Luka 5:5 - IBAYIBOLO 2024

⁵ U Simoni akamula akati, “Mwene tubombite busiku bosi, loli tutalemitepo nachimochimo. Loli pakuti wewe wanena bunubu, nkwiza pakusumbila ivilepa.”

Ulufingo Ulupya

⁵ U Simoni akamula akati, “Mwene tubombite busiku bosi, loli tutalemitepo nachimochimo. Loli pakuti wewe wanena bunubu, inkwiza pakusumbila ivilepa.”

Luka 5:5 Iomraidhean Croise

Ezekiyeli 47:10

Abalobaswi bakwiza pakwimilila mulubazu ulwa nyanja, ukwanda muchigaba icha Eni Gedi nukufika ku Eni Egilamu pakwiza pakuba ubuzilo ubwakwanikilapo ivilepa. Iswi zikwiza pakuba zya luko ulwakulekanalekana ngati iswi izya mu Nyanja iya Medeteleniya.

Luka 17:13

nukukolomoka ukuti, “Mwene Yesu, utupelele ichisa!”

Luka 8:24

Abamanyili bala bakabuka kwa Yesu pakumulamusya ukuti, “Wee Mwene, wee Mwene! Tuli pakudwiba!” U Yesu akanyamuka nukuyilamula impepo na mayigha ghala ukuti vileke. Po vyosi vikaleka, umwakuti panyanja pakaba myee nkani.

Luka 8:45

U Yesu akalalusya akati, “Nkimba wewenu ampalamasya?” Umuntu wesi akakana, po u Pitala akati, “Mwene, abantu bosi bakubunganiye, sona bakukufyenya.”

Luka 9:33

Bo abantu bala bakulekana nu Yesu, u Pitala akamubuzya akati, “Wee Mwene, chizapo ukuti aswe tuli pano! Tukwiza pakuzenga ivisakasa vitatu, choka chako, ichinji icha Mozesi, sona nicha Eliya.” (Atakamanyagha zizyo akanenagha.)

Luka 9:49

U Yohani akati, “Mwene, tukamwennya umuntu yumo akwefya imizimu imibibi mwitabwa lyako, po tukamukanizya pakuti atakaba uwa kabukatila kitu.”

Yohani 15:14

Amwe mwe bamanyani bane nanti mukubomba zizyo nkubalamula.

Yohani 2:5

Unyina uwa Yesu akababuzya abambombo bala akati, “Bombagha bulo chosi chicho akubabuzya.”

Yohani 21:3

U Simoni Pitala akababuzya abamwabo akati, “Nkubuka pakuloba iswi.” Abamwabo bakamubuzya bakati, “Naswe tukubuka nawe.” Po bakakwela mubwato nukunyamuka, loli ubusiku bosi batakalemapo iswi na yimoyimo.