Luka 5:6 - IBAYIBOLO 2024

⁶ Bakasumbila nukuloba iswi inyinji, umwakuti ivilepa vikaba papipi pakuzepuka.

Ulufingo Ulupya

⁶ Bakasumbila nukuloba iswi inyinji, umwakuti ivilepa vikaba papipi pakuzepuka.

Luka 5:6 Iomraidhean Croise

Umulumbilili 11:6

Pesa imbeyu zyako pandabindabi, sona pachamabwila utakalepekaye inyobe. Pakuti utayimenye yiyo yingakula akiza, pamo yo iyi pamo yo yila, pamo zyosi zikwiza pakukula akiza bulo.

Luka 5:7

Po bakabakopezya abamwabo babo bakaba mubwato ubunji ukuti babavwe. Bakiza nukwizuzya iswi mu mabwato ghosi mabili, umwakuti amabwato ghalaghala ghakanda pakudwiba.

Imbombo 2:41

Po abantu abinji bakasubila amazyu ghache nukoziwa. Pisiku lilalila abantu abakukwana 3,000 bakonjeleziwako ku kabukatila kabo.

Imbombo 4:4

Loli abinji babo bakivwa amazyu bakasubila. Sona ubwinji ubwa bitiki bukonjelela pakufika pa 5,000.

1 Aba Kolinti 15:58

Polelo bakamu bane baghaniwa mwimaye nkani, sona mutakayinganaye. Akabalilo kosi mwikolezannyanje nkani pakumubombela u Mwene pakuti muzimenye ukuti imbombo zizyo mukumubombela u Mwene zite izya bulo, awe.

Aba Galatiya 6:9

Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.