Luka 4:2 - IBAYIBOLO 2024

² mumo akayeliwa nu Satana amasiku 40. Pakabalilo kosi kalakala atakalyapo nachimochimo, umwakuti pabumalilo ubwa masiku ghala, izala yikamulema.

Ulufingo Ulupya

² mumo akayeliwa nu Satana amasiku 40. Pakabalilo kosi kalakala atakalyapo nachimochimo, umwakuti pabumalilo ubwa masiku ghala, izala yikamulema.

Luka 4:2 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

1 Abamwene 19:8

Po akanyamuka, akalya nukung'wela. Akakaba amaka pachifukwa icha chakulya chilachila, akenda amasiku 40 umusanya nu busiku mupaka akafika ku Sinayi, kwighamba ilya Chala.

Esitele 4:16

“Buka ubabungannye poka aba Yuda bosi babo bali mukaya akakulu nkani aka Susa nukuntuzikizya pakulya. Mutakalyanje pamo ukung'wela pamusanya na pabusiku ukwa masiku matatu. Ane na bambombo bane abalindu tukwiza pakutuzya pakulya. Po nkwiza pakubuka pamaso pa mwene, napapo chitakwitikiziwa ni ndaghilo. Nanti nkufwa, infwanje bulo.”

Ukufuma 24:18

Po u Mozesi akinjila mwibingu mula nukukwela mupaka pamwanya pighamba nukwikala palapala amasiku 40 umusanya nu busiku.

Ukufuma 34:28

U Mozesi akikala kulakula poka nu Mwene amasiku 40 ukusita ukulya pamo ukung'wela. Akasimba pamabwe amapapate amazyu agha lufingo, ghagho ghakaba Malamulo Teni.

Yona 3:7

Po u mwene poka na makambala ghache bakabapa abantu aba mu Ninive ululaghilo ulwakuti, “Patakabepo nayumo umuntu uwakulya, pamo ichinyamana pamo imidimo pamo uwakung'wela ichakung'wela.

Matayi 21:18

Indabi yache pandabindabi nkani bo u Yesu akunyokela mukaya akakulu nkani kala, izala yikamulema.

Matayi 4:2

Bo u Yesu atuzya pakulya amasiku 40, umusanya nu busiku, izala yikamulema.

Luka 4:3

U Satana akamubuzya akati, “Nanti awe we Mwana uwa Chala, lamula ibwe ili ukuti lyanduke pakuba chibama.”

Yohani 4:6

Mulamula mukabamo ichiziba icha Yakobo. Bo u Yesu alita nkani nu bulendo bwache, akikala pachiziba pala. Kakaba kabalilo bo izuba lili pamutu.

Ukukumbusya Amalamulo 9:18

Nkafughama sona pamaso pa Mwene nukwiputa amasiku 40, umusanya nu busiku. Ntakalyapo pamo ukung'welapo ichintu nachimochimo, pachifukwa ichakuti amwe mukamunangila u Mwene nukumukalalizya.

Ukukumbusya Amalamulo 9:25

Ichi cho chifukwa nkafughama pamaso pa Mwene nukwiputa amasiku 40, umusanya nu busiku, pakuti u Mwene akalondagha pakubanangannya.

Ukukumbusya Amalamulo 9:9

Bo nakwela pighamba pakupokela amabwe amapapate mabili, ghagho pakasimbiwapo ulufingo lulo u Mwene akafingana namwe, ane nkikala palapala amasiku 40, umusanya nu busiku. Ntakalyapo pamo ukung'welapo ichintu nachimochimo.

Aba Hebeli 2:18

Pakuti akayeliwa ukwendela mu mayimba ghache, kokuti angabavwa abantu babo bakuyeliwa.

Aba Hebeli 4:15

Pakuti tute nu muputi usongo yuyo atangatupelela ichisa pachifukwa icha budedebazu bwitu. Loli tuli nawe weka bulo yuyo akayeliwa muvyosi ukuyana namumo naswe bulo tukuyeleliwa, loli atakanangapo nalumo.

1 Samuweli 17:16

U Goliyati umu Filisiti yula akababechelagha aba Izilayeli pandabindabi na pachamabwila posi amasiku 40.