Luka 4:1 - IBAYIBOLO 2024

¹ U Yesu akanyokako kulusoko ulwa Yolodani, bo izuye nu Muzimu Umuzelu. U Muzimu Umuzelu yula akamusendela munkolongo,

Ulufingo Ulupya

¹ U Yesu akanyokako kulusoko ulwa Yolodani, bo izuye nu Muzimu Umuzelu. U Muzimu Umuzelu yula akamusendela munkolongo,

Luka 4:1 Iomraidhean Croise

1 Abamwene 18:12

Ntamenyeko kuko u Muzimu uwa Mwene akwiza pakubuka nawe, bo nepapo pano. Buli nanti nabuka pakumubuzya u Ahabu, po atakwaghapo, naloli atakwiza pakungogha? Ane ne mubombi wako namwiputagha u Mwene ukwanda ku bulumendo bwane.

1 Abamwene 19:4

Loli u Eliya akenda isiku lyosi munkolongo. Po akikala mukazundila aka makwi agha vyisilo nukwiputa ukuti ngali afwanga bulo. Akati, “Wee Mwene nayimba mpela! Ngogha bulo, ane te ne mwiza ukubachila abanyenya bane.”

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Ezekiyeli 3:14

Umuzimu akanyamulila mumwanya nukubuka nane, po umoyo wane ghukababa sona nkakalala, pakuti u Mwene akampa amaka.

Matayi 3:16

Bo u Yesu oziwa bulo, akazubuka mumizi. Palapala kumwanya kukighuka, akennya u Muzimu uwa Chala akumwikila ngati yo nkunda.

Luka 2:27

U Muzimu Umuzelu akamulongozya u Simiyoni ukuti abuke mu Nyumba iya Chala. Abapapi aba Yesu bope bakinjila nu bonda munyumba mula pakubomba inyiho ukuyana ni Ndaghilo izya Mozesi.

Luka 3:3

Po u Yohani akenda muchigaba chosi icha lusoko ulwa Yolodani nukulumbilila pakasi pabantu ukuti, “Pinduka nukuzileka imbibi zyinyu nukoziwa, po u Chala akwiza pakubahobokela imbibi zyinyu.”

Luka 3:38

nu mwana uwa Enoshi nu mwana uwa Seti nu mwana uwa Adamu nu mwana uwa Chala.

Luka 4:14

Po u Yesu akanyokela ku Galileya na maka agha Muzimu Umuzelu. Ipangwi lyache likasata muchigaba chosi chila.

Luka 4:18

“U Muzimu uwa Mwene ali papane pachifukwa ichakuti ampakazya ukuti indumbilile amazyu amiza pakasi pabantu abapina. Antuma ukuti imfumusye ubusatuke ubwa babo bali mujele nukuti abafwamaso bennyanje sona nukubapa ubusatuke babo bakukanyililiwa.

Yohani 1:32

U Yohani akabika ulusimikizyo akati, “Nkennya u Muzimu Umuzelu akwika kumwanya ngati yo nkunda nukwikala papache.

Yohani 3:34

Pakuti yuyo u Chala amutumite akunena amazyu agha Chala, pachifukwa ichakuti u Chala akumupa u Muzimu Umuzelu ukusita ukumamilizya.

Imbombo 1:2

mupaka pisiku lilyo akasendiwanga pakubuka kumwanya. Loli bo atasendiwe, akababuzya na maka agha Muzimu Umuzelu abatumiwa babo akabasala izyakubomba.

Imbombo 10:38

Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe.

Imbombo 8:39

Bo bepamo mumizi mula, u Muzimu uwa Mwene akamwefyapo u Filipu. Ikambala lila litakamwennyapo sona u Filipu, loli akendelela nu bulendo bwache, izuye nu buhobosu.