Luka 4:7 - IBAYIBOLO 2024

⁷ Ivintu vyosi vinivi vikwiza pakuba vyako, nanti ukunyiputa.”

Ulufingo Ulupya

⁷ Ivintu vyosi vinivi vikwiza pakuba vyako, nanti ukunchindika.”

Luka 4:7 Iomraidhean Croise

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Yesaya 45:14

U Mwene akuti, “Ubukabi ubwa chisu icha Ijiputi ni chisu icha Etiyopiya, bukwiza pakuba bwinyu, abantu abatalitali bakwiza pakuba bazya binyu, nukubakonka bo bapinyiwe ni minyololo. Bakwiza pakufughamila nukulambilizya ukuti, ‘Naloli u Chala ali nawe, sona atalipo uyunji, atalipo u chala uwamwabo.’ ”

Yesaya 46:6

Bamo bakakupula ugolide ukufuma munyambi zyabo, nukupima usiliva pachipimilo, bakumusimba imbombo umusyana golide, pakuyannya uchala uwa chifwani, bakumufughamilila nukumuchindika.

Matayi 2:11

Bakinjila munyumba nukwennya umwana poka nu nyina u Maliya, bakafughama nukumwiputa. Bakafumya ivyabupi vyabo ivya golide, ni vyakununkila ivya lubani, sona na mafuta agha mila nukumupa umwana.

Luka 17:16

Akisumba pasi munyayo izya Yesu nukumupalizya. Umuntu uyu akaba Musamaliya.

Luka 4:6

Po u Satana akamubuzya akati, “Nkwiza pakukupa amaka nu bukabi bosi ubu pakuti ivintu vyosi vinivi vipeghiwe kukwane, sona ningamupa umuntu wesi yuyo nalonda.

Luka 4:8

Panapa u Yesu akamwamula akati, “Amasimbo ghakuti, ‘Umwiputaye u Mwene u Chala wako, sona umubombelaye yuyo mwene!’ ”

Luka 8:28

Bo amwennya u Yesu, akakolomoka nkani, nukwisumba munyayo zyache. Akati, “Wee Yesu Mwana uwa Chala Uwakumwanya Nkani! Nkimba ukulonda ichoni nane? Nkukulaba ukuti utakanfunde!”

Ubuvumbuli 22:8

Ane ne Yohani, nivwa nukwennya ivintu vinivi. Bo navyivwa nukuvyennya, nkawa pasi munyayo izya wantumi yuyo akandanjizya ivintu vinivi, po nkamwiputa.

Ubuvumbuli 4:10

abasongo 24 bala bakuwa pamaso pa yuyo akwikala pachitengo icha bumwene nukumwiputa, yuyo mumi bwila na bwila. Bakusumbila pasi impumpu zyabo pantazi pachitengo icha bumwene nukuti,

Ubuvumbuli 5:8

Bo apokela ibuku lila, ivipeliwa ivyabumi folo vila na basongo 24 bala bakawa pasi pamaso pa Mwana uwa ng'ozi. Wesi akalema ipango, ni mbako izya golide zyizuye nu twakufukizya utwakununkila, zizyo nyiputo izya bantu abazelu aba Chala.