Luka 5:22 - IBAYIBOLO 2024

²² U Yesu akazimanya inyinong'ono zyabo, po akabalalusya akati, “Nkimba choni chicho mukwinong'ona bunubu mumoyo ghinyu?

Ulufingo Ulupya

²² U Yesu akazimanya inyinong'ono zyabo, po akabalalusya akati, “Nkimba choni chicho mukwinong'ona bunubu mumoyo ghinyu?

Luka 5:22 Iomraidhean Croise

1 Imbili 28:9

“Wee mwana wane Solomoni, umwivwilaye nukumubombela u Chala uwa ghuso nu moyo wako ghosi pakuti u Mwene azimenye inyinong'ono izya muntu na kabombele kache. Nanti ukumulondelezya, ukwiza pakumwagha, loli nanti ukumusula, wepe akwiza pakukukana bwila na bwila.

Masalimo 139:2

Ukumanya nanti nkwikala pasi sona nanti nkunyamuka, ukuzimanya inyinong'ono zyane bo uchili uli kubutali.

Ivyili 15:26

U Mwene azibengite inyinong'ono izya muntu umubibi, loli amazyu agha muntu umwiza ghakumuhobosyanga.

Yesaya 66:18

“Pakuti imenye imbombo zyabo ninyinong'ono zyabo, indi papipi pakuzibungannya inko zyosi, bo biza bakwiza pakwennya ubuchindamu bwane.

Ezekiyeli 38:10

“ ‘U Mwene Uwamaka Ghosi akuti: Pisiku lila inyinong'ono zikwiza pakwiza mumoyo wako nukwanda pakuyannya pakubatika ububibi

Matayi 12:15

Bo u Yesu azimanya izi, akepapo pabuzilo bula. Abantu abinji bakamukonka, po akabapozya ababine bosi,

Matayi 12:25

U Yesu akazimanya inyinong'ono zyabo, po akababuzya akati, “Nanti ubumwene bwasambukilana bwenebwene, ubumwene bula butangendelela, sona nanti abantu aba mukaya, pamo abamunyumba basambukilana benebene, akaya kala pamo inyumba yila yitangendelela.

Matayi 9:4

Loli u Yesu akazimanya inyinong'ono zyabo, po akabalalusya akati, “Nkimba choni chicho mukwinong'ona bunubu mumoyo ghinyu?

Maliko 8:17

U Yesu akazimanya zizyo bakanenagha, po akabalalusya akati, “Nkimba choni chicho mukunenezannya mwebene ukuti mute navyo ivibama? Nkimba mutakumanya pamo ukwivwisya? Nkimba imitu yinyu mikafu?

Luka 24:38

Po u Yesu akababuzya akati, “Choni chicho mukunyila nukwilamwa mumoyo ghinyu?

Luka 5:21

Abamanyisi aba Ndaghilo naba Falisayi bakanda pakwilalusya bene mumoyo ghabo ukuti, “Nkimba wewenu umuntu yunuyu, yuyo akumusamula u Chala? Nkimba ate we Chala mwene yuyo angahobokela imbibi?”

Luka 5:23

Nkimba chili ko kwiyi chicho chipepe pakumubuzya ukuti, ‘Imbibi zyako zyahobokeliwa’, pamo pakumubuzya ukuti, ‘Nyamuka endagha?’

Imbombo 5:3

U Pitala akamubuzya akati, “Nkimba Ananiya choni chicho ukamwitikizya u Satana ukuti injile mumoyo wako nukumuzimbula u Muzimu Umuzelu pakusabulapo indalama zimo zizyo ukaghulizizya umughunda wako?

Aba Hebeli 4:12

Pakuti amazyu agha Chala mumi sona ghakubombabomba. Ghakwete nkani ukuchila upanga yuyo akwete kosi na kosi. Upanga akulasa mupaka papo pakomanite impingu na mafuta agha mwifupa. Umwakuyana bulo, amazyu agha Chala ghakulasa mupaka papo pakomanite umoyo nu muzimu uwa muntu. Ghakulonga inyinong'ono izya bantu, sona na vivyo amoyo ghabo ghakunyonywa.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.