Luka 7:12 - IBAYIBOLO 2024

¹² Bo u Yesu apalamila pamulyango uwa kaya kala, akakomana na bantu babo bakanyamula umuvimba. Umufwe yula akaba mwana umulumendo mwene na mwene uwa mukolo umufwilwe yula, abantu abinji aba mukaya kalakala bakaba poka nawe.

Ulufingo Ulupya

¹² Bo u Yesu apalamila pamulyango uwa lupaso ulwa kaya kala, akakomana na bantu babo bakanyamula umuvimba. Umufwe yula akaba mwana umulumendo mwene na mwene uwa mukolo umufwilwe yula, abantu abinji aba mukaya kalakala bakaba poka nawe.

Luka 7:12 Iomraidhean Croise

Ubwandilo 22:12

Uwantumi yula akamubuzya akati, “Utakamughoghe pamo ukumuvulazya napo panandi. Ilelo nazimanya ukuti naloli we muntu uwakumunyila u Chala, pachifukwa ichakuti utakanyima umwana wako, mwene na mwene.”

Ubwandilo 22:2

Po u Chala akumubuzya akati, “Senda u Yisaki umwana wako, mwene na mwene, sona yuyo umughanite nkani, ubuke kuchisu icha Moliya. Kulakula umubike ukuti abanje chakwiyipa ichakocha pighamba lilyo nkwiza pakukubuzya.”

2 Samuweli 14:7

Losi ulu, uluko losi lwansambukila ane ne wambombo wako, sona bakuti, ‘Mubike munyobe zyitu umwana wako yuyo akamughogha uwamwabo, umwakuti wepe tumughoghe, pachifukwa icha wamwabo yula. Bunubu tukwiza pakumughogha uwampyana yula.’ Abantu banaba bakwiza pakumughogha umwana wane yuyo asyalako. Po itabwa ilya mulume wane likwiza pakuzimila, sona atakwiza pakuba nu mwizukulu nayumoyumo pachisu ichapasi.”

1 Abamwene 17:12

Umukolo yula akamula akati, “Nkulapa pamaso pa Mwene u Chala wako umumi ukuti inte ni chibama nachimochimo. Loli chene chicho indi nacho busu bunandi bulo musonta namafuta manandi bulo agha misyunguti mulubako. Indi pakutenya bulo inkwi ukuti impiye ichakulya ichane nu mwana wane ukuti tulye, po tufwanje.”

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

1 Abamwene 17:23

U Eliya akamusenda umwana yula nukubuka nawe muchipinda ichapasi pakumupa unyina, po akamubuzya akati, “Umwana wako uyu mumi!”

1 Abamwene 17:9

“Bukagha kukaya akakulu aka Zalefati, papipi nakaya aka Sidoni nukwikala kulakula. Ane namulamula umukolo umufwilwe yuyo akwikala kulakula ukuti akupanje ivyakulya.”

2 Abamwene 4:16

U Elisha akamubuzya akati, “Pakabalilo ngati kanaka umwaka uwa indabi ukwiza pakupakata umwana umulumendo.” Umukolo yula akakana akati, “Awe, mwene wane, utakanzimbulaye. Awe we muntu uwa Chala.”

2 Abamwene 4:20

Uwambombo yula akamunyamula nukubuka nawe kwa nyina. Umwana yula akikala pavinama ivya nyina mupaka pamusanya, po pabumalilo akafwa.

Yobu 29:13

Umuntu yuyo akaba papipi pakafwa akansaya, po nkabasangalusya abafwilwe ni nyimbo izya lusekelo.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Luka 7:11

Pisinda pache u Yesu akabuka mukaya aka Nayini poka na bamanyili bache ni chilundilo icha bantu.

Luka 7:13

Bo u Mwene amwennya umufwilwe yula, ichisa chikamulema. Akamubuzya umukolo umufwilwe yula akati, “Utakalilaye.”

Luka 8:42

pachifukwa ichakuti umwana wache weka yuyo akaba na maka 12 akaba papipi pakufwa. Bo u Yesu achili akwenda, abantu bakafyenyana nawe.

Luka 8:52

Abantu bosi bakalilagha, sona bakaba ni chitima. Po u Yesu akababuzya akati, “Mutakalilaye, umwana atafuye, loli aghonite bulo utulo!”

Yohani 11:19

po aba Yuda abinji bakiza pakumulema inyobe u Malita nu Maliya pachifukwa icha bufwe ubwa muyemba wabo.

Imbombo 9:39

Po u Pitala akanyamuka nukubuka nabo. Bo afika, bakabuka nawe muchipinda chilachila mumo abafwilwe bosi bakamubunganila, ukulila nukumulanjizya inkazo na menda ghagho u Dolika akasona bo achili mumi.

Imbombo 9:41

U Pitala akamulema inyobe nukumwimika. Po akabitizya abitiki bosi, poka na bafwilwe nukubalanjizya u Tabita umumi.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.