Luka 6:41 - IBAYIBOLO 2024

⁴¹ “Nkimba choni chicho ukwennya akapato mu lyiso ilya mukamu wako, ukusita ukwinong'ona ichizinka chicho chili mu lyiso lyako?

Ulufingo Ulupya

⁴¹ “Nkimba choni chicho ukwennya akapato mu lyiso ilya mukamu wako, ukusita ukwinong'ona ichizinka chicho chili mu lyiso lyako?

Luka 6:41 Iomraidhean Croise

1 Abamwene 2:32

U Mwene akwiza pakumutanizya pachifukwa ichakubaghogha abantu babili bala, babo bakaba bantu abagholosu ukumuchila yuyo, ukusita utata wane u Devedi ukuzimanya. Abantu babili banaba bo aba: U Abinala umwana uwa Neli, usongo uwa basilikali aba Izilayeli, sona nu Amasa umwana uwa Yeteli, usongo uwa basilikali aba Yuda.

1 Imbili 21:6

Loli u Yowabu atakababelengelako aba Levi naba Benjamini, pakuti zizyo u mwene akalamula zitakamuhobosya.

Masalimo 36:2

Pakuti akwizimbula mwene mumoyo wache umwakuti atangazyaghannya imbibi zyache nukuzibenga.

Yelemiya 17:9

U moyo uwa muntu chintu ichizimbuli ukuchila ivintu vyosi. Nkimba wenu yuyo angawivwisya?

Ezekiyeli 18:28

Pachifukwa ichakuti akwinong'onela ukunanga kosi kuko abomba nukukuleka, naloli akwiza pakuba mumi, atakwiza pakufwa.

Matayi 7:1

“Mutakabalongaye abantu abanji, umwakuti u Chala wepe atakabalonge.

Maliko 8:7

Bakaba sona nu tuswi utunandi tuto tutakaba utukulu, u Yesu akamupalizya u Chala pachifukwa icha tuswi tula nukubabuzya abamanyili ukuti babagabile abantu.

Luka 6:40

Umumanyili ate wapamwanya ukumuchila umumanyisi wache, awe, loli umumanyili wesi yuyo amanyila umwakufikapo weyuyo akwiza pakuyana bulo nu mumanyisi wache.

Luka 6:42

Nkimba ungamubuzya bulibuli umukamu wako ukuti, ‘Wee mukamu zagha nefye akapato mulyiso lyako,’ bo utakuchennya ichizinka chicho chili mulyiso lyako? Wee muzimbuli wee! Efya tasi ichizinka chicho chili mu lyiso lyako, po ukwiza pakwennya akiza nukwefya akapato, kako kali mu lyiso ilya umukamu wako.”

Yohani 8:7

Bo balindiye bulo pakumulalusya, u Yesu akinuka nukubabuzya ukuti, “Yuyo atanangitepo nalumolumo, weyuyo andile pakumusumba nibwe umukolo uyu.”

Aba Loma 2:1

Awe, we ukulonga abanji, manyi wewenu, ute na pakulyeghelapo? Pakuti bo ukulonga abanji, ukwisusya wemwene pakuti we mulongi ukubomba ivintu vilavila.

Yakobo 1:24

Po bo iyennya, akwepapo lubilolubilo nukuluvya mumo icheni chache chibeleye.