Luka 6:30 - IBAYIBOLO 2024

³⁰ Nanti umuntu akukulaba ichintu chimo, umupe, sona nanti yumo akusenda ichintu chako, utakamubuzye ukuti anyosye.

Ulufingo Ulupya

³⁰ Nanti umuntu akukulaba ichintu chimo, umupe, sona nanti yumo akusenda ichintu chako, utakamubuzye ukuti anyosye.

Luka 6:30 Iomraidhean Croise

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 41:1

Musayiwa umuntu yuyo akubapasikizya abapina, po u Mwene akumupokagha pakabalilo akantamyo.

Ivyili 19:17

Umuntu yuyo akumupelela ichisa umupina akumwazimya u Mwene sona akwiza pakumupa umuvwalo ukuyana ni mbombo zyache inyiza.

Ivyili 21:26

Umuntu umukata akuvinyonnya ivintu musanya ghosi, loli umugholosu akupa umwakusita ukumamamilizya.

Ivyili 22:9

Umuntu umupi akusayiwanga, pakuti akugabana ivyakulya vyache na bapina.

Umulumbilili 11:2

Sunga indalama zyako mubuzilo ubwinji bulo, pakuti utachimenye ichintu ichibibi chicho chikwiza pakuwa pachisu ichapasi.

Umulumbilili 8:16

Bo nkwinong'ona ukuti ingamenye amahala, sona nukuvwisya zizyo zikubombiwa pachisu ichapasi, nkagha ukuti ungachelezya,

Matayi 18:35

Po u Yesu akamalizya nukuti, “Momumo Utata wane uwakumwanya akwiza pakubombela na wesi uwa amwe nanti mutakubahobokela abawamwinyu nu moyo winyu ghosi.”

Matayi 5:39

Loli ilelo nkubabuzya ukuti mutakamutanikizizyanje umuntu yuyo akubombela ububibi. Nanti umuntu yumo akukoma kulusaya ulwa ndilo, mupe ulwamwabo ukuti akukome sona.

Matayi 6:12

Utuhobokele imbibi zyitu ukuyana namumo naswe bulo tukubahobokela abantu babo bakutunangila.

Luka 11:41

Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Luka 12:33

Ghulizya vyosi vivyo muli navyo nukubapa abapina indalama. Mubanje ni vikwama ivya ndalama vivyo vitakuzepuka nukwilundikila ubukabi kumwanya, bubo bute bukamale nalumo, pakuti abiba batangapankula nukwiba, sona impezu zitangabunangannya.

Luka 18:22

Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 6:29

Nanti umuntu yumo akukoma kulusaya loka, umupe sona ulwamwabo ukuti akome sona. Nanti umuntu yumo akusenda inkazo yako, umuleke asende poka nu mwenda bulo.

Luka 6:31

Mubabombelaye abantu abanji vivyo amwe mukulonda ukuti bababombelaye.

Luka 6:38

Mubapanje abantu abanji, po namwe u Chala akwiza pakubapa. Naloli mukwiza pakupokela ichipimilo ichiza, ichakusindiliwa, ichakuyingana, ni chakufuluka, momumo abantu bakwiza pakubapelagha munyobe zyinyu. Pakuti ichipimilo chicho mukubombezya pabantu abanji, cho chicho u Chala akwiza pakubombezya papinyu.”

Imbombo 20:35

Muvintu vyosi nabalanjizya ukuti pakubomba nkani imbombo bunubu, tubaghiye pakubavwa abadedebazu. Mukumbukaye amazyu ghagho u Mwene u Yesu akanena ukuti, ‘Ukupa kukumusaya umuntu nukuchila ukupokela bulo.’ ”

2 Aba Kolinti 8:9

Pakuti muchimenye ichisa icha Mwene witu u Yesu Kilisitu. Napapo akaba mukabi, loli akaba mupina pachifukwa icha mwemwe, umwakuti ukwendela mu bupina bwache, amwe mubanje bakabi.

Aba Efeso 4:28

Umuntu yuyo akibagha, atakibaye sona, loli abombaye ni nyobe zyache ichintu chicho chiza, umwakuti angaba navyo vimo ukuti angagabana na babo bakusobelwa.