Luka 7:16 - IBAYIBOLO 2024

¹⁶ Bosi bakanyila nkani nukumupala u Chala ukuti, “Umulaghuzi umukulu aboneka mumwitu!” Bakanena sona bakati, “U Chala iza pakubapoka abantu bache!”

Ulufingo Ulupya

¹⁶ Bosi bakanyila nkani nukumupala u Chala ukuti, “Umulaghuzi umukulu aboneka mumwitu!” Bakanena sona bakati, “U Chala iza pakubapoka abantu bache!”

Luka 7:16 Iomraidhean Croise

Masalimo 65:9

Ukuchisaya ichisu ichapasi pakuchitumila ivula. Ukuchipela pakuba chamuvundo nkani. Po sona ukuzyizuzya isoko na mizi. Bope abantu ukubamezezya ingano. Pakuti momumo uchiyanizizye.

Ukufuma 4:31

Aba Izilayeli bala bakasubila, sona bo bivwa ukuti u Mwene aghennya amayimba ghabo, sona nukuti akaba ni chitima nabo, bakafughama nukumwiputa.

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Matayi 15:31

Abantu bakaswigha nkani pakwennya ukuti abachinunu bakunena, babo bafuye ivinama bakupola, abalemazu bakwenda, abafwamaso bakwennya, po bakamuchindika u Chala uwa Izilayeli.

Matayi 21:11

Abantu muchilundilo bakamula bakati, “Uyu we Yesu umulaghuzi, uwa mukaya aka Nazaleti muchigaba icha Galileya.”

Matayi 28:8

Po umwalubilolubilo bakepamo mwipumpa nubogha, sona bo bizuye nu buhobosu. Bakachimbila pakubabuzya abamanyili bache.

Matayi 9:8

Bo abantu bennya zinizi, bakanyila nkani nukumuchindika u Chala pakubapa abantu ubulaghili ubu.

Luka 1:65

Abapalamani bakizula nubogha, sona imbili iya vintu vinivi yikasata posi na posi muchigaba icha maghamba agha Yudeya.

Luka 1:68

“Amapalo ghabanje kwa Mwene, u Chala uwa ba Izilayeli, pakuti iza pakubavwa abantu bache nukubasatula.

Luka 19:44

Bakwiza pakukuzimizya poka na bantu bako bosi. Bakwiza pakumongolannya ivibumba vyosi, sona batakwiza pakulileka nalimolimo ibwe palyamwabo, pakuti utakakaghannya akabalilo kako u Chala akalondagha pakukupoka.”

Luka 2:20

Abadimi bala bakanyokela, bo bakwimba inyimbo izyakumupala u Chala pavyosi vivyo bakivwa nu kwennya. Vikayana bulo namumo uwantumi uwakumwanya akanenela.

Luka 24:19

U Yesu akalalusya akati, “Vintu vyoni?” Abene bakamula bakati, “Ivintu vivyo vikabombiwa kwa Yesu uwamu Nazaleti. Umuntu uyu akaba mulaghuzi, yuyo imbombo zyache, sona na mazyu ghache vikamuhobosya u Chala, sona na bantu bosi.

Luka 5:26

Bosi bakaswigha nkani! Pachifukwa icha bogha, bakamupala u Chala nukuti, “Ilelo twennya ivyakuswighisya nkani!”

Luka 5:8

Bo u Simoni Pitala ennya vivyo vikabombiwa, akafughama pamaso pa Yesu nukuti, “Wee Mwene, epako kukwane! Ane ne muntu wambibi!”

Luka 7:15

Umufwe yula akazyuka, akikalisya nukwanda pakunena, po u Yesu akamupa unyina.

Luka 7:39

Bo umu Falisayi yuyo akamwitizya u Yesu ennya zinizi, akanena mwene akati, “Nanti umuntu uyu akabanga mulaghuzi ngali amumanya umukolo yuyo amupalamasyanga, sona ngali amanya inkalo imbibi yiyo umukolo uyu ali nayo!”

Luka 8:37

Po abantu bosi aba muchigaba icha Gelasani bakamulaba u Yesu pakwepako pakuti bakanyila nkani. Po u Yesu akakwela mubwato nukunyokela kuko akafuma.

Luka 9:19

Bakamula bakati, “Bamo bakuti awe we Yohani Uwalozyo. Abanji bakuti awe we Eliya, abanji sona bakuti awe weyumo uwa balaghuzi abakale yuyo azyuka kubufwe.”

Yohani 1:21

Bakalalusya bakati, “Nkimba po wewenu lelo? Nkimba we Eliya?” U Yohani akamula akati, “Awe, inte nene.” Bakalalusya bakati, “Nkimba we Mulaghuzi?” Akamula akati, “Awe, inte nene.”

Yohani 1:25

zikamulalusya u Yohani zikati, “Nanti awe ute we Kilisitu, pamo ute we Eliya, pamo ute we mulaghuzi, po choni chicho ukozya?”

Yohani 4:19

Umukolo akamubuzya Yesu akati, “Wee Mwene, losi ulu nazimanya ukuti we mulaghuzi.

Yohani 6:14

Bo abantu bennya ichimanyilo chicho u Yesu akabomba, bakati, “Naloli uyu mulaghuzi, yuyo akwiza muchisu ichapasi!”

Yohani 9:17

Po aba Falisayi bakamulalusya sona umuntu yula bakati, “Ukuti akakwighula amaso, mute momumo, po nkimba ukuti choni nizya muntu yunuyu?” Umuntu yula akabamula akati, “We mulaghuzi.”

Imbombo 5:5

Panapo na panapo bo u Ananiya ivwa zinizi, akawa pasi nukufwa. Sona abantu bosi babo bakivwa zinizi ubogha bukabalema nkani.

Imbombo 7:37

U Mozesi weyuyo akababuzya aba Izilayeli ukuti, ‘U Chala akwiza pakubatumila umulaghuzi ukuyana namumo akantumila, sona akwiza pakuba yumo uwa bantu binyu.’

Aba Galatiya 1:24

Po bakamupala u Chala pachifukwa icha nene.

Ukukumbusya Amalamulo 18:15

Loli u Mwene u Chala winyu akwiza pakubatumila umulaghuzi ngati nene uwakufuma pakasi pabantu binyu. Po amwe mumwivwilaye.