Luka 4:35 - IBAYIBOLO 2024

³⁵ U Yesu akaghulamula umuzimu umubibi ghula akati, “Banga myee, sona epamo mumuntu uyu!” U Satana akamusumbila pasi umuntu yula pamaso papabo nukwepamo mumwache ukusita ukumuvulazya.

Ulufingo Ulupya

³⁵ U Yesu akaghulamula umuzimu umubibi ghula akati, “Banga myee, sona epamo mu muntu uyu!” U Satana akamusumbila pasi umuntu yula pamaso papabo nukwepamo mumwache ukusita ukumuvulazya.

Luka 4:35 Iomraidhean Croise

Masalimo 50:16

Loli u Chala akumubuzya umuntu umubibi akuti, “Nkimba choni chicho ukughatambula amalamulo ghane, pamo pakulutambula ulufingo lwane pamulomo wako?

Zekaliya 3:2

Uwantumi uwa Mwene akamubuzya u Satana akati, “U Mwene akuchemele! U Mwene yuyo amusala u Yelusalemu akuchemele! Nkimba umuntu yunuyu ate ngati chizinka ichakwaka ichakuzompoliwa pamoto?”

Matayi 17:18

U Yesu akaghulamula umuzimu umubibi ghula ukwepamo, po ghukepamo mu mulumendo yula, pakabalilo kanako akapola.

Matayi 8:26

U Yesu akamula akati, “Mwe bantu balwitiko ulunandi, nkimba choni chicho mukunyila?” Akanyamuka nukulamula impepo na mayigha ghala ukuti vileke, umwakuti panyanja pakaba myee nkani.

Maliko 1:26

Umuzimu umubibi ghukamuneng'ennya nkani nukukolomoka nukwepamo mumwache.

Maliko 4:39

U Yesu akanyamuka nukuyilamula impepo yila ukuti, “Banga myee!” Akaghabuzya amayigha akati, “Ima!” Impepo yikaleka, umwakuti panyanja pakaba myee nkani.

Maliko 9:26

Umuzimu ghukakolomoka, ghukamuneng'ennya nkani nukwepamo. Umulumendo yula akaboneka ngati po afuye, po abantu bosi bakati, “Mwee! Umulumendo atuleka.”

Luka 11:22

Loli nanti umuntu uwamaka ukumuchila iza nukumupota, akusenda ivilwilo vyosi vivyo umwenecho avisubilagha nukuvigaba vivyo akiba.

Luka 4:23

Akababuzya akati, “Naloli mukwiza pakunena ichili ukuti, ‘Mughanga ipozya wemwene.’ Mukwiza pakumbuzya sona ukuti, ‘Zizyo twivwa ukuzibomba mukaya aka Kapelinahumu, zyo zizyo uzibombe sona na muno bulo.’ ”

Luka 4:39

U Yesu akabuka, akinamila papache nukuyilamula izegema yila ukuti yimuleke, po izegema yikamuleka. Umwalubilolubilo umukolo yula akanyamuka nukwanda pakubabombela.

Luka 4:41

Imizimu imibibi yope yikepamo mubantu abinji pakukolomoka ukuti, “Awe we Mwana uwa Chala!” U Yesu akayilamula imizimu imibibi yila ukuleka pakunena pakuti yikamumanya ukuti akaba we Kilisitu.

Luka 8:24

Abamanyili bala bakabuka kwa Yesu pakumulamusya ukuti, “Wee Mwene, wee Mwene! Tuli pakudwiba!” U Yesu akanyamuka nukuyilamula impepo na mayigha ghala ukuti vileke. Po vyosi vikaleka, umwakuti panyanja pakaba myee nkani.

Luka 9:39

Ali nu muzimu umubibi. Nanti wamulema akukolomoka umwakuchenuka bulo nukumuyingannya nkani, umwakuti itatafulu likufuma ku mulomo. Ghukwendelela pakumuvulazya, sona ghutakwepamo mumwache.

Luka 9:42

Bo umulumendo yula akwiza, umuzimu umubibi ghukamusumbila pasi nukumuyingannya nkani. U Yesu akaghulamula umuzimu umubibi ghula ukuti wepemo mumwache. Po akamupozya umulumendo yula nukumulemeka sona uwise.

Ubuvumbuli 12:12

Polelo hobokagha, awe chisu icha kumwanya sona namwe mwe bantu mwebosi mwe mukwikalamo! Loli ntamyo kuchisu ichapasi ni nyanja, pakuti u Satana ikila papinyu. Izuye nu bukali nkani pachifukwa ichakuti azimenye ukuti asyala na kabalilo akanandi bulo.”