Luka 22:22 - IBAYIBOLO 2024

²² U Mwana uwa Muntu akwiza pakufwa ukuyana namumo u Chala akabatikila. Loli chighune nkani nu muntu yuyo akumubika munyobe izya balwani.”

Ulufingo Ulupya

²² U Mwana uwa Muntu akwiza pakufwa ukuyana na mumo u Chala akabatikila. Loli chighune nkani nu muntu yuyo akumubika munyobe izya balwani.”

Luka 22:22 Iomraidhean Croise

Ubwandilo 3:15

Nkwiza pakubika ubulwani pakasi papako nu mukolo; pakasi pa bana bache na bana bako. Abana bache bakwiza pakutizannya umutu wako, sona nawe ukwiza pakuluma ichitende icha mwana wache.”

Zekaliya 13:7

U Mwene Uwamaka Ghosi akuti, “Wee panga, nyamuka! Lwanga nu mudimi wane! Lwanga nu muntu yuyo ali papipi nane! Ghogha umudimi, po ing'ozi zikwiza pakunyampana. Nkwiza pakulwa ubwite na bantu bane.”

Matayi 26:24

U Mwana uwa Muntu akwiza pakufwa ukuyana na Masimbo. Loli chighune nkani nu muntu yuyo akumubika u Mwana uwa Muntu munyobe izya balwani! Chikaba chizapo ukuti umuntu yula ngali atakapapiwanga!”

Matayi 27:5

U Yudasi akasumba indalama zila pasi mu Nyumba iya Chala nukubuka. Po akabuka nukwipinyilila mwene.

Maliko 14:21

U Mwana uwa Muntu akwiza pakufwa ukuyana na Masimbo. Loli chighune nkani nu muntu yuyo akumubika u Mwana uwa Muntu munyobe izya balwani. Chikaba chizapo ukuti umuntu yula ngali atakapapiwanga!”

Luka 22:23

Po bakanda pakulalusannya benebene ukuti wewenu angabomba zinizi.

Luka 24:46

nukubabuzya ukuti, “Ivi vyo vivyo visimbiwe: U Kilisitu abaghiye pakuyimba nukuzyuka kubufwe, bo ghachilapo amasiku matatu,

Yohani 17:12

Pakabalilo kako nkikalagha nabo, nkabasunga akiza na maka agha itabwa lyako, itabwa lilyo ukampa. Nkabasunga akiza, po nayumo umuntu yuyo asobelitepo, loli mwene yuyo zikamubaghila ukuti ananganike, umwakuti Amasimbo ghakwanilisiwe.

Imbombo 10:42

Po akatulamula ukuti tulumbilile Amazyu Amiza pakasi bantu nukubasimikizya ukuti weyuyo u Chala amusalite pakuba mulongi uwa bantu abumi na bafwe.

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

Imbombo 2:23

U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

1 Pitala 1:11

Abalaghuzi bala bakayezya pakukagha akabalilo akenecho, sona namumo kangizila. Aka kakaba kabalilo kako Umuzimu uwa Kilisitu yuyo akaba mumwabo akasonta. Bakanenela zila namumo u Kilisitu akwiza pakujimbila mumayimba, sona nu buchindamu bubo bukwiza pakukonkapo.

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.