Luka 24:30 - IBAYIBOLO 2024

³⁰ Akikala pasi nukulya nabo, sona akasenda ichibama nukupalizya kwa Chala. Po akachimenyannya nukubapa.

Ulufingo Ulupya

³⁰ Akikala pasi nukulya nabo, sona akasenda ichibama nukupalizya kwa Chala. Po akachimenyannya nukubapa.

Luka 24:30 Iomraidhean Croise

Matayi 14:19

Po akalamula abantu bala ukuti bikale pasi pisote. Akasenda ivibama fayivi ni swi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache, sona abamanyili bakagabila abantu.

Matayi 15:36

Po akasenda ivibama seveni nu tuswi tula nukumupalizya u Chala. Akamenyannya nukubapa abamanyili bache ukuti bachigabile ichilundilo chila.

Matayi 26:26

Bo bali pakulya, u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Ughu gho mubili wane, senda, lyanga.”

Maliko 14:22

Bo bali pakulya, u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Senda, ughu gho mubili wane.”

Maliko 6:41

Pisinda pache u Yesu akasenda ivibama fayivi ni swi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache ukuti babagabile abantu. U Yesu akabagabila sona abantu bosi iswi zibili zila.

Maliko 8:6

U Yesu akalamula ichilundilo icha bantu chila ukuti chikale pasi. Po akasenda ivibama seveni vila nukumupalizya u Chala. Akamenyannya nukubapa abamanyili bache ukuti bachigabile ichilundilo chila. Abamanyili bala bakabomba vivyo akababuzya.

Luka 22:19

Po u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Ughu gho mubili wane, ghugho wapeghiwa pachifukwa icha mwemwe. Mubombaye zinizi ukuti munkumbukilayepo.”

Luka 24:29

Loli bakamulambilizya bakati, “Ikala naswe pakuti kwanda kale pakwila, sona ichisi chandako.” Po akinjila nukwikala nabo.

Luka 24:35

Po abanavuli babili bala bakalingannya vivyo vikababonekela muzila mulamula, sona namumo bakamumanyila u Mwene, bo amenyannya ichibama.

Luka 9:16

U Yesu akasenda ivibama fayivi ni iswi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache ukuti babagabile abantu.

Yohani 6:11

U Yesu akasenda ivibama, akamupalizya u Chala nukubagabila abantu babo bakikala pasi palapala. Akabomba sona bunubu ni iswi zila, po bosi bakalya ukuyana namumo bakalondelagha.

Imbombo 2:42

Bakabika umoyo wabo pa vimanyisyo vivyo abatumiwa bakamanyisyanga, bakaba mubupoka nukumenyannya ichibama pakumukumbuka u Mwene, sona bakaba poka munyiputo.

Imbombo 2:46

Isiku ni siku bakakomanagha pakabukatila mu Nyumba iya Chala, nukumenyannya ichibama poka munyumba zyabo, bakalyanga mubuhobosu na moyo aghakwiyisya,

Imbombo 27:35

Bo u Pabuli anena zinizi, akasenda ivibama nukumupalizya u Chala pamaso pa bosi, po akavimenyannya nukwanda pakulya.