Luka 4:34 - IBAYIBOLO 2024

³⁴ akati, “Wee! Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi izelu iya Chala!”

Ulufingo Ulupya

³⁴ akati, “Wee! Yesu uwa mu Nazaleti, ukulonda ichoni naswe. Nkimba wiza pakutunangannya? Inkumenye! Awe we ntumi izelu iya Chala!”

Luka 4:34 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

Masalimo 16:10

Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Matayi 8:29

Abantu bala bakakolomoka nkani bakati, “Nkimba ukulonda ichoni naswe we Mwana uwa Chala? Nkimba wiza pakutufunda, bo na kabalilo kache katafikiye?”

Maliko 1:24

“Wee Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi Izelu iya Chala!”

Maliko 1:34

U Yesu akapozya abantu abinji babo bakaba nu bubine ubwakulekanalekana nukwefya imizimu imibibi imyinji. Atakayitikizya ukuti yinene chimo, pachifukwa ichakuti yikamumanya.

Maliko 5:7

akakolomoka nkani akati, “Wee Yesu Mwana uwa Chala Uwakumwanya Nkani! Nkimba ukulonda ichoni nane? Nkukulaba mwitabwa ilya Chala, utakanfunde!”

Luka 1:35

Uwantumi yula akamula akati, “U Muzimu Umuzelu akwiza papako, sona ukwiza pakwizula na maka agha Chala. Pachifukwa chinichi u Mwana umuzelu yuyo ukwiza pakupapa, akwiza pakwitiziwa Mwana uwa Chala.

Luka 4:33

Munyumba iyakwiputilamo mulamula mukabamo umuntu yuyo akaba nu muzimu umubibi. Akakolomoka nkani,

Luka 4:41

Imizimu imibibi yope yikepamo mubantu abinji pakukolomoka ukuti, “Awe we Mwana uwa Chala!” U Yesu akayilamula imizimu imibibi yila ukuleka pakunena pakuti yikamumanya ukuti akaba we Kilisitu.

Luka 8:28

Bo amwennya u Yesu, akakolomoka nkani, nukwisumba munyayo zyache. Akati, “Wee Yesu Mwana uwa Chala Uwakumwanya Nkani! Nkimba ukulonda ichoni nane? Nkukulaba ukuti utakanfunde!”

Luka 8:37

Po abantu bosi aba muchigaba icha Gelasani bakamulaba u Yesu pakwepako pakuti bakanyila nkani. Po u Yesu akakwela mubwato nukunyokela kuko akafuma.

Imbombo 16:39

Abene bakabuka nukulambilizya kukwabo, po bakabefyamo mujele nukubabuzya ukuti babukaye.

Imbombo 2:27

Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Imbombo 3:14

Akaba Muzelu sona Mugholosu, loli mukamukana, po mukamulaba u Pilati ukuti ababulile ivyondongo lila.

Imbombo 4:27

“Naloli, u Helodi nu Pontiyo Pilati bakakomana poka mukaya akakulu nkani kanaka na bantu babo bate ba Yuda, naba Izilayeli pakumusambukila u Yesu, umubombi wako umuzelu, Umupoki yuyo ukamupakazya pakuba we Mwene.

Aba Hebeli 2:14

Pakuti abana banaba bantu bulo, babo bali nu mubili ni banda, u Yesu umwenecho akanduka ngati bo babo nukugabana nabo akabele kabo ukwendela mu bufwe bwache ukuti amunangannye u Satana, yuyo ali na maka agha bufwe.

Yakobo 2:19

Amwe mukusubila ukuti aliko u Chala weka bulo. Chiza bulo! Yope ni mizimu imibibi bulo yikusubila zinizi, nukutetema.

1 Yohani 3:8

Umuntu wesi yuyo akwendelela pakubomba imbibi, mwana uwa Satana, pachifukwa ichakuti u Satana mubibi ukwandila ko kubwandilo. Pakuti u Mwana uwa Chala akiza umwakuti anangannye imbombo izya Satana yula.

Ubuvumbuli 20:2

Akayilema inyivwila yila, injoka iyakale yuyo we Mubibi pamo we Satana nukumupinya amaka 1,000.

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha: