Luka 6:21 - IBAYIBOLO 2024

²¹ Mwe basayiwa amwe mwe muli nizala akabalilo aka, pakuti mukwiza pakwikuta! Mwe basayiwa amwe mwe mukufwifwitila akabalilo aka, pakuti mukwiza pakusekela!

Ulufingo Ulupya

²¹ Mwe basayiwa amwe mwe muli ni zala akabalilo aka, pakuti mukwiza pakwikuta! Mwe basayiwa amwe mwe mukufwifwitila akabalilo aka, pakuti mukwiza pakusekela!

Luka 6:21 Iomraidhean Croise

Ubwandilo 17:17

Po u Abulahamu akafughama, akaseka nukuti, “Mwebaya mwee, nkimba chingabombiwa ukuti umwanavuli yuyo ali na maka 100, apape umwana? Nkimba u Sala yuyo ali na maka 90 angapapa umwana?”

Ubwandilo 21:6

U Sala akati, “U Chala anhobosya nukunsekelesya. Umuntu wesi yuyo akwiza pakwivwa zinizi akwiza pakusekela poka nane.”

Masalimo 107:9

Pakuti babo bali ni nyota akubapanga amizi, sona abazala akubikutizya ni vintu ivyiza.

Masalimo 119:136

Amaso ghane ghakukupula amasozi, pachifukwa ichakuti ululaghilo lwako lutakusungiwa.

Masalimo 143:6

Nkukwezya inyobe zyane kukwako, umoyo wane ghuli ni nyota nawe, ngati po chisu ichumizu.

Masalimo 17:15

Loli ane nkwiza pakuchennya icheni chako, pakuti inte ninongwa nayimoyimo. Bo nalamusya nkwiza pakuhoboka nkani pakuti nkwiza pakwenannya nawe.

Masalimo 28:7

U Mwene we maka ghane sona we ngulu yane, po umoyo wane ghumusubiye sona anyavwa. Umoyo wane ghukunyelanyela pachifukwa icha buhobosu, sona nkwiza pakumupala ni nyimbo.

Masalimo 65:4

Basayiwa abantu babo ukabasala, nukubapalamizya papipi nawe ukuti bikalaye, mulubinjilo lwako ulwanongwa. Pakuti tukwiza pakwikuta ivintu ivyiza ivya munyumba yako, inyumba izelu.

Yesaya 25:6

Pighamba linili po papo u Mwene Uwamaka Ghosi, akwiza pakuyannya ichakulya icha palusekelo ulwa inko zyosi, ulusekelo ulwa vinyo sona ni nyama inonu.

Yesaya 30:19

Mwee bantu aba mu Ziyoni, mwe mukwikala mu Yelusalemu, mutakwiza pakulila sona. Naloli u Mwene akwiza pakuba ni chisa namwe pakwivwa ukulila kwinyu ukuti abavwe! Bo ivwa bulo umwalubilolubilo akwiza pakubamula.

Yesaya 66:10

“Sekelagha poka nu Yelusalemu, sona muhobokaye nawe, mwebosi mwe mumughanite, sekelagha nkani mwebosi, mwe mukumulilila.

Yelemiya 13:17

Loli nanti mutakuteghelezya, nkwiza pakubalilila kubusyefu, pachifukwa icha mituvyo ghinyu, amaso ghane ghakwiza pakulila nkani, ghakwiza pakwizula namasozi pachifukwa ichakuti ing'ozi izya Mwene zili mubuzya.

Yelemiya 31:25

Nkwiza pakunyosezyamo amaka mubantu babo bate namaka, sona nkwiza pakubapa ichakulya abantu babo bali nizala.”

Yelemiya 31:9

Bakwiza pakunyokela kukwabo bo bakulila, bakwiza pakwiputagha bo bakunyokela. Nkwiza pakubalongolezezya kutusoko utwa mizi. Batakwiza pakwipunulamo mumusebo umutenganu, pachifukwa ichakuti ne wise uwa ba Izilayeli, sona u Efulayimu we katote wane.”

Yelemiya 9:1

Mwee, nalondagha nkani ukuti u mutu wane ghube ngati mbwibi iya mizi nukuti amaso ghane ghabe ngati chiziba icha masozi! Umwakuti ngali nalila umusanya nubusiku pachifukwa icha bantu bane babo baghoghiwe.

Ezekiyeli 7:16

Nanti balipo abantu abakupona, bakwiza pakuchimbilila mumaghamba. Umuntu wesi akwiza pakukoloma, ngati nkunda izya mumakombe, pachifukwa icha mbibi zyache.

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Matayi 5:4

Basayiwa babo bakulila akabalilo aka, pakuti u Chala akwiza pakubapumizya;

Matayi 5:6

Basayiwa abantu babo bali nizala ni nyota iya bugholosu, pakuti u Chala akwiza pakubikutizya.

Luka 1:53

Abazala akubikutizya ni vintu ivyiza nukubabwezya abakabi ni nyobe zyene.

Luka 6:20

U Yesu akabennya abamanyili bache nukubabuzya ukuti, “Mwe basayiwa amwe mwe bapina, pakuti Ubumwene ubwa Chala bwinyu!

Luka 6:22

“Mwe basayiwa nanti abantu bakubabenga, bakubakana, bakubatuka nukubanena ukuti mwe babibi pachifukwa icha nene u Mwana uwa Muntu!

Luka 6:25

Chighune nkani kukwinyu amwe mwe mukwikuta akabalilo aka; pakuti mukwiza pakuba nizala! Chighune nkani kukwinyu amwe mwe mukuseka akabalilo aka, pakuti mukwiza pakuba ni chitima nukufwifwitila!

Yohani 11:35

U Yesu akalila.

Yohani 4:10

U Yesu akamwamula akati, “Nanti wavimenye ivyabupi ivya Chala nu muntu yuyo akukulaba amizi aghakung'wela, ngali wamulabite amizi aghakung'wela, po ngali umwene akupiye amizi amapela bumi.”

Yohani 6:35

U Yesu akababuzya akati, “Ane ne chibama ichipela ubumi. Umuntu wesi yuyo akwiza kukwane atakwiza pakubapo nalumolumo nizala, sona umuntu wesi yuyo akunsubila atakwiza pakubapo nalumolumo ni nyota.

1 Aba Kolinti 4:11

Ukufika nilelo tuli nizala, sona ni nyota. Aswe tuvwalite ivisepe. Abantu bakutukoma, sona tukwendakwenda bulo.

2 Aba Kolinti 11:27

Nakomana nintamyo izyakulekanalekana. Kabilikabili nkabomba nukwiyula nkani, sona nkachelezya ubusiku bosi. Nkaba nizala ni nyota, sona akabalilo akinji nkikalagha ukusita ichakulya. Impepo yankatazizye, sona nkaba nkule.

2 Aba Kolinti 12:10

Pachifukwa icha Kilisitu, nhobokite nkani nu budedebazu bwane nu musamu wane, nintamyo zyane, na mayimba ghane, sona nu bupalapala bwane. Pakuti bo indi mudedebazu, popapo indi na maka.

2 Aba Kolinti 6:10

Napapo bakutupela pakuba ni chitima bwila na bwila, loli tukuhoboka nkani. Napapo tuyanite bulo na bantu abapina, loli tukubapela abantu abinji pakuba bakabi. Napapo tuyanite bulo na bantu abapotwe, loli tuli navyo vyosi.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Ubuvumbuli 21:3

Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.

Ubuvumbuli 7:16

Batakwiza pakubapo nizala nalumo, pamo inyota. Batakwiza pakupya ni zuba pamo numoto napo panandi.