Luka 7:6 - IBAYIBOLO 2024

⁶ Po u Yesu akabuka nabo. Atakaba pabutali ni nyumba bo usongo uwa basilikali 100 yula atuma abamanyani kukwache pakumubuzya ukuti, “Mwene, utakitamyanje wemwene. Ntabaghiye nukuti winjile munyumba yane,

Ulufingo Ulupya

⁶ Po u Yesu akabuka nabo. Atakaba pa butali ni nyumba bo usongo uwa basilikali 100 yula atuma abamanyani kukwache pakumubuzya ukuti, “Mwene, utakitamyanje wemwene. Ntabaghiye nukuti winjile munyumba yane,

Luka 7:6 Iomraidhean Croise

Ubwandilo 32:10

Ane ntabaghiye napo panandi ukuti undanjizye ichisa nu busubiliwa bwako kune mubombi wako. Bo nkuloboka ulusoko ulwa Yolodani, ntakaba nako nakamokamo, loli indisa yene. Ilelo nanyokela nu tubukatila tubili utu.

Ivyili 29:23

Ukwituvya ukwa muntu kukumuwisya mwene, loli umuntu uwakwiyisya abantu bakumuchindika.

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Matayi 3:11

Ane nkubozya na mizi pakulanjizya ukuti naloli mwapinduka nukuzileka imbibi zyinyu. Loli pisinda papane akwiza yumo yuyo ali namaka ukunchila. Ane intabaghiye na panandi pakunyamula inkwato zyache. Akwiza pakubozya nu Muzimu Umuzelu numoto.

Maliko 5:24

U Yesu akanyamuka nukubuka nawe. Abantu abinji bakamukonkagha umwakufyenyana nawe.

Luka 5:8

Bo u Simoni Pitala ennya vivyo vikabombiwa, akafughama pamaso pa Yesu nukuti, “Wee Mwene, epako kukwane! Ane ne muntu wambibi!”

Luka 7:4

Bo bafika kwa Yesu, bakamulambilizya bakati, “Naloliloli umuntu uyu umwavwanje.

Luka 7:5

Pakuti alughanite uluko lwitu, sona weyuyo akatuzengela ni nyumba iyakwiputilamo.”

Luka 7:7

sona intakwibika nemwene ukuti ne wakufikapo ukwiza kukwako. Loli nena bulo izyu, po uwambombo wane akwiza pakupola.

Luka 8:49

Bo u Yesu achili akunena, intumi iya kunyumba iya songo uwa nyumba iyakwiputilamo yikiza nukumubuzya u Yayili ukuti, “Umwana wako atuleka. Choni chicho ukumutamya umumanyisi.”

Imbombo 10:38

Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe.

Yakobo 4:10

Mwiyisyanje mwebene pamaso pa Mwene, po akwiza pakubakwezya.

Yakobo 4:6

Loli ichisa chicho u Chala akutulanjizya chamaka nkani. Ichi cho chifukwa Amasimbo ghakuti, “U Chala akubasusya abantu abakwitutumula, loli akubapelela ichisa abantu abakwiyisya.”