Luka 4:41 - IBAYIBOLO 2024

⁴¹ Imizimu imibibi yope yikepamo mubantu abinji pakukolomoka ukuti, “Awe we Mwana uwa Chala!” U Yesu akayilamula imizimu imibibi yila ukuleka pakunena pakuti yikamumanya ukuti akaba we Kilisitu.

Ulufingo Ulupya

⁴¹ Imizimu imibibi yope yikepamo mu bantu abinji pakukolomoka ukuti, “Awe we Mwana uwa Chala!” U Yesu akayilamula imizimu imibibi yila ukuleka pakunena pakuti yikamumanya ukuti akaba we Kilisitu.

Luka 4:41 Iomraidhean Croise

Matayi 26:63

Loli u Yesu akaba myee. Umuputi usongo akamubuzya sona akati, “Nkukulamula mwitabwa ilya Chala umumi ukuti ulape nanti we Kilisitu, u Mwana uwa Chala.”

Matayi 4:3

U Satana akiza kukwache nukuti, “Nanti awe we Mwana uwa Chala, lamula amabwe agha ukuti ghanduke pakuba vibama.”

Matayi 8:16

Pachamabwila abantu bakiza kwa Yesu na bantu abinji babo bakaba ni mizimu imibibi. U Yesu akefya imizimu yila nizyu bulo nukubapozya abantu ababine bosi.

Matayi 8:29

Abantu bala bakakolomoka nkani bakati, “Nkimba ukulonda ichoni naswe we Mwana uwa Chala? Nkimba wiza pakutufunda, bo na kabalilo kache katafikiye?”

Matayi 8:4

U Yesu akamubuzya akati, “Ivwa kuno! Utakamubuzyepo nayumo umuntu. Loli bukagha wilanjizye ku muputi ukuti akupime; ukuti abantu bosi bamanye ukuti wapola, ubike ichabupi chicho u Mozesi akalamula.”

Maliko 1:25

U Yesu akaghulamula umuzimu umubibi ghula akati, “Banga myee, sona epamo mumuntu uyu!”

Maliko 1:32

Pachamabwila bo izuba lyinjila, abantu bakiza na bantu ababine bosi poka na bantu babo bakaba ni mizimu imibibi.

Maliko 1:34

U Yesu akapozya abantu abinji babo bakaba nu bubine ubwakulekanalekana nukwefya imizimu imibibi imyinji. Atakayitikizya ukuti yinene chimo, pachifukwa ichakuti yikamumanya.

Maliko 3:11

Posi papo abantu babo bakaba ni mizimu imibibi bamwennya, bakawa pasi papipi nawe nukukolomoka ukuti, “Awe we Mwana uwa Chala!”

Luka 4:39

U Yesu akabuka, akinamila papache nukuyilamula izegema yila ukuti yimuleke, po izegema yikamuleka. Umwalubilolubilo umukolo yula akanyamuka nukwanda pakubabombela.

Yohani 20:31

Loli ivi visimbiwe ukuti musubile ukuti u Yesu we Kilisitu, u Mwana uwa Chala sona nukuti nanti mwamusubila mubanje nubumi.

Yakobo 2:19

Amwe mukusubila ukuti aliko u Chala weka bulo. Chiza bulo! Yope ni mizimu imibibi bulo yikusubila zinizi, nukutetema.