Luka 24:45 - IBAYIBOLO 2024

⁴⁵ Po akabighula inyinong'ono zyabo ukuti bivwisye Amasimbo,

Ulufingo Ulupya

⁴⁵ Po akabighula inyinong'ono zyabo ukuti bivwisye Amasimbo,

Luka 24:45 Iomraidhean Croise

Yobu 33:16

palapala angabateketela nukuboghofya ni soki.

Masalimo 119:18

Nyighula amaso ghane, umwakuti nennye ivyakuswighisya, vivyo vili mu lulaghilo lwako.

Ukufuma 4:11

U Mwene akamulalusya akati, “Nkimba wewenu yuyo akumupa umuntu umulomo? Nkimba wewenu yuyo akumupela umuntu pakuba wamapuli pamo we chinunu? Nkimba wewenu yuyo akumupa umuntu amaso pamo pakumupela pakuba mufwamaso? Nkimba inte ne Mwene?

Luka 24:32

Bakanenezannyanga benebene bakati, “Nkimba chitakayana bulo numoto uwakwaka mumoyo ghitu, bo akunena naswe muzila mulamula nukutulingannya Amasimbo?”

Imbombo 16:14

Weka uwa babo bakateghelezyanga akaba we Lidiya uwa mukaya aka Tiyatila. Akaghulizyanga amenda amachesamile, sona akaba mukolo yuyo akamwiputagha u Chala. U Mwene akamwighula umoyo wache ukuti ateghelezye zizyo u Pabuli akanenagha.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

Aba Efeso 5:14

pakuti ulukozyo lo lulo lukulanjizya ichintu chosi pabuzelu. Cho chifukwa zikuneniwa ukuti, “Nyamuka awe we ughonite utulo, zyuka kubufwe, po u Kilisitu akwiza pakukulamila.”

1 Yohani 5:20

Tuzimenye ukuti u Mwana uwa Chala iza, nukutupa amahala aghakivwisizye, umwakuti tumumanye yuyo wanaloli. Aswe tukwikala mukumamatilana poka nu Chala wanaloli, sona nu Mwana wache u Yesu Kilisitu. U Yesu Kilisitu we Chala wanaloli, we bumi ubwa bwila na bwila.

Ubuvumbuli 3:7

“Uwantumi uwa muchipanga icha mu Filadefiya umusimbile uti, “Amazyu ghagho ghaneniwa na yuyo muzelu sona wanaloli, yuyo ali ni chighulilo icha Devedi; nanti ighula, nayumo umuntu yuyo angighalila, sona nanti ighalila, nayumo umuntu yuyo angighula, gho agha: