Luka 22:17 - IBAYIBOLO 2024

¹⁷ Po akasenda ulubako, akamupalizya u Chala nukuti, “Senda ulubako ulu mung'wele mwebosi.

Ulufingo Ulupya

¹⁷ Po akasenda ulubako, akamupalizya u Chala nukuti, “Senda ulubako ulu mung'wele mwebosi.

Luka 22:17 Iomraidhean Croise

Masalimo 116:13

Nkwiza pakulukwezya ulubako lwabupoki, sona nkwiza pakulyitizya itabwa ilya Mwene.

Masalimo 23:5

Ukunjanizizya ivyakulya bo abalwani bakwennya. Wampokela ngati ne muyeni pakumpakazya na mafuta, sona ulubako lwane lukufuluka.

Yelemiya 16:7

Atalipo nayumoyumo uwakubapa ichakulya abafwilwe ukuti abasangalusye pa vitima ivya bufwe ubwa wise pamo unyina. Sona atakabepo nayumoyumo uwakubapa ichakung'wela ichakubasangalusya.

Matayi 14:19

Po akalamula abantu bala ukuti bikale pasi pisote. Akasenda ivibama fayivi ni swi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache, sona abamanyili bakagabila abantu.

Matayi 15:36

Po akasenda ivibama seveni nu tuswi tula nukumupalizya u Chala. Akamenyannya nukubapa abamanyili bache ukuti bachigabile ichilundilo chila.

Matayi 26:26

Bo bali pakulya, u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Ughu gho mubili wane, senda, lyanga.”

Maliko 14:22

Bo bali pakulya, u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Senda, ughu gho mubili wane.”

Luka 22:19

Po u Yesu akasenda ichibama, akamupalizya u Chala nukuchimenyannya. Akabapa abamanyili bache nukuti, “Ughu gho mubili wane, ghugho wapeghiwa pachifukwa icha mwemwe. Mubombaye zinizi ukuti munkumbukilayepo.”

Luka 9:16

U Yesu akasenda ivibama fayivi ni iswi zibili zila, akennya kumwanya nukupalizya kwa Chala. Akamenyannya ivibama vila nukubapa abamanyili bache ukuti babagabile abantu.

Aba Loma 14:6

Umuntu wesi yuyo akwinong'ona ukuti isiku limo lyapamwanya nkani ukuchila amasiku ghosi aghanji, akubomba bunubu ukuti amuchindikaye u Mwene. Po umuntu yuyo akulya