Luka 23:14 - IBAYIBOLO 2024

¹⁴ nukubabuzya ukuti, “Mwizite nu muntu uyu kukwane ukuti akubasovya abantu. Po ilelo namulalusya pamaso papinyu, loli intakuyaghamo nayimoyimo inongwa mumuntu uyu pavintu vivyo mukumutamantila.

Ulufingo Ulupya

¹⁴ nukubabuzya ukuti, “Mwizite nu muntu uyu kukwane ukuti akubasovya abantu. Po ilelo namulalusya pamaso papinyu, loli ntakuyaghamo nayimoyimo inongwa mu muntu uyu pavintu vivyo mukumutamantila.”

Luka 23:14 Iomraidhean Croise

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Matayi 27:19

Bo u Pilati ikaye munyumba iya bulongi, umuchi akatuma amazyu ukuti, “Utakabombaye nachimo nu muntu umusita nongwa pakuti nayimba nkani nu busiku muchilota nizya muntu uyu.”

Matayi 27:24

Bo u Pilati ennya ukuti atakusendapo chimo, sona ukuti abantu bakaba papipi ukwanda ivyongo, akasenda amizi nukubasukusulila munyobe pamaso pa chilundilo nukuti, “Inte ninongwa pibanda ilya muntu umwiza uyu. Zyinyu zinizyo.”

Matayi 27:4

Akati, “Nananga pakumubika munyobe izya balwani umuntu umusita nongwa ukuti aghoghiwe.” Bakamula bakati, “Nkimba tuli nazyo ni mbombo?” Zyako zinizyo.

Matayi 27:54

Bo usongo uwa basilikali poka na basilikali babo bakamulindililagha u Yesu, bennya akasenyenta na vyosi vivyo vikabombiwa, bakanyila nkani nukuti, “Naloli uyu akaba Mwana uwa Chala!”

Imbombo 13:28

Napapo batakamwagha ninongwa iyakumughoghela u Yesu, loli bakamulaba u Pilati ukuti u Yesu aghoghiwe.

Imbombo 17:11

Mulamula abantu bakaba nu moyo uwakulonda pakumanyila ukuchila abantu aba mu Tesalonika. Bakapokela amazya agha Chala nu buhobosu, po isiku ni siku bakamanyila mu Masimbo ukuti basimikizye nanti zizyo u Pabuli akanenagha zikaba zyanaloli.

Aba Hebeli 7:26

Chikaba chakulondiwa ukuti aswe tubanje nu muputi usongo yunuyu. Umuputi uyu muzelu, yuyo ate ni chilema nachimochimo, sona ate ni mbibi nayimoyimo. Umwene akakweziwa ukuchila ivintu vyosi ivya kumwanya.