Luka 8:15 - IBAYIBOLO 2024

¹⁵ Imbeyu zizyo zikawila pitope ilyiza zikwimilila abantu babo bakwivwa amazyu nukughasunga mumoyo umwiza nu bwanaloli. Sona bakujimba mupaka bape ivikomwa.”

Ulufingo Ulupya

¹⁵ Imbeyu zizyo zikawila pitope ilyiza zikwimilila abantu babo bakwivwa amazyu nukughasunga mumoyo umwiza nu bwanaloli. Sona bakujimba mupaka bape ivikomwa.”

Luka 8:15 Iomraidhean Croise

Masalimo 119:11

Nkulisunga izyu lyako mumoyo wane, umwakuti intakakubombelaye imbibi.

Masalimo 51:10

Wee Chala, umpelele umoyo umuswepu, sona ubikayemo mukasi mumwane umuzimu umupya nu wamaka.

Ivyili 3:1

Wee mwana wane, utakaluvyanje ivimanyisyo vyane, loli ughasungaye amalamulo ghane mumoyo wako.

Yelemiya 15:16

Bo nivwa amazyu ghako, nkaghalya, ghakipela pakuba lusekelo nu buhobosu mumoyo wane, pakuti nkumanyikwa ni tabwa lyako, wee Mwene u Chala Uwamaka Ghosi.

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Yelemiya 32:29

Abantu aba ku Babiloni babo bakulwa nakaya akakulu nkani aka bakwiza pakukocha numoto poka ni nyumba zyosi kuko abantu bakankalalizya bo bakumochela u Baala utwakununkila pamwanya pachisonje sona nukupungulila ichakwiyipa icha vinyo ku bachala abanji.

Matayi 24:13

Loli umuntu wesi yuyo ajimba mupaka pabumalilo akwiza pakupokiwa.

Luka 11:28

Loli u Yesu akamula akati, “Awe, basayiwa babo bakwivwa amazyu agha Chala nukughivwila.”

Luka 6:45

Umuntu umwiza akufumya ubwiza bubo asungite mumoyo wache, wepe umuntu umubibi akufumya ububi bubo asungite mumoyo wache. Pakuti umulomo ghukunena vivyo vili mumoyo.

Luka 8:14

Imbeyu zizyo zikawila pakasi pamivwa zikwimilila abantu babo bakwivwa amazyu agha Chala. Loli ukwikolezannya nivya muchisu ichapasi pano, ukuchighana ichuma, sona ni vinyonywa vyosi ivyakulekanalekana vikwinjila nukufyululusya amazyu ghala, po ivikomwa vyabo vitakutona nalumo.

Luka 8:16

“Nayumo umuntu yuyo akukozya inyale nukuyikupikila ni sonta pamo ukuyibika kusi kuchitala. Loli akuyibika pabuzelu, umwakuti yibalamilaye abantu bosi munyumba mula.

Yohani 14:15

“Nanti munganite, mukwiza pakukonka amalamulo ghane.

Yohani 15:10

Nanti mukukonka amalamulo ghane, mukwiza pakwikalagha mulughano ulwane, ukuyana namumo nane nivwiliye amalamulo agha Tata wane nukwikala mulughano ulwache.

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

Aba Loma 6:22

Loli pakuti ilelo mwasatuliwa kumbibi, po mwaba mwe bazya aba Chala. Chicho mwakabapo bumi ubuzelu, sona bumalilo bwache, bo bumi ubwa bwila na bwila.

Aba Loma 7:18

Inzimenye ukuti nachimochimo ichiza chicho chili mumwane, kokuti ubuntu bwane ubwa mbibi. Napapo nkulonda pakubomba ichiza, loli nkupotwa pakuchibomba.

Aba Loma 7:4

Mwee bakamu bane, umu momumo zibeleye namwe. Ukuyana ni Ndaghilo, namwe mukafwa pakuti mwe vigaba ivya mubili uwa Kilisitu. Po ilelo muli bache mwa yuyo akazyuka kubufwe, umwakuti tumwelelaye ivikomwa u Chala.

Aba Loma 8:25

Loli nanti tukulindilila chicho tutakuchennya na maso, tukuchilindilila nu bololo.

1 Aba Kolinti 7:19

Pakuti ukusilimuliwa pamo ukusita ukusilimuliwa kute ni mbombo nayimoyimo. Ichapamwanya nkani ko kukonka amalamulo agha Chala.

Aba Efeso 2:8

U Chala akabapoka muchisa chache ukwendela mu lwitiko lwinyu. Ichi chite chifukwa icha kwiyula kwinyu, loli chabupi icha Chala.

Ukukumbusya Amalamulo 30:6

U Mwene u Chala winyu akwiza pakubapa amwe na baluko lwinyu amoyo aghakwivwila, umwakuti mukwiza pakumughana na moyo ghinyu ghosi, sona nu muzimu winyu ghosi, ukuti mubanje nubumi.

Aba Filipi 1:11

Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

Aba Kolosi 1:6

Amazyu Amiza ghakwendelela pakwela ivikomwa nukusata muchisu chosi ichapasi ukuyana namumo zikabela mumwinyu, ukwandila pisiku lilyo mukaghivwa, sona nukwivwisya nizya chisa icha Chala.

Aba Hebeli 10:36

Amwe mubaghiye mubanje bafisalyoyo, umwakuti mubombaye zizyo u Chala akulonda. Po mukwiza pakupokela zizyo akalayizya.

Aba Hebeli 2:1

Polelo tubaghiye tulemezye nkani zizyo tukivwa, umwakuti tutakepukayeko.

Yakobo 1:4

Loli ubufisalyoyo bwinyu bubombaye imbombo yache umwakuti mubanje bantu abakuzi mubuzimu, na bakufikapo, sona na basita ukusobelwapo nakamokamo.

1 Yohani 2:3

Nanti tukukonka amalamulo agha Chala, kokuti chikulanjizya ukuti tuli nu lusubilo ulwakuti tumumenye.