Luka 6:23 - IBAYIBOLO 2024

²³ Bo vinivi vikubombiwa muhobokaye nukujina nkani, pakuti umuvwalo winyu umukulu nkani wuli kumwanya. Pakuti abanyenya babo bakababombela bunubu abalaghuzi.

Ulufingo Ulupya

²³ Bo vinivi vikubombiwa muhobokaye nukujina nkani, pakuti umuvwalo winyu mukulu nkani. Pakuti abanyenya babo bakababombela bunubu abalaghuzi.

Luka 6:23 Iomraidhean Croise

2 Samuweli 6:16

Bo Ibokosi ilya Lufingo ilya Mwene likwinjila mukaya akakulu aka Devedi, u Mikali umwana umulindu uwa Sabuli akananamizya pibwindo. Bo amwennya u mwene u Devedi akunyelanyela nukwimba pamaso pa Mwene, akanda pakumusamula mumoyo wache.

1 Abamwene 18:4

Bo u Yezibeli akubaghogha abalaghuzi aba Mwene, u Obadiya akabasenda abalaghuzi 100 nukubafisa mumpako zibili, kokuti akabafisa abalaghuzi 50 mumpako yoka, sona abalaghuzi 50 mumpako iyinji. Akabapanga ichakulya na mizi.

1 Abamwene 19:10

U Eliya akamula akati, “Wee Mwene u Chala Uwamaka Ghosi, ane nakubombelagha nu lweke akabalilo kosi. Loli aba Izilayeli balunangannya ulufingo lwako, bavimongolannya ivighemo vyako, sona babaghoghite abalaghuzi bako. Nasyala nemwene, pope bulo bakulonda pakungogha!”

1 Abamwene 19:14

U Eliya akamula akati, “Wee Mwene u Chala Uwamaka Ghosi, ane nakubombelagha nu lweke akabalilo kosi. Loli aba Izilayeli balunangannya ulufingo lwako, bavimongolannya ivighemo vyako, sona babaghoghite abalaghuzi bako. Nasyala nemwene, pope bulo bakulonda pakungogha!”

1 Abamwene 19:2

Po u Yezibeli akamutumila intumi u Eliya pakumoghofya ukuti, “Abachala banfunde nkani nanti ukufika indabi pakabalilo ngati kanaka ntakwiza pakukughogha ngati mumo ukubaghoghela abalaghuzi bala.”

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

1 Abamwene 22:27

u mwene uwamu Izilayeli akuti, ‘Mwighalile mujele, sona mumupanje chene ichibama na mizi mupaka inyokeko akiza bulo.’ ”

1 Abamwene 22:8

U mwene uwa Izilayeli akamwamula u Yehoshafati akati, “Asyalako umulaghuzi weka uwakuti tungabuzikizizyako, itabwa lyache we Mikaya umwana uwa Imula. Loli imubengite pachifukwa ichakuti atandaghuliyepo nalumo ivintu ivyiza, akabalilo kosi akundaghulila ivintu ivibibi vyene.” U Yehoshafati akamwamula akati, “Wee mwene wane, utakanenaye bunubu.”

2 Abamwene 6:31

Po u mwene yula akati, “U Chala anfunde nkani nanti ilelo intakumudumula umutu u Elisha umwana uwa Shafati.”

2 Imbili 36:16

Loli bakazyobezya intumi zyache nukughasulannya amazyu ghache sona bakabasamula abalaghuzi bache, po u Mwene akabakalalila nkani abantu bache, umwakuti patakabapo nayumoyumo uwakupona.

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Masalimo 58:11

Po abantu bakwiza pakunena ukuti, “Naloli abagholosu bakupokela umuvwalo wabo. Naloliloli u Chala aliko yuyo akuchilonga ichisu ichapasi.”

Yesaya 35:6

Umulemazu akwiza pakunyela ngati mbabala, ululimi ulwa chinunu lukwiza pakukolomoka umwalusekelo. Pakuti imbwibwi zikwiza pakwighuka munkolongo, tope utusoko tukwiza pakwenda munkolongo.

Yelemiya 2:30

“Nkabafunda abantu aba mu Yuda, pope batakamanyilapo nachimochimo. Mukabaghogha abalaghuzi nupanga ngati nkalamu yiyo yikalaye.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Matayi 5:12

Hobokagha nukusekela pakuti umuvwalo winyu mukulu nkani kumwanya. Umu momumo abalaghuzi babo bakabako kale bakavwimiliwanga.

Luka 1:41

Bo u Elizabeti ivwa bulo ukulamuka ukwa Maliya, umwana akasakata mulwanda lwache. U Elizabeti akizula nu Muzimu Umuzelu

Luka 1:44

Pakuti bo nivwa bulo ukulamuka kwako, umwana mulwanda lwane akasakata nu lusekelo.

