Luka 4:6 - IBAYIBOLO 2024

⁶ Po u Satana akamubuzya akati, “Nkwiza pakukupa amaka nu bukabi bosi ubu pakuti ivintu vyosi vinivi vipeghiwe kukwane, sona ningamupa umuntu wesi yuyo nalonda.

Ulufingo Ulupya

⁶ Po u Satana akamubuzya akati, “Nkwiza pakukupa amaka nu bukabi bosi ubu pakuti ivintu vyosi vinivi vipeghiwe kukwane, sona ningamupa umuntu wesi yuyo nalonda.

Luka 4:6 Iomraidhean Croise

Esitele 5:11

U Hamani akanda pakwituvya bo akubalingannya nizya bukabi bwache, na bana bache abalumendo abinji, na mosi mumo u mwene akamuchindikila, sona namumo u mwene akamukwezezya pachitengo icha muchizi ukubachila abalongozi na makambala ghosi.

Yesaya 23:9

U Mwene Uwamaka Ghosi weyuyo akabatika ukuti akuwisye pasi, ukwituvya kosi ukwa buchindamu, nukubasamula abachindikiwa bosi pachisu ichapasi.

Yesaya 5:14

Po ipumpa likwiza pakwighula imilo lyache, sona nukwasama nkani umulomo wache, likupokela abantu abapamwanya na bapasi, Abantu babo bakuzuma ichongo nababo bakusekela bakwiza pakuwilamo.

Luka 4:7

Ivintu vyosi vinivi vikwiza pakuba vyako, nanti ukunyiputa.”

Yohani 12:31

Losi ulu ko kabalilo akakulongiwa ukwa chisu ichapasi. Losi ulu u Satana, umulaghili uwa chisu ichapasi akwiza pakusumbiwa kuzi.

Yohani 14:30

Ntakwiza pakunena namwe akabalilo akatali awe pakuti u Satana, umulaghili uwa chisu ichapasi akwiza. Ate na maka papane awe,

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

2 Aba Kolinti 11:14

Sona chite chakuswighisya nkani, awe, pakuti nu Satana bulo akwifwanikizya mwene ngati po wantumi uwa lukozyo.

Aba Efeso 2:2

Pakabalilo kalakala mukikolezannya nivya muchisu ichapasi, sona mukakonkagha usongo uwa bulaghili ubwa mumwanyamwanya. Usongo yunuyu we muzimu umubibi, yuyo akubomba imbombo losi ulu pakasi pabantu babo batakumwivwila u Chala.

1 Pitala 1:24

Amasimbo ghakuti, “Abantu bosi bali ngati lisote, sona ubuchindamu bwabo buli ngati bwezya ubwa muzi. Isote likufoka, sona ubwezya bukulaghala.

1 Yohani 5:19

Tuzimenye ukuti aswe twe bana aba Chala napapo abantu aba muchisu ichapasi bali pasi pa maka agha Mubibi yula.

Ubuvumbuli 12:9

Inyivwila inkulu yikasumbiwa pachisu ichapasi—injoka iyakale yila, yiyo yikitiziwanga ukuti Mubibi pamo Satana, yuyo akachizimbula ichisu chosi ichapasi. Akasumbiwa pasi poka na bantumi bache.

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Ubuvumbuli 13:7

Chikitikiziwa pakulwa ubwite na bantu aba Chala nukubapota. Chikapeghiwa ubulaghili pakubalaghila abantu bosi, na baluko losi, na bantu aba inko zyosi, sona na bantu abaneno zyosi.