Luka 6:27 - IBAYIBOLO 2024

²⁷ “Loli amwe mwe mukunteghelezya, nkubabuzya ukuti mubaghane abalwani binyu, mubabombelaye inyiza abantu babo bababengite.

Ulufingo Ulupya

²⁷ “Loli amwe mwe mukunteghelezya, inkubabuzya ukuti mubaghane abalwani binyu, mubabombelaye inyiza abantu babo bababengite.

Luka 6:27 Iomraidhean Croise

1 Abamwene 13:6

U mwene akamubuzya umulaghuzi yula akati, “Wee undambilizizyeko kwa Mwene u Chala wako, sona unyiputile ukuti inyobe yane yipole.” Umulaghuzi yula akamulambilizizya kwa Mwene, po inyobe yache yikapola.

Masalimo 7:4

nanti namubombela akabibi umumanyani wane, pamo nanti namwibila chimo umulwani wane umwakusita ichifukwa,

Ivyili 24:17

Utakasekelaye nanti umulwani wako awa, sona utakahobokaye nanti ipunula.

Ivyili 25:2

Ubuchindamu ubwa Chala bwimiliye pakufisa ivintu, bo ubuchindamu ubwa bamwene bwimiliye pakuvilondelezya ivintu vila.

Maliko 4:24

Akababuzya sona akati, “Muchebaye nkani na zizyo mukwivwa! Ichipimilo chicho mukubombezya pabantu abanji, cho chicho u Chala akwiza pakubombezya papinyu, loli umwakuchilapo.

Luka 23:34

U Yesu akati, “Wee Tata ubahobokele pakuti batakuzimanya zizyo bakubomba.” Bakagabana amenda ghache pakupanga amayele.

Luka 6:22

“Mwe basayiwa nanti abantu bakubabenga, bakubakana, bakubatuka nukubanena ukuti mwe babibi pachifukwa icha nene u Mwana uwa Muntu!

Luka 6:35

Awe, mubaghane abalwani binyu nukubabombela inyiza. Mubakopezyanje sona mutakalindililaye ukuti mupokelepo kamo. Po umuvwalo winyu ghukwiza pakuba mukulu nkani, sona mukwiza pakuba mwe bana aba Chala Uwakumwanya Nkani. Pachifukwa ichakuti akubapelela ichisa abantu babo batakumupala, sona na bantu ababibi.

Luka 8:15

Imbeyu zizyo zikawila pitope ilyiza zikwimilila abantu babo bakwivwa amazyu nukughasunga mumoyo umwiza nu bwanaloli. Sona bakujimba mupaka bape ivikomwa.”

Luka 8:18

“Polelo muchebaye na zizyo mukwivwa. Umuntu wesi yuyo ali nako kale kamo, akwiza pakumonjelezyapo ivyinji ukuchila. Loli umuntu wesi yuyo ate nako kamo akwiza pakufyuliwa na kanandi bulo kako ali nako kale, napapo akwinong'ona ukuti ali nako kamo.”

Luka 8:8

Sona imbeyu zimo zikawila pitope ilyiza; imbeyu zikakula nukwela ivikomwa 100.” Pabumalilo u Yesu akati, “Yuyo ali na makutu aghakwivwila, ivwe!”

Imbombo 10:38

Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe.

Imbombo 16:28

Loli u Pabuli akakolomoka nkani akati, “Utakivulazye! Twebosi tuli munumu!”

Imbombo 7:60

Akafughama nukulila na mazyu agha pamwanya ukuti, “Wee Mwene! Utakakumbuke imbibi yabo iyi.” Bo anena zinizi akafwa.

Aba Galatiya 6:10

Polelo bo tuli nu lusako, zagha tubabombelaye ivintu ivyiza abantu bosi, nkaninkani abantu babo bali mukabukatila aka bitiki.

1 Aba Tesalonika 5:15

Mwenelezye ukuti nayumo umuntu akunyosezya ububibi pabubibi, loli akabalilo kosi mubombelanaye ubwiza mwebenebene, sona na bantu bosi.

3 Yohani 1:11

Mwee bamanyani bane abaghaniwa, mutakeghelelaye chicho chibibi, loli mweghelelaye chicho chiza. Umuntu wesi yuyo akubomba ichiza mwana uwa Chala. Loli umuntu wesi yuyo akubomba ichibibi atamwenizyepo u Chala.