Luka 3:11 - IBAYIBOLO 2024

¹¹ U Yohani akamula akati, “Umuntu wesi yuyo ali na menda mabili amupeko ghoka uwamwabo yuyo ate nagho, sona umuntu wesi yuyo ali ni chakulya amugabileko uwamwabo.”

Ulufingo Ulupya

¹¹ U Yohani akamula akati, “Umuntu wesi yuyo ali na menda mabili amupeko ghoka uwamwabo yuyo ate nagho, sona umuntu wesi yuyo ali ni chakulya amugabileko uwamwabo.”

Luka 3:11 Iomraidhean Croise

Ezekiyeli 18:7

Atakumuyivyapo nayumoyumo, loli akunyosya vivyo akasenda pankongole. Atakwiba loli akubapa ichakulya babo bali nizala, sona akubapa ivyakuvwala babo bali nkule.

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Matayi 25:40

U Mwene akwiza pakwamula ukuti, ‘Naloli nkubabuzya ukuti akabalilo kosi kako ukamubombela ichiza umuntu weka uwa bakamu bane yuyo munandi nkani, ukambombela nene!’

Luka 11:41

Loli mubapanje abapina vivyo vili mukasi mumbako ni mbale, po vyosi vikwiza pakubaswepela.

Luka 18:22

Bo u Yesu ivwa zinizi, akamubuzya akati, “Ukusobelwa ichintu choka bulo: Kaghulizye vyosi vivyo uli navyo nukubapa abapina indalama, po ukwiza pakuba nu bukabi kumwanya, po wize nukunkonka.”

Luka 19:8

U Zakeyu akimilila nukumubuzya u Mwene ukuti, “Ivwa kuno, Mwene! Nkwiza pakubapa pakasi na pakasi ivyuma vyane abantu abapina, sona nanti imuzimbuyepo umuntu yumo nkwiza pakumunyosezya ka folo ukuchilapo.”

Yohani 13:29

Pakuti u Yudasi weyuyo akasungagha inyambi iya ndalama, abamanyili bamo bakinong'onagha ukuti u Yesu akumutuma pakughula ivyakulondiwa palusekelo, pamo pakubapa ivintu abapina.

Imbombo 10:2

Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala.

Imbombo 10:31

nukumubuzya ukuti, ‘Wee Kolineliya! U Chala ivwa inyiputo zyako, sona akumbuka imbombo zyako inyiza pakasi pabantu abapina.

Imbombo 10:4

Akamwenelezya uwantumi yula nubogha nukumulalusya ukuti, “Wee Mwene, nkimba cho choni ichi?” Uwantumi akamula akati, “U Chala ahobokite ni nyiputo zyako, sona akumbuka imbombo zyako inyiza pakasi pabantu abapina.

Aba Efeso 4:28

Umuntu yuyo akibagha, atakibaye sona, loli abombaye ni nyobe zyache ichintu chicho chiza, umwakuti angaba navyo vimo ukuti angagabana na babo bakusobelwa.

1 Timoti 6:17

Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.

1 Timoti 6:18

Ubabuzye ukuti babombaye imbombo inyiza, nukuba bakabi mumbombo inyiza, nukusita pakuba bamama, sona nukwiyannya pakugabana ivintu vyabo na bantu abanji.

Aba Hebeli 6:10

U Chala mugholosu, sona atakwiza pakuluvya imbombo zyinyu nu lughano lulo mwamulanjizya bo mukubavwa abantu bache, sona mwendelela pakubavwa.

Yakobo 1:27

Ichiputo ichanaloli, chicho chite ni chilema pamaso pa Chala u Tata cho ichi: Ukubasungilila abana abalanda na bakolo abafwilwe muntamyo zyabo, sona nukwisungilila wemwene ukuti utakinyazyanje ni vintu ivya muchisu ichapasi.

Yakobo 2:14

Mwee bakamu bane, nkimba bwiza boni bubo bulipo ukuti umuntu anene ukuti ali nu lwitiko, loli imbombo zyache zitakusimikizya ulwitiko lwache? Nkimba ulwitiko lulalula lungamupoka?

1 Yohani 3:17

Nanti umuntu yumo umukabi akumwennya umuntu uyunji yuyo mupina loli atakumupelela ichisa, nkimba umuntu yunuyu anganena bulibuli ukuti amughanite u Chala?

1 Yohani 4:20

Nanti umuntu yumo akuti, “Imughanite u Chala”, loli amubengite umukamu wache, kokuti mumyasi. Umuntu wesi yuyo atakumughana umukamu wache yuyo akumwennya na maso, kokuti atangamughana u Chala, yuyo atamwenizyepo nalumo.