Luka 23:34 - IBAYIBOLO 2024

³⁴ U Yesu akati, “Wee Tata ubahobokele pakuti batakuzimanya zizyo bakubomba.” Bakagabana amenda ghache pakupanga amayele.

Ulufingo Ulupya

³⁴ U Yesu akati, “Wee Tata ubahobokele pakuti batakuzimanya zizyo bakubomba.” Bakagabana amenda ghache pakupanga amayele.

Luka 23:34 Iomraidhean Croise

Ubwandilo 50:17

ukuti, ‘Twalamba, ubahobokele abawamwinyu kububibi bubo bakakunangila.’ Aswe twe bambombo aba Chala uwa ghuso, tukulaba uluhobokelo.” Bo u Yosefu apokela amazyu ghanagha akalila.

Masalimo 22:18

Bakugabana amenda ghane, sona bakupanga amayele pachakuvwala chane.

Yesaya 53:12

Po nkwiza pakumupa ichigaba pakasi pabantu abapamwanya po akwiza pakugabana ivyakufyula na bantu abamaka, pakuti akatagha ubumi bwache nukubelengiwa poka na babomba imbibi. Akanyamula imbibi izya bantu abinji, sona akabiputila ababomba mbibi.

Matayi 11:25

Pakabalilo kalakala u Yesu akati, “Wee Tata, Mwene uwakumwanya na pachisu ichapasi! Nkukupalizya pachifukwa ichakuti wabavumbulila abantu babo batamanyiye ivintu vivyo ukabafisa abantu abamahala na bamanyi.

Matayi 11:26

Eee, Tata, umu momumo ukalondela ukuti chibombiwanje.

Matayi 5:44

Loli ilelo nkubabuzya ukuti mubaghane abalwani binyu nukubiputila babo bakubavwima,

Maliko 15:24

Po bakamukomela pachipinjika nukugabana amenda ghache pakupanga amayele ukuti bennye chicho umuntu wesi asende.

Luka 22:42

Akati, “Tata wane, nanti zingabombiwa, efya ulubako ulwa ntamyo ulu kukwane. Chitakabe mumo nkulondela awe, loli mumo ukulondela.”

Yohani 17:9

“Ane nkubiputila babo ukampa pakuti bako. Intakubiputila abantu aba muchisu ichapasi.

Yohani 19:11

U Yesu akamwamula akati, “Uli nu bulaghili papane pakuti we Chala yuyo akakupa ubulaghili bunubu. Po umuntu yuyo akambika munyobe zyinyu anangite nkani.”

Imbombo 16:28

Loli u Pabuli akakolomoka nkani akati, “Utakivulazye! Twebosi tuli munumu!”

Imbombo 3:17

“Polelo bakamu bane, inzimenye ukuti zizyo amwe na balongozi binyu mukabomba kwa Yesu mukazibomba umwakusita kumanya.

Imbombo 7:60

Akafughama nukulila na mazyu agha pamwanya ukuti, “Wee Mwene! Utakakumbuke imbibi yabo iyi.” Bo anena zinizi akafwa.

Aba Loma 12:14

Mumulabe u Chala ukuti abasaye babo bakubavwima. Naloli mumulabe ukuti abasaye, umwakuti atakabaghune, awe.

1 Aba Kolinti 2:8

Abalaghili aba muchisu ichapasi batakazimanya zinizi. Nanti bakazimanyagha ngali batakamukomela u Mwene uwa buchindamu pachipinjika.

1 Aba Kolinti 4:12

Tukwiyula nkani pakubomba imbombo ni nyobe zyitu. Bo tukughuniwa, aswe tukusaya, bo tukuvwimiwa, aswe tukufisa ilyoyo,

1 Timoti 1:13

napapo kale nkaba ne wamusamu nu muvwimi, sona nu wavyongo. Loli u Chala akampelela ichisa, pachifukwa ichakuti intakachimanya chicho nkabombagha, pakuti intakaba nu lwitiko.

1 Pitala 3:9

Mutakatanizannyanje ububibi pabubibi, pamo intuko pantuko, awe. Loli mutanizannyanje nu lusayo, pakuti u Chala akabitizya ukuti mupokele ulusayo lunulu.