mu Chigiliki akaba we Apoliyoni chicho chikung'anamula ukuti, “Uwakunangannya.”