Luka 6:35

Awe, mubaghane abalwani binyu nukubabombela inyiza. Mubakopezyanje sona mutakalindililaye ukuti mupokelepo kamo. Po umuvwalo winyu ghukwiza pakuba mukulu nkani, sona mukwiza pakuba mwe bana aba Chala Uwakumwanya Nkani. Pachifukwa ichakuti akubapelela ichisa abantu babo batakumupala, sona na bantu ababibi.

Imbombo 14:10

Po akati, “Imilila, gholosya ivinama vyako!” Umuntu yula akanyela nukwanda pakwendakwenda.

Imbombo 3:8

akanyela, akimilila ni vinama vyache nukwanda pakwendakwenda. Po akinjila poka nabo mu Nyumba iya Chala bo akwenda nukunyelanyela, sona akumupala u Chala.

Imbombo 5:41

Bo abatumiwa bepapo pamaso pa balongi, bakahoboka pakuti u Chala akinong'ona ukuti babaghiye pakuyimba pachifukwa icha Yesu.

Aba Loma 5:3

Loli ukuchilapo pazinizi, zagha tusekelaye sona pachifukwa icha mayimba ghitu pakuti tuzimenye ukuti amayimba ghakumumanyisya umuntu pakuba mufisalyoyo,

2 Aba Kolinti 12:10

Pachifukwa icha Kilisitu, nhobokite nkani nu budedebazu bwane nu musamu wane, nintamyo zyane, na mayimba ghane, sona nu bupalapala bwane. Pakuti bo indi mudedebazu, popapo indi na maka.

Aba Kolosi 1:24

Ilelo ane nemwene nahoboka nkani nukuyimba kwane pachifukwa icha mwemwe. Pakuti ukuvwimiwa kuchili kukwendelela ukuyana namumo u Kilisitu akavwimiliwa. Nane bulo nkusendapo ichigaba mukuvwimiwa kuko u Kilisitu akakomana nako pachifukwa icha mubili wache, chicho chipanga.

2 Timoti 2:12

Nanti tukwendelela pakujimba, naswe bulo tukwiza pakulaghila nawe. Nanti tukumukana, wepe bulo akwiza pakutukana.

Aba Hebeli 11:26

Akinong'onagha ukuti ukuyimba pachifukwa icha Kilisitu bukaba bukabi ubukulu nkani ukuchila ubukabi bosi ubwa mu Ijiputi, pakuti amaso ghache ghakennyanga umuvwalo uwa muntazi.

Aba Hebeli 11:6

Sona ukusita pakuba nu lwitiko, chipala nkani pakumuhobosya u Chala, pakuti umuntu wesi yuyo akwiza kukwache asubilaye ukuti u Chala aliko, sona nukuti akubapa umuvwalo abantu babo bakumulondelezya.

Yakobo 1:2

Mwee bakamu bane, musekelaye bo mukukomana ni njelo izyakulekanalekana,

1 Pitala 4:13

Loli musekelaye pachifukwa ichakuti mukugabana poka nu Kilisitu mumayimba ghache, umwakuti muhobokaye nkani, bo ubuchindamu bwache bwavumbuliwa.

Ubuvumbuli 2:17

“Umuntu yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu yuyo akupota, nkwiza pakumupa ichakulya ichakubusyefu icha mana. Nkwiza pakumupa ibwe iswepu lilyo lisimbiwepo ni tabwa ilipya, lilyo nayumo umuntu yuyo alimenye, loli mwene yuyo akulipokela.

Ubuvumbuli 2:26

Umuntu wesi yuyo akupota nukubomba chicho nkulonda pakufika mupaka kubumalilo, nkwiza pakumupa ubulaghili pabantu abaluko losi.

Ubuvumbuli 2:7

“Umuntu wesi yuyo ali na makutu, ivwe zizyo u Muzimu Umuzelu akuvibuzya ivipanga. “Umuntu wesi yuyo akupota, nkwiza pakumwitikizya ukuti alyanje ivikomwa ivya mwikwi ilya bumi, lilyo lili mumughunda uwa Chala.

Ubuvumbuli 21:7

Abantu bosi babo bapota bakwiza pakupokela ivintu vinivi. Ane nkwiza pakuba ne Chala wabo, bope bakwiza pakuba bana bane.

Ubuvumbuli 3:12

Umuntu yuyo akupota nkwiza pakumupela pakuba mpanda iya Nyumba iya Chala wane, sona atakwiza pakufumapo nalumolumo kuzi. Nkwiza pakusimba itabwa ilya Chala wane papache, sona ni tabwa ilya kaya akakulu nkani aka Chala, u Yelusalemu umupya, yuyo akwiza pakwika kumwanya kwa Chala wane.

Ubuvumbuli 3:5

Umuntu wesi yuyo akupota, akwiza pakuvwikiwa amenda amaswepu. Ntakwiza pakuzimya itabwa lyache mwibuku ilya bumi. Nkwiza pakumwitika pamaso pa Tata wane, sona napa bantumi bache.