Luka 5:21 - IBAYIBOLO 2024

²¹ Abamanyisi aba Ndaghilo naba Falisayi bakanda pakwilalusya bene mumoyo ghabo ukuti, “Nkimba wewenu umuntu yunuyu, yuyo akumusamula u Chala? Nkimba ate we Chala mwene yuyo angahobokela imbibi?”

Ulufingo Ulupya

²¹ Abamanyisi aba Ndaghilo naba Falisayi bakanda pakwilalusya bene mumoyo ghabo ukuti, “Nkimba we wenu umuntu yunuyu, yuyo akumusamula u Chala? Nkimba ate we Chala mwene yuyo angahobokela imbibi?”

Luka 5:21 Iomraidhean Croise

Masalimo 103:3

U Mwene weyuyo akukuhobokela imbibi zyako zyosi, sona akubupozya ububine bwako bosi.

Masalimo 130:4

Loli awe ukuhobokela, cho chifukwa ukuchindikiwanga.

Masalimo 32:5

Po nkwilata imbibi zyane kukwako, ntafisitepo ukunanga kwane pamaso papako. Nkati, “Nkwiza pakwilata ukunanga kwane kwa Mwene” po ukanhobokela imbibi zyane.

Masalimo 35:5

Babanje ngati lyelelo lilyo likupupuka ni mpepo, bo uwantumi uwa Mwene akubachimbizya.

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Daniyeli 9:19

Eee Mwene teghelezya. Wee Mwene utuhobokele. Wee Mwene, ivwa sona bombapo zimo! Wee Chala utakakabaye! Umwakuti abantu bosi bamanye ukuti we Chala, pachifukwa ichakuti akaya kako akakulu nkani sona na bantu bako bamanyikwe pachifukwa icha Itabwa lyako.”

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Aba Levi 24:16

Umuntu yuyo akulisamula itabwa ilya Mwene, manyi mu Izilayeli, manyi muyeni yuyo akwikala muchisu icha Izilayeli, aghoghiwanje na mabwe ni chilundilo chosi.

Mika 7:19

Ukwiza pakuba ni chililizi naswe, sona ukwiza pakuzikanyilila imbibi zyitu, nukubusumbila pasi panyanja ububibi bwitu.

Matayi 26:65

Po umuputi usongo yula mubukalale akazepula inkazo yache nukuti, “Akumusamula u Chala! Nkimba tukulonda sona abakaboni abanji? Mwivuye mwebene mumo amusamuliye u Chala.

Matayi 9:3

Po abamanyisi bamo aba Ndaghilo bakanda pakwilalusya bene mumoyo ghabo ukuti, “Umuntu uyu akumusamula u Chala!”

Luka 3:8

Bombagha imbombo izyakulanjizya ukuti naloli mwapinduka nukuzileka imbibi zyinyu. Mutakinenaye mwebene ukuti, ‘U Abulahamu we munyenya witu.’ Nkubabuzya ukuti u Chala angaghapela amabwe agha pakuba baluko aba Abulahamu.

Luka 5:17

Isiku limo bo u Yesu akumanyisya, aba Falisayi na bamanyisi aba Ndaghilo bamo bakikala palapala babo bakafuma muvigaba vyosi ivya Galileya nu Yudeya nukufuma sona mu Yelusalemu. Amaka agha Mwene ghakaba nu Yesu ukuti apozye ababine.

Luka 5:22

U Yesu akazimanya inyinong'ono zyabo, po akabalalusya akati, “Nkimba choni chicho mukwinong'ona bunubu mumoyo ghinyu?

Luka 7:49

Po babo bakalyanga poka nawe bakanda pakunenezannya benebene ukuti, “Nkimba wewenu umuntu uyu, yuyo akuhobokela ni mbibi bulo?”

Yohani 10:33

Abene bakamula bakati, “Tutakulonda pakukusumba na mabwe pachifukwa icha mbombo inyiza, loli pachifukwa icha kumusamula u Chala. Awe we umuntu bulo, loli ukwipela wemwene pakuba we Chala!”

Aba Loma 8:33

Nkimba wewenu akwiza pakubasusya abantu abasaliwa aba Chala? Umwenecho u Chala weyuyo akubanena ukuti bate ninongwa pantazi papache!