Luka 6:13 - IBAYIBOLO 2024

¹³ Bo kwacha, akabitizya abamanyili bache nukusalapo bamo 12 babo akabita ukuti abatumiwa:

Ulufingo Ulupya

¹³ Bo kwacha, akabitizya abamanyili bache nukusalapo bamo 12 babo akabita ukuti abatumiwa:

Luka 6:13 Iomraidhean Croise

Matayi 10:2

Amatabwa agha batumiwa 12 bala gho agha: Uwakwanda we Simoni yuyo akitiziwanga ukuti we Pitala nu wamwabo u Andeleya nu Yakobo nu wamwabo nu Yohani abana aba Zebediya,

Matayi 19:28

U Yesu akababuzya akati, “Naloli nkubabuzya ukuti bo u Mwana uwa Muntu ikaye pachitengo chache icha buchindamu pakabalilo kako ivintu vyosi vikwiza pakuba vyinyu, sona amwe mukwiza pakwikala pa vitengo 12 ivya bumwene pakulonga inko 12 izya ba Izilayeli.

Matayi 9:36

Bo ennya ichilundilo icha bantu, akaba ni chililizi na bantu bala pachifukwa ichakuti bakalita nukutamiwa, pakuti bakayana bulo ni ng'ozi zizyo zite nu mudimi.

Maliko 6:30

Abatumiwa bakanyokela nukumubuzya u Yesu vyosi vivyo bakabomba na vivyo bakamanyisya.

Maliko 6:7

Akabitizya abamanyili 12 bala poka nukubatuma babilibabili. Akabapa ubulaghili ubwakwefesezya imizimu imibibi mubantu,

Luka 11:49

Pachifukwa ichi amahala agha Chala ghakanena ukuti, ‘Nkwiza pakubatumila abalaghuzi na batumiwa, loli bakwiza pakubaghogha bamo, sona abanji bakwiza pakubavwima.’

Luka 22:30

Mukwiza pakulya nukung'wela poka nane mu Bumwene bwane, sona amwe mukwiza pakwikala pa vitengo ivya bumwene pakulonga inko 12 izya ba Izilayeli.

Luka 6:14

U Simoni (u Yesu akamwita ukuti we Pitala) nu wamwabo nu Andeleya nu Yakobo nu Yohani nu Filipu nu Batolomeyo,

Yohani 4:33

Po abamanyili bakanda pakulalusannya benebene ukuti, “Nkimba alipo yumo yuyo amwiziye ni chakulya?”

Imbombo 1:13

Bo binjila mukaya akakulu nkani kala bakakwela muchipinda icha pamwanya mumo bakikalagha. Mulamula mukaba u Pitala nu Yohani nu Yakobo nu Andeleya nu Filipu nu Tomasi nu Batolomeyo nu Matayi nu Yakobo umwana uwa Alufeyo nu Simoni (yuyo akaba uwa kabukatila, kako kakalondagha ukuti mu Izilayeli mubanje ubwabuke), sona nu Yudasi umwana uwa Yakobo.

Aba Efeso 2:20

Namwe bulo muzengiwe palwalo lulo lukaliwa na batumiwa na balaghuzi. U Kilisitu u Yesu umwenecho we libwe ilya pankuto.

Aba Efeso 4:11

Akaba weyuyo akabapa abantu ivyabupi ivyakuti bamo babanje batumiwa, abanji babanje balaghuzi, abanji babanje balumbilili, abanji babanje baputi, sona abanji babanje bamanyisi.

Aba Hebeli 3:1

Mwee bakamu bane, u Chala abasalite amwe ukuti mubanje bantu bache abazelu. Polelo mwinong'onaye nizya Yesu, yuyo akatumiwa nu Chala ukuti abanje muputi usongo uwa lwitiko lulo tukwitika.

2 Pitala 3:2

Nkulonda ukuti mukumbukaye amazyu ghagho ghakaneniwa kale na balaghuzi abazelu, sona na malamulo ghosi u Mwene nu Mupoki witu akabapa ukwendela mu batumiwa binyu.

Ubuvumbuli 12:1

Pisinda pache ichimanyilo ichikulu ichakuswighisya nkani chikaboneka kumwanya. Kukaba umukolo yuyo akavwala izuba ni nyayo zyache zikanyite pamwezi. Kumutu wache akavwala impumpu iya bumwene yiyo yikaba ni ntondwa 12.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 21:14

Ulupaso ulwa kaya kanaka lukazengiwa palwalo ulwa mabwe 12, papo pakasimbiwapo amatabwa 12 agha batumiwa aba Mwana uwa ng'ozi.