Luka 24:27 - IBAYIBOLO 2024

²⁷ Sona u Yesu akalingannya kukwabo zizyo zikaneniwa nizya yuyo mu Masimbo ghosi, ukwandila mu mabuku agha Mozesi mupaka na mumasimbo ghosi agha balaghuzi.

Ulufingo Ulupya

²⁷ Sona u Yesu akalingannya kukwabo zizyo zikaneniwa nizya yuyo mu Masimbo ghosi, ukwandila mu mabuku agha Mozesi mupaka na mumasimbo ghosi agha balaghuzi.

Luka 24:27 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Ubwandilo 22:18

Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.’ ”

Ubwandilo 26:4

Nkwiza pakukupa abaluko abinji nkani ngati zyo ntondwa, sona nkwiza pakubapa ichisu chosi chinichi. Abantu aba inko zyosi bakwiza pakundaba ukuti imbasaye ukuyana namumo nkabasayila abaluko lwako.

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Masalimo 132:11

U Mwene akalapa kwa Devedi po atakwiza pakuchandula ichilapo chache akati, “Nkwiza pakumwikazya pachitengo icha bumwene weka uwa bana bako abalumendo.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 50:6

Nkabapa inyuma yane babo bakankomagha, sona na masaya ghane, ku babo bakunyunkula indevu zyane, intakafisa icheni ku bantu, babo bakansamulagha nukunfwinila amati.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yesaya 8:17

Nkumulindilila u Mwene, yuyo akubafisa icheni chache abamunyumba iya Yakobo. Po nkwiza pakumusubila.

Yesaya 9:1

Loli tekukabe ichisi kubabo bali mububavu ubukulu nkani, kale akachisya pasi ichisu icha Zebuloni ni icha Nafutali, loli muntazi akwiza pakuchindika izila iya munyanja, ichisu icha kwisila ilya Yolodani mu Galileya, muchigaba icha bantu babo bate ba Yuda.

Ezekiyeli 34:23

Nkwiza pakuzipa umudimi weka, umubombi wane u Devedi, sona akwiza pakuzisungilila nukuba mudimi wabo.

Ezekiyeli 37:25

Bakwiza pakwikala muchisu chicho nkamupa umubombi wane u Yakobo, ichisu chicho abanyenya binyu bakikalaghamo. Babo na bana babo na bizikulu babo bakwiza pakwikala bwila na bwila, sona umubombi wane u Devedi akwiza pakuba we mwene wabo bwila na bwila.

Daniyeli 7:13

“Pabusiku palapala muchisetuka nkamwennya yumo yuyo akaba ngati mwana uwa muntu akwika mu mabingu. Akapalamila papipi nu Wavula Intazi yula nukwimilila pamaso papache.

Mika 5:6

Bakwiza pakuchimala ichisu icha Asiliya nupanga, sona ni chisu icha Nimulodi. Akwiza pakutupoka munyobe izya Asiliya, bo bakwiza muchisu chitu nukwenda mumpaka zyitu.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Malaki 4:2

Loli amwe mwe mukunchindika ane, izuba ilya bugholosu likwiza pakubafumila nukubapozya ukwa kulama kwache. Mukwiza pakunyelanyela umwakuhoboka ngati tungwata tuto batwabula muchibagha.

Ukubelengiwa 21:14

Ichi cho chifukwa visimbiwe Mwibuku ilya bwite ilya Mwene ukuti, “Akaya akakulu nkani aka Wahebi kali muchigaba icha Sufa, sona na mumakombe agha Alinoni,

Maliko 4:34

Atakanenaghapo nachimochimo na bantu pakusita ukubombezya ichili. Loli bo ali mwene na bamanyili bache, akabalingannyanga vyosi.

Luka 24:25

U Yesu akababuzya akati, “Mwe bapunganu mwee! Choni chicho mwe bapalapala nkani pakusubila ivintu vyosi vivyo abalaghuzi bakalaghula!

Luka 24:44

Po akababuzya akati, “Ivi vyo vivyo nkababuzya, bo indi poka namwe. Vyosi vivyo vikasimbiwa nizya ane mu Ndaghilo izya Mozesi, ubusimbe ubwa balaghuzi na mu Masalimo bukwanilisiwe.”

Yohani 1:45

U Filipu akamwagha u Nataniyele nukumubuzya ukuti, “Twamwagha yuyo u Mozesi akasimba mwibuku ilya Ndaghilo, sona yuyo abalaghuzi bakasimba ni zyache. We Yesu uwamu Nazaleti, umwana uwa Yosefu.”

Yohani 12:41

U Yesaya akanena ichi pachifukwa ichakuti akabwennya ubuchindamu ubwa Yesu nukunena nizya yuyo.

Yohani 5:37

Sona Utata yuyo akantuma weyuyo akunsimikizya. Amwe mutivuyepo nalumolumo izyu lyache, pamo ukuchennyapo icheni chache,

Yohani 5:39

Mukumanyila akiza Amasimbo pakuti mukwinong'ona ukuti momumo mukwiza pakubwaghamo ubumi ubwa bwila na bwila. Po Amasimbo ghanagha gho ghagho ghakunsimikizya.

Imbombo 10:43

Abalaghuzi bosi bakasimikizya nizya yuyo, ukunena ukuti umuntu wesi yuyo akusubila mumwache, u Chala akwiza pakumuhobokela imbibi zyache ukwendela mwitabwa lyache.”

Imbombo 3:18

U Chala akafumusya kale nkani ukwendela mu balaghuzi bosi ukuti u Kilisitu wache abaghiye pakuyimba; sona zikakwanilisiwa bunubu.

Imbombo 3:22

Pakuti u Mozesi akati, ‘U Mwene u Chala winyu akwiza pakubatumila umulaghuzi ukuyana namumo akantumila sona akwiza pakuba yumo uwa bantu binyu. Mubaghiye pakwivwila vyosi vivyo akababuzya pakubomba.

Imbombo 3:24

Abalaghuzi bosi babo bakaba na mazyu agha Chala, ukwandila pakabalilo aka Samuweli mupaka na bosi babo bakiza pisinda, bope bakafumusya zizyo zikubombiwa mumasiku agha.

Imbombo 7:37

U Mozesi weyuyo akababuzya aba Izilayeli ukuti, ‘U Chala akwiza pakubatumila umulaghuzi ukuyana namumo akantumila, sona akwiza pakuba yumo uwa bantu binyu.’

Imbombo 8:35

Po u Filipu akanda pakumulingannya Amazyu Amiza agha Yesu ukwandila mu Masimbo agha.

Ukukumbusya Amalamulo 1:45

Bo mwabwelako, mukamulilila u Mwene, loli akakusula ukulila kwinyu, sona akasindila amakutu ghache.

Ukukumbusya Amalamulo 18:15

Loli u Mwene u Chala winyu akwiza pakubatumila umulaghuzi ngati nene uwakufuma pakasi pabantu binyu. Po amwe mumwivwilaye.

Ubuvumbuli 19:10

Panapa nkawa munyayo zyache ukuti imwipute. Loli akambuzya akati, “Utakazibombaye zinizi! Ane ne wambombo bulo ngati wewe, sona ngati bo bawamwinyu babo bakaboni aba Yesu. Mumwiputaye u Chala! Pakuti ubwanaloli ubwa bulaghuzi lo lusimikizyo nizya Yesu.”