Luka 24:47 - IBAYIBOLO 2024

⁴⁷ sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Ulufingo Ulupya

⁴⁷ sona nukuti mwitabwa lyache amazyu ghalumbililiwe pakasi pa bantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Luka 24:47 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 67:7

U Chala akwiza pakutusaya, sona abantu bosi aba kubumalilo ubwa chisu ichipasi bakwiza pakumunyila.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Yesaya 11:10

Pisiku lilalila Weka uwa banyenya aba Yese akwiza pakwima ngati chimanyilo icha inko zyosi, zikwiza pakumulonda, po ubuzilo bubo akwikalapo bukwiza pakuba buchindamu.

Yesaya 49:22

U Mwene Uwamaka Ghosi akuti, “Ennya, nkwiza pakubakopezya ni nyobe, aba inko babo te ba Yuda, nkwiza pakubakwezezya indembela abantu, bakwiza na bana bako abalumendo munyobe zyabo, nukubanyamula abana bako abalindu pavipunko vyabo.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 5:4

Nkimba chilipo chicho nkapotwa pakubombapo pamughunda? Po nkimba choni chicho ghukwela amampesya amababe, bo nkulindilila amampesya amiza ghagho intakasubalilagha?

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Yesaya 52:15

Loli inko inyinji zikwiza pakumuswigha, abamwene bakwiza pakusona amalomo ghabo pachifukwa icha yuyo. Pakuti chicho batakabuziwa nalumolumo bakwiza pakuchennya, sona chicho batachivuye bakwiza pakuchivwisya.

Yelemiya 31:34

Nayumoyumo umuntu yuyo akwiza pakumumanyisya umupalamani wache, pamo ukumubuzya umukamu wache ukuti, ‘Umumanye u Mwene.’ Pakuti bosi bakwiza pakummanya ane, abana abanandi na bantu abasongo bulo. Nkwiza pakubahobokela imbibi zyabo, sona ntakwiza pakukumbukapo nalumolumo ukunanga kwabo.”

Daniyeli 9:24

“Amaka 7 agha tubalilo aka 70 twabikiwa ukuti abantu aba mukaya akazelu, poka nakaya kako akakulu nkani akazelu babuleke ububibi bwabo sona ni mbibi. Bapepesyanje imbibi zyabo pakubomba ubugholosu ubwa bwila na bwila ichisetuka nu bulaghuzi vikwiza pakukwanilisiwa, sona Ubuzilo Ubuzelu nkani bula bupaghuliwanje.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Hoseya 2:23

Nkwiza pakubikazikizya aba Izilayeli muchisu chane, nkwiza pakuba nichililizi na bantu babo kale intakabaghana.” Abantu babo batakitiziwa ukuti, “Mute mwe bantu bane.” Nkwiza pakubitizya ukuti, “Amwe mwe bantu abane.” Bakwiza pakunena ukuti, “Awe we Chala witu.”

Mika 4:2

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Matayi 28:19

Po bukagha pakasi pabantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu.

Matayi 3:2

Akati, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

Matayi 9:13

Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyakwiyipa ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

Luka 13:34

“Wee Yelusalemu, wee Yelusalemu! Ukughogha abalaghuzi nukubatiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Imbombo 10:43

Abalaghuzi bosi bakasimikizya nizya yuyo, ukunena ukuti umuntu wesi yuyo akusubila mumwache, u Chala akwiza pakumuhobokela imbibi zyache ukwendela mwitabwa lyache.”

Imbombo 11:18

Bo bivwa zinizi, bakaleka pakumususya. Bakamupala u Chala ukuti, “Po u Chala abapiye bope abantu babo bate ba Yuda ulusako ulwakupinduka nukuzileka mbibi zyabo nukupokela ubumi.”

Imbombo 13:46

Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda.

Imbombo 2:38

U Pitala akababuzya akati, “Mwebosi mupinduke nukuzileka imbibi zyinyu nukoziwa mwitabwa ilya Yesu Kilisitu. Po u Chala akwiza pakubahobokela imbibi zyinyu, nukupokela ichabupi icha Muzimu Umuzelu.

Imbombo 20:21

Aba Yuda na bantu babo bate ba Yuda, nkabalaba umwakulambilizya nkani ukuti bazileke imbibi zyabo nukupindukila kwa Chala nukusubila mwa Mwene u Yesu.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

Imbombo 28:28

U Pabuli akababuzya akati, “Mubaghiye mumanyaye ukuti u Chala abatumila amazyu aghabupoki abantu babo bate ba Yuda. Abene bakwiza pakughateghelezya!”

Imbombo 3:19

Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,

Imbombo 4:12

Mumwache mwene momumo muli ubupoki pakuti pachisu chosi ichapasi nayumo umuntu yuyo u Chala atupiye ukuti angatupoka.”

Imbombo 5:31

U Chala akamukwezya nukumubika munyobe izya nyobe yache indilo ukuti abanje Mulongozi nu Mupoki, pakubapa ulusako aba Izilayeli ukuti bapinduke nukuhobokeliwa imbibi zyabo.

Aba Loma 5:20

Indaghilo zikapeghiwa ukuti imbibi zyonjelele, loli kuko imbibi zikonjelela, ichisa icha Chala chope chikonjelela nkani.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Aba Efeso 3:8

Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu

Aba Kolosi 1:27

Chicho u Chala akulonda chakuti abavumbulile abantu bache izya kubusyefu, chicho bukabi nu buchindamu pakasi pabantu aba inko zyosi. Izyakubusyefu zinizi zyakuti u Kilisitu akwikala mumwinyu, chicho chikusimikizya ukuti mukwiza pakugabana ubuchindamu ubwa Chala.

1 Yohani 2:12

Nkubasimbila amwe mwe bana bane, mwe imbibi zyinyu zyahobokeliwa pachifukwa icha vivyo u Kilisitu akabomba.