Luka 8:2 - IBAYIBOLO 2024

² pakaba sona abakolo bamo babo u Yesu akabefya imizimu imibibi nukupozya ububine bwabo. Abakolo bala bo aba: U Maliya, yuyo bakatinji u Magadalena, yuyo akamwefya imizimu imibibi seveni,

Ulufingo Ulupya

² pakaba sona abakolo bamo babo u Yesu akabefya imizimu imibibi nu kupozya ububine bwabo. Abakolo bala bo aba: U Maliya, yuyo bakatinji u Magadalena, yuyo akamwefya imizimu imibibi seveni,

Luka 8:2 Iomraidhean Croise

Matayi 4:24

Imbili iya Yesu yikasata muchisu chosi icha Siliya, umwakuti abantu bakiza kukwache na babine bosi babo bakaba nu bubine ubwakulekanalekana, na babo bakivwa ububavu mu mabili ghabo—abantu babo bakaba ni mizimu imibibi, abavizilisi na babo bafuye ivinama, po u Yesu akabapozya bosi.

Maliko 16:1

Bo lyachila Isiku Ilyakutuzya, u Maliya Magadalena nu Maliya unyina uwa Yakobo nu Salome bakaghula amafuta aghakununkila ukuti babukaye pakughupakazya umuvimba uwa Yesu.

Maliko 16:9

Bo u Yesu azyuka pandabindabi pisiku ilinji bo lyachila Isiku Ilyakutuzya, akamubonekela tasi u Maliya Magadalena, yuyo mumwache akefyamo imizimu imibibi seveni.

Luka 23:27

Ichilundilo ichikulu icha bantu chikamukonkagha u Yesu. Mumwabo mukaba abakolo bamo babo bakaba ni chitima nu Yesu nukumulilila.

Luka 23:49

Abantu bosi babo bakamanyana nu Yesu, poka na bakolo babo bakamukonkagha ukufuma mu Galileya bakimilila pabutalipo ukwennya zinizi.

Luka 23:55

Abakolo babo bakamukonkagha u Yesu ukufuma mu Galileya bakabuka nu Yosefu pakwennya ipumpa, sona namumo bakaghubikila umuvimba uwa Yesu.

Luka 8:30

Po u Yesu akamulalusya akati, “Itabwa lyako wewenu?” Umuntu yula akamula akati, “Itabwa lyane ne Chilundilo,” pachifukwa ichakuti imizimu imibibi imyinji yikinjila mumwache.

Yohani 19:25

Papipi ni chipinjika icha Yesu pakimilila unyina, umuzuna uwa nyina nu Maliya umuchi uwa Kiliyopa nu Maliya Magadalena.

Imbombo 1:14

Bakabunganagha pipipipi pakwiputa ngati ko kabukatila, poka na bakolo nu Maliya unyina uwa Yesu, sona na bawamwabo.