Luka 6:25 - IBAYIBOLO 2024

²⁵ Chighune nkani kukwinyu amwe mwe mukwikuta akabalilo aka; pakuti mukwiza pakuba nizala! Chighune nkani kukwinyu amwe mwe mukuseka akabalilo aka, pakuti mukwiza pakuba ni chitima nukufwifwitila!

Ulufingo Ulupya

²⁵ Chighune nkani kukwinyu amwe mwe mukwikuta akabalilo aka; pakuti mukwiza pakuba ni zala! Chighune nkani kukwinyu amwe mwe mukuseka akabalilo aka, pakuti mukwiza pakuba ni chitima nukufwifwitila!

Luka 6:25 Iomraidhean Croise

Masalimo 49:19

pope bulo akwiza pakubakonka abanyenya bache, babo batakwiza pakulwennyapo nalumo ulukozyo.

Ivyili 14:13

Napapo umuntu angaseka loli mumoyo muli ichitima sona ubumalilo ubwa buhobosu bungaba cho chitima.

Ivyili 30:9

Pakuti nanti naba mukabi nkani, nkwiza pakwikuta nukwanda pakukukana, pamo nanti naba mupina nkwiza pakwiba ivya bantu po nkwiza pakulinyazya itabwa ilya Chala wane.

Umulumbilili 2:2

Nkati, “Ukuseka kope bo bupunganu. Nkimba ukwilagha ubumi kukumukabila ichoni umuntu?”

Umulumbilili 7:3

Ichitima chizapo ukuchila ukuseka, pakuti ichitima chikupa ubwiza mumoyo uwa muntu.

Umulumbilili 7:6

Ngati kupunta ukwa mivwa pamoto, kuyanite bulo nukuseka ukwa mupunganu. Vyope vinivi vite ni mbombo.

Yesaya 28:7

sona na bantu banaba bope bakutantalila, pachifukwa icha vinyo. Abaputi na balaghuzi bakutantalila pachifukwa icha vinyo, bakutantalila bo bakwennya ivisetuka, bakupotwa pakulonga inongwa zizyo abantu bakubizila nazyo.

Yesaya 65:13

Polelo u Mwene Uwamaka Ghosi akuti, “Ababombi bane bakwiza pakulya, loli amwe mukwiza pakuba nizala, ababombi bane bakwiza pakung'wela, loli amwe mukwiza pakubanga ninyota, ababombi bane bakwiza pakusekela, loli amwe mukwiza pakukoziwa isoni.

Yesaya 8:21

Bakwiza pakwendakwendagha muchisu chosi bo bali nizala nukuwa amaka, bakwiza pakwennya kumwanya nukumughuna u mwene wabo nu Chala wabo.

Yesaya 9:20

Kundilo bakwiza pakulya, loli pope bulo bakwiza pakuba nizala, kumongo bakwiza pakulya loli batakwiza pakwikuta. Umuntu wesi akwiza pakulya abana bache.

Amosi 8:10

Ulusekelo lwinyu ulwanyiputo, lukwiza pakuba chililo, kope ukwimba kwinyu kukwiza pakuba kulila. Umuntu wesi akwiza pakuvwinkiwa amasaka, nukumwa isisi kumitu yinyu, pachifukwa icha chitima. Nkwiza pakukapela akabalilo kalakala pakuba ngati ko kabalilo akakumulila umwana mwene na mwene, sona ubumalilo bwisiku lilalila bukwiza pakuba bwakubaba nkani.”

Nahumu 1:10

Bakwiza pakochiwa mumoto ngati mivwa, sona ngati mapelele amumizu. Abaching'wela bakwiza pakochiwa mumoto.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Luka 13:28

Mukwiza pakulila nukusyeketula amino bo mukumwennya u Abulahamu nu Yisaki nu Yakobo, sona na balaghuzi bosi mu Bumwene ubwa Chala, bo amwe mukusumbiwa kuzi.

Luka 6:24

Loli chighune kukwinyu amwe mwe bakabi akabalilo aka, pakuti mupokelite kale ivyakubahobosya vyinyu!

Luka 6:26

“Chighune nkani nanti abantu bosi bakubanena ubwiza, pakuti momumo abanyenya babo bakababombela na balaghuzi abamyasi.”

Luka 8:53

Bosi bakamuseka, pachifukwa ichakuti bakazimanya ukuti naloli umwana yula afuye.

Aba Efeso 5:4

Sona mutakanenaye ivyamasiku, nivya bupunganu, pamo ivyasunga, loli munenaye nizya kumupala u Chala.

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.

Yakobo 4:9

Mubanje ni chitima, mulilaye sona mukolomokaye pachifukwa icha vintu ivibibi vivyo mukabomba. Ukuseka kwinyu kubanje nkuto, sona ubuhobosu bwinyu bubanje chitima.

Ubuvumbuli 3:17

Pakuti ukunena ukuti, ‘Ane ne mukabi, indi navyo vyosi, sona ntakusobelwapo nachimochimo.’ Loli utazimenye ukuti we wantamyo, we mupelachisa, we mupina, we mufwamaso, sona uli nkule.

1 Samuweli 2:5

Abantu babo kale bakikuta ilelo bakulaba ichakulya. Loli babo bakaba nizala, ilelo bakwikuta. Umukolo yuyo akaba mughumba, ilelo apapa abana seveni. Loli umukolo yuyo akapapa abana abinji, ilelo asyala bulo mwene.