Luka 6:29 - IBAYIBOLO 2024

²⁹ Nanti umuntu yumo akukoma kulusaya loka, umupe sona ulwamwabo ukuti akome sona. Nanti umuntu yumo akusenda inkazo yako, umuleke asende poka nu mwenda bulo.

Ulufingo Ulupya

²⁹ Nanti umuntu yumo akukoma kulusaya loka, umupe sona ulwamwabo ukuti akome sona. Nanti umuntu yumo akusenda inkazo yako, umuleke asende poka nu mwenda bulo.

Luka 6:29 Iomraidhean Croise

2 Samuweli 19:30

U Mefibosheti akamubuzya u mwene akati, “Muleke uwamwitu uyu asende vyosi. Ane nahoboka nkani ukuti awe we mwene wane wafika pakaya akiza bulo.”

2 Imbili 18:23

Po u Zedekiya umwana uwa Kenana akapalamila nukumukoma u Mikaya nipi kumaso, po akamulalusya akati, “Nkimba umuzimu uwa Mwene wendite zila yoni, bo wepamo mumwane nukunena nawe?”

Yesaya 50:6

Nkabapa inyuma yane babo bakankomagha, sona na masaya ghane, ku babo bakunyunkula indevu zyane, intakafisa icheni ku bantu, babo bakansamulagha nukunfwinila amati.

Nkuto 3:30

Muleke amupanje ulusaya umuntu yuyo angamukoma, umwakuti akoziwanje isoni.

Mika 5:1

Mwee bantu aba mu Yelusalemu, babungannye abasilikali binyu! Pakuti abalwani batuzyunguliye nubwite. Bakulwa ubwite nu mulongozi uwa Izilayeli.

Matayi 26:67

Po bakamufwinila amati kumaso nukumukoma. Abanji bakamukomagha na mapi,

Luka 22:64

Bakamupinya kumaso ni chitambala nukumulalusya ukuti, “Sakizya, nkimba wewenu akukoma?”

Luka 6:30

Nanti umuntu akukulaba ichintu chimo, umupe, sona nanti yumo akusenda ichintu chako, utakamubuzye ukuti anyosye.

Yohani 18:22

Bo u Yesu anena zinizi, umusilikali weka yuyo akimilila palapala akamukoma na mapi ukuti, “Nkimba unganena bunubu ku muputi usongo?”

Imbombo 23:2

Umuputi usongo u Ananiya akabalamula babo bakimilila papipi nu Pabuli ukuti bamukome pa mulomo.

1 Aba Kolinti 4:11

Ukufika nilelo tuli nizala, sona ni nyota. Aswe tuvwalite ivisepe. Abantu bakutukoma, sona tukwendakwenda bulo.

1 Aba Kolinti 6:7

Ukulongana ukwa nongwa kuko kuli mumwinyu kukulanjizya pabuzelu ukuti mwapotwa zila. Nkimba choni chicho mutakufisa ilyoyo nanti bamo bakubanangila? Nkimba choni chicho mutakubitikizya abantu ukuti babibile?

2 Aba Kolinti 11:20

Pakuti mukwennya bulo nanti umuntu akubapima ngati po mwe bazya, pamo pakubafyula ivintu vyinyu, pamo pakubachevya, pamo pakubayivya, pamo pakubakoma kumaso.

Aba Hebeli 10:34

Pakuti mukabapasikizyanga abantu babo bakaba mujele. Bo bafyula ivintu vyinyu, amwe mukitikizya nu buhobosu, pachifukwa ichakuti amwe mwebene mumenye ukuti muli navyo ivyizapo nkani vivyo vikwiza pakubangako bwila na bwila.