Luka 23:5 - IBAYIBOLO 2024

⁵ Loli bakiyula nkani pakunena bakati, “Ni vimanyilo vyache akwandizya ivyongo mubantu muchigaba chosi icha Yudeya. Akanda muchigaba icha Galileya, ilelo ali kuno.”

Ulufingo Ulupya

⁵ Loli bakiyula nkani pakunena bakati, “Ni vimanyilo vyache akwandizya ivyongo mu bantu muchigaba chosi icha Yudeya. Akanda muchigaba icha Galileya, ilelo ali kuno.”

Luka 23:5 Iomraidhean Croise

Masalimo 22:16

Abalwani banzyuguliye ngati mbwa, sona akabukatila aka bantu ababibi kanzyunguliye. Bandasa inyobe ni nyayo zyane bulo.

Masalimo 57:4

Indi pakasi pa nkalamu, sona indambalaye pakasi pa vinyamana ivyakoghofya. Banaba bo bantu babo bali na mino ngati zyo mpalala nu tulasilo, sona zyope indimi zyabo zikwete nkani ngati bapanga.

Masalimo 69:4

Abakumbenga binji nkani ukuchila isisi izya kumutu wane, sona abalwani bane babo bakulonda pakungogha binji nkani, umwakuti banfyengite bulo pakunyosezya papo ichintu chicho intibite?

Matayi 11:1

Bo u Yesu amala pakumanyisya abamanyili bache 12 bala ivintu vinivi, akepapo pabuzilo bula, akabuka pakumanyisya nukulumbilila mutwaya tuto tukaba papipi.

Matayi 2:1

U Yesu akapapiwa mukaya aka Betelehemu muchigaba icha Yudeya, pakabalilo aka Mwene u Helodi. Bo pachilapo akabalilo panandi, kukiza abamanya ntondwa abakubufumilo bwizuba ubwa kaya akakulu nkani aka Yelusalemu.

Matayi 27:24

Bo u Pilati ennya ukuti atakusendapo chimo, sona ukuti abantu bakaba papipi ukwanda ivyongo, akasenda amizi nukubasukusulila munyobe pamaso pa chilundilo nukuti, “Inte ninongwa pibanda ilya muntu umwiza uyu. Zyinyu zinizyo.”

Matayi 4:23

U Yesu akenda muchigaba chosi icha Galileya, pakumanyisya munyumba izyakwiputilamo, pakulumbilila Amazyu Amiza nizya Bumwene ubwa Chala nukupozya abantu babo bakaba nu bubine ubwakulekanalekana.

Maliko 1:14

Bo u Yohani bamwighalila mujele, u Yesu akabuka mu Galileya pakulumbilila Amazyu Amiza agha Chala.

Luka 11:53

Bo u Yesu epapo pabuzilo bula, abamanyisi aba Ndaghilo naba Falisayi bakanda pakumususya umwakoghofya nkani nukumulalusya amalalusyo aminji,

Luka 23:23

Loli bakendelela pakukolomoka na mazyu agha pamwanya ukuti u Yesu akomeliwe pachipinjika. Pabumalilo ukukolomoka kwabo kukapota.

Luka 23:6

Bo u Pilati ivwa zinizi, akalalusya akati, “Nkimba umuntu uyu wamu Galileya?”

Yohani 1:43

Ilyandabi, u Yesu akinong'ona ukubuka ku Galileya. Akamwagha u Filipu nukumubuzya ukuti, “Nkonka.”

Yohani 19:15

Bakakolomoka nkani bakati, “Mughoghe! Mughoghe! Mukomele pachipinjika!” U Pilati akabalalusya akati, “Nkimba mukulonda ukuti ane imukomele u mwene winyu pachipinjika?” Abaputi abasongo bakamwamula bakati, “Tute nu mwene uyunji, loli u Kesale mwene.”

Yohani 2:11

U Yesu akabomba ichimanyilo chache ichakwanda ichi mukaya aka Kana muchigaba icha Galileya, mulamula momumo akalanjizya ubuchindamu bwache, sona abamanyili bache bakamusubila.

Yohani 7:41

Abanji bakati, “Uyu we Kilisitu.” Loli abamwabo bakati, “Umupoki yula atangafuma muchigaba icha Galileya!

Yohani 7:52

Bakamwamula bakati, “Nkimba nawe bulo ukufumila muchigaba icha Galileya? Londa mu Masimbo wennye, po ukwiza pakwagha ukuti nayumo umulaghuzi yuyo angafuma muchigaba icha Galileya.” [

Imbombo 10:37

Muvimenye ivintu ivikulu vivyo vikabombiwa muchisu chosi icha Izilayeli, ukwandila muchigaba icha Galileya, bo u Yohani alumbilila ukuti abantu boziwe.

Imbombo 23:10

Ukudalinkana kukendelela nkani, umwakuti usongo uwa basilikali akanyila ukuti bangamunyonkolannya bulo u Pabuli. Po akabalamula abasilikali bache ukuti babukaye ku bantu bala nukumupoka u Pabuli nukubuka nawe mwilinga.

Imbombo 5:33

Bo abalongi bivwa zinizi, bakakalala nkani mupaka nukulonda ukuti abatumiwa bala baghoghiwe.

Imbombo 7:54

Bo abalongi bakuteghelezya kwa Sitefani, bakakalala nukumumemenela amino.

Imbombo 7:57

Loli abene bakakolomoka nkani, bakighalila amakutu ghabo ni nyobe zyabo. Panapo na panapo bosi poka bakamunyelela,