Luka 24:44 - IBAYIBOLO 2024

⁴⁴ Po akababuzya akati, “Ivi vyo vivyo nkababuzya, bo indi poka namwe. Vyosi vivyo vikasimbiwa nizya ane mu Ndaghilo izya Mozesi, ubusimbe ubwa balaghuzi na mu Masalimo bukwanilisiwe.”

Ulufingo Ulupya

⁴⁴ Po akababuzya akati, “Ivi vyo vivyo inkababuzya, bo indi poka namwe. Vyosi vivyo vikasimbiwa nizya ane mu Ndaghilo izya Mozesi, ubusimbe ubwa balaghuzi na mu Masalimo bukwanilisiwe.”

Luka 24:44 Iomraidhean Croise

Ubwandilo 14:18

Po u Melekizedeki, yuyo akaba we mwene uwamu Salemu, sona umuputi usongo uwa Chala Uwakumwanya Nkani akiza kwa Abulamu ni chibama nu vinyo.

Ubwandilo 22:18

Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.’ ”

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Masalimo 118:22

Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.

Yesaya 28:16

U Mwene Uwamaka Ghosi akuti, “Ennya, nkwala ibwe mu Ziyoni, ibwe ilya mutengo ilya pankuto palwalo ulwanaloli, umuntu wesi yuyo akusubila mumwache, atakwiza pakukoziwa isoni.

Yesaya 52:13

Ennya umubombi wane akwiza pakubomba akiza, akwiza pakukweziwa nukuchindikiwa.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 23:5

“Amasiku ghakwiza ghagho ane ne Mwene nkwiza pakubimikila u mwene umugholosu pa banyenya aba Devedi. Weyuyo akwiza pakubalaghila abantu mubugholosu na mumahala, sona akwiza pakulongelagha mubugholosu na mubwanaloli inongwa izya bantu aba muchisu.

Yelemiya 33:14

Ane ne Mwene nanena. Amasiku ghakwiza ghagho nkwiza pakukwanilisya ulufingo lulo nkafingana naba Izilayeli, sona naba mu Yuda.”

Ezekiyeli 17:22

“ ‘U Mwene Uwamaka Ghosi akuti: Nane bulo nkwiza pakusendapo akasamba pamwanya nkani pikwi ilya mwale nukukabyala. Nkwiza pakukapyola akasamba akabisi ukufuma pamwanya nkani, nukukabyala nemwenecho pighamba itali nkani.

Ezekiyeli 34:23

Nkwiza pakuzipa umudimi weka, umubombi wane u Devedi, sona akwiza pakuzisungilila nukuba mudimi wabo.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 7:13

“Pabusiku palapala muchisetuka nkamwennya yumo yuyo akaba ngati mwana uwa muntu akwika mu mabingu. Akapalamila papipi nu Wavula Intazi yula nukwimilila pamaso papache.

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Zekaliya 14:4

Pisiku lilalila akwiza pakwimilila Pighamba ilya Misyunguti kubwinjililo bwizuba ubwa Yelusalemu, po ighamba lilalila likwiza pakugabiwa pabili, lyoka kubufumilo bwizuba ilinji kubwinjililo bwizuba. Likwiza pakupela ikombe ikulu nkani, u hafu uwa chigaba choka akwiza pakubuzila kuchigaba icha kumitu sona u hafu uwa chigaba ichinji akwiza pakubuzila kuchigaba icha kuntende.

Zekaliya 6:12

Po umubuzye ukuti: U Mwene Uwamaka Ghosi ati, ‘Ennya umuntu yuyo itabwa lyache we Lusamba, pakuti akwiza pakumela papo ali, sona akwiza pakuzengapo Inyumba iya Mwene.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Ukubelengiwa 21:8

U Mwene akamubuzya u Mozesi akati, “Panga injoka iya mukuba nukuyipayika pikwi. Nanti umuntu wesi yuyo alumiwa, akuyennya injoka yila, akwiza pakupola.”

Ukubelengiwa 35:25

Ichilundilo chimupoke umuntu umughoghi yula munyobe izya wamwabo uwa muntu umufwe, yuyo akulonda pakutanizya, pakumutuma umuntu yula mukaya akakulu nkani akakuponelamo. Umughoghi yula ikale kulakula mupaka umuputi usongo yuyo akapakaziwa na mafuta afwe.

Matayi 1:22

Zyosi zinizi zikabombiwa pakukwanilisya zizyo u Mwene akanenela mu mulaghuzi ukuti,

Matayi 16:21

Ukwandila pakabalilo kalakala u Yesu akanda pakubabuzya abamanyili bache umwakwivwika ukuti, “Imbaghiye pakubuka mu Yelusalemu nukuyimba nkani na balongozi aba Chiyuda, na baputi abasongo, sona na bamanyisi aba Ndaghilo. Nkwiza pakughoghiwa, loli nanti ghachilapo amasiku matatu nkwiza pakuzyuka kubufwe.”

Matayi 26:54

Loli Amasimbo ghangakwanilisiwa bulibuli ghagho ghakuti izi zibaghiye pakubombiwa?”

Matayi 26:56

Loli vyosi vinivi vyabombiwa ukuti vivyo abalaghuzi bakasimba vikwanilisiwe.” Po abamanyili bache bosi bakamuleka nukuchimbila.

Maliko 9:31

pakuti akabamanyisya abamanyili bache. Akababuzya akati, “U Mwana uwa Muntu akwiza pakubikiwa munyobe izya balwani, babo bakwiza pakumughogha. Loli bo ghachilapo amasiku matatu akwiza pakuzyuka kubufwe.”

Luka 21:22

Pakuti amasiku ghalaghala gho ghagho u Chala akwiza pakubafunda abantu ukuti vyosi vivyo Amasimbo ghakanena vikwanilisiwe.

Luka 22:37

Pakuti nkukubuzya ukuti zizyo Amasimbo ghakuti, ‘Bakamongannya poka na bambibi’ zibaghiye zikwanilisiwe.”

Luka 24:46

nukubabuzya ukuti, “Ivi vyo vivyo visimbiwe: U Kilisitu abaghiye pakuyimba nukuzyuka kubufwe, bo ghachilapo amasiku matatu,

Luka 9:22

Akababuzya sona akati, “U Mwana uwa Muntu abaghiye pakuyimba nkani nukukaniwa na balongozi aba Chiyuda, na baputi abasongo, sona na bamanyisi aba Ndaghilo. Akwiza pakughoghiwa, loli nanti ghachilapo amasiku matatu akwiza pakuzyuka kubufwe.”

Luka 9:44

“Mutakaluvye zizyo indi papipi pakubabuzya! U Mwana uwa Muntu akwiza pakubikiwa munyobe izya balwani.”

Yohani 3:14

“Ngati mumo u Mozesi akayipayikila injoka iya chela pikwi munkolongo mula, umwakuyana bulo wepe u Mwana uwa Muntu abaghiye pakupayikiwa,

Yohani 5:39

Mukumanyila akiza Amasimbo pakuti mukwinong'ona ukuti momumo mukwiza pakubwaghamo ubumi ubwa bwila na bwila. Po Amasimbo ghanagha gho ghagho ghakunsimikizya.

Yohani 5:46

Nanti mwamusubiye u Mozesi, ngali mwansubiye nane pakuti umwene asimbite nizya ane.

Imbombo 13:33

zyakwanilisiwa kukwitu, twe baluko lwabo pakumuzyusya u Yesu kubufwe ukuyana na Masimbo agha mu Salimo uwabubili aghakuti, ‘Awe we Mwana wane, ilelo naba ne ghuso.’

Imbombo 13:40

Muchebaye ukuti zizyo abalaghuzi bakalaghula, zitakababonekele.

Imbombo 2:27

Pakuti utakwiza pakundeka muchisu icha bantu abafwe, sona utakwiza pakwitikizya ukuti ne mubombi wako umusubiliwa imbolaye.

Imbombo 3:18

U Chala akafumusya kale nkani ukwendela mu balaghuzi bosi ukuti u Kilisitu wache abaghiye pakuyimba; sona zikakwanilisiwa bunubu.

Imbombo 7:37

U Mozesi weyuyo akababuzya aba Izilayeli ukuti, ‘U Chala akwiza pakubatumila umulaghuzi ukuyana namumo akantumila, sona akwiza pakuba yumo uwa bantu binyu.’

Aba Hebeli 10:1

Indaghilo izya Mozesi zikaba muzyezye bulo uwa vintu ivyiza vivyo vikwiza. Umuzyezye ghunughu ghutakaba wenecho chifukwa ghutangefya imbibi izya bantu napapo ivyakwiyipa vili vyoka vikabikiwa umwaka nu mwaka, sona vitakubapela abantu babo bakamwiputagha u Chala pakuba bakufikapo.

Aba Hebeli 3:5

U Mozesi akaba mubombi umusubiliwa munyumba yosi iya Chala, pakusimikizya zyosi zizyo u Chala akalondagha pakunena muntazi.

Aba Hebeli 7:1

U Melekizedeki yunuyu akaba we mwene uwamu Salemu, sona nu muputi uwa Chala Uwakumwanya Nkani. Bo u Abulahamu akubwelako kubwite pakupota abamwene folo, u Melekizedeki akakomana nawe nukumusaya.

Aba Hebeli 9:8

U Muzimu Umuzelu akulanjizya pabuzelu bulo ukuti izila iyakwinjilila mu Chipinda Ichizelu nkani yichili pakwighuka, bo ichisakasa ichakwanda chichili chiliko.

1 Pitala 1:11

Abalaghuzi bala bakayezya pakukagha akabalilo akenecho, sona namumo kangizila. Aka kakaba kabalilo kako Umuzimu uwa Kilisitu yuyo akaba mumwabo akasonta. Bakanenela zila namumo u Kilisitu akwiza pakujimbila mumayimba, sona nu buchindamu bubo bukwiza pakukonkapo.

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”