Luka 7:40 - IBAYIBOLO 2024

⁴⁰ U Yesu akamula akati, “Simoni indi nacho chimo ichakukubuzya.” Po u Simoni akamula akati, “Mumanyisi, mbuzya.”

Ulufingo Ulupya

⁴⁰ U Yesu akamula akati, “Simoni indi nacho chimo ichakukubuzya.” Po u Simoni akamula akati, “Mumanyisi, mbuzya.”

Luka 7:40 Iomraidhean Croise

1 Abamwene 2:14

Po akanena sona akati, “Indi na mazyu nawe.” Akamwamula akati, “Nena.”

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Matayi 26:49

Umwalubilolubilo u Yudasi akabuka kwa Yesu nukuti, “Wee Mumanyisi, umutende ghubanje nawe.” Po akamufyofyonta.

Matayi 7:22

Bo isiku lilyo u Chala akwiza pakubalonga abantu lyafika, abinji bakwiza pakunena ukuti, ‘Wee Mwene, Mwene tukalumbililagha amazyu agha Chala mwitabwa lyako, tukefyanga imizimu imibibi nukubomba ivyika ivyinji mwitabwa lyako.’

Luka 18:18

Umulongozi yumo uwa Chiyuda akamulalusya u Yesu akati, “Wee Mumanyisi umwiza, nkimba imbombe ichoni ukuti impokele ubumi ubwa bwila na bwila?”

Luka 5:22

U Yesu akazimanya inyinong'ono zyabo, po akabalalusya akati, “Nkimba choni chicho mukwinong'ona bunubu mumoyo ghinyu?

Luka 5:31

U Yesu akabamula akati, “Abantu abapuma batakumulonda umughanga, loli bene babo babine.

Luka 6:8

Loli u Yesu akazimanya inyinong'ono zyabo, po akamubuzya umuntu uwa nyobe indemazu yula akati, “Zagha, wimilile kuntazi kuno.”

Luka 7:39

Bo umu Falisayi yuyo akamwitizya u Yesu ennya zinizi, akanena mwene akati, “Nanti umuntu uyu akabanga mulaghuzi ngali amumanya umukolo yuyo amupalamasyanga, sona ngali amanya inkalo imbibi yiyo umukolo uyu ali nayo!”

Luka 7:41

U Yesu akamula akati, “Kukabako umuntu yumo umukopezya indalama, yuyo akabakopezya abantu babili indalama, weka akamukopezya isalabazya 500, uyunji isalabazya 50.

Yohani 13:13

Amwe mukunyitizya ane ukuti, ‘Mumanyisi,’ sona ‘Mwene,’ chizapo pakubomba bunubu pakuti momumo imbeleye.

Yohani 16:19

U Yesu akazyaghannya ukuti abamanyili bache bakalondagha pakumulalusya, po akanena nabo akati, “Nkanena ukuti, ‘Pasyala akabalilo akanandi bulo po mutakwiza pakunyennya, loli bo pachilapo akabalilo akanandi bulo mukwiza pakunyennya.’ Nkimba ivi vyo vivyo mukulalusannya mwebene?

Yohani 16:30

Losi ulu tuzimenye ukuti uvimenye vyosi; kutakulondiwa sona ukuti umuntu akulalusye, awe. Ichi cho chifukwa tukusubila ukuti ukafuma kwa Chala.”

Yohani 3:2

Ubusiku bumo akabuka kwa Yesu nukunena nawe ukuti, “Wee Labi, tuzimenye ukuti awe we mumanyisi yuyo atumiwe nu Chala. Ataliko nayumo umuntu yuyo angabomba ivimanyilo vivyo ukubomba nanti u Chala ate nawe.”