Luka 7:41 - IBAYIBOLO 2024

⁴¹ U Yesu akamula akati, “Kukabako umuntu yumo umukopezya indalama, yuyo akabakopezya abantu babili indalama, weka akamukopezya isalabazya 500, uyunji isalabazya 50.

Ulufingo Ulupya

⁴¹ Kukabako umuntu yumo umukopezya indalama, yuyo akabakopezya abantu babili indalama, weka akamukopezya isalabazya 500, uyunji isalabazya 50.

Luka 7:41 Iomraidhean Croise

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yelemiya 3:11

U Mwene akambuzya akati, “Umu Izilayeli umusita kusubiliwa mugholosu nkani ukumuchila u Yuda umusita kusubiliwa.”

Ukubelengiwa 27:3

“Utata witu akafwila munkolongo umusita bana abalumendo. Atakaba uwa kabukatila aka bakonki aba Kola, kako kakamusambukila Mwene, loli akafwa pachifukwa icha mbibi zyache.

Matayi 18:28

“Loli bo uwambombo yula afuma kuzi, akakomana nu wambombo uwamwabo yuyo akakopa inkongole iya ndalama inandi. Akamulema kusingo nukumufina. Akati, ‘Undipe inkongole yosi yiyo ukakopa!’

Matayi 6:12

Utuhobokele imbibi zyitu ukuyana namumo naswe bulo tukubahobokela abantu babo bakutunangila.

Maliko 6:37

Loli u Yesu akamula akati, “Amwe mwebene mubapanje ivyakulya.” Bakalalusya bakati, “Nkimba ukulonda tubukaye pakughula ivibama ni ndalama isalabazya izyakukwana 200 ukuti tulyesye abantu bosi banaba?”

Luka 11:4

Utuhobokele imbibi zyitu, ukuyana namumo naswe bulo tukubahobokela abantu babo bakutunangila. Utakitikizyanje ukuti tuwile munjelo.’ ”

Luka 12:48

Loli uwambombo yuyo atachimenye chicho u mwene wache akuchilonda nukubomba ichinji bulo chicho abaghiye pakufundiwa nacho, akwiza pakufundiwa pakusyempiwa panandi bulo. Umuntu yuyo akapokela ivyinji abikaye ivyinji. Sona umuntu yuyo akapokela ivyinjipo abikaye ivyinjipo nkani.

Luka 13:4

Nkimba buli nizya bantu 18 bala babo bakafwila mu Silowamu, bo inyumba yiyo yighelesanizye yikabadilimukila. Nkimba mukwinong'ona ukuti bakaba bambibi nkani ukuchila abantu bosi, babo bakwikala mu Yelusalemu?

Luka 7:40

U Yesu akamula akati, “Simoni indi nacho chimo ichakukubuzya.” Po u Simoni akamula akati, “Mumanyisi, mbuzya.”

Luka 7:47

Polelo nkukubuzya ukuti ulughano ulukulu lulo alanjizya lukusimikizya ukuti imbibi zyache inyinji zyahobokeliwa. Loli umuntu wesi yuyo ahobokeliwa panandi, ulughano lwache lope lunandi.”

Aba Loma 3:23

pakuti abantu bosi banangite, sona bapotwa pakufika mu buchindamu ubwa Chala.

Aba Loma 5:20

Indaghilo zikapeghiwa ukuti imbibi zyonjelele, loli kuko imbibi zikonjelela, ichisa icha Chala chope chikonjelela nkani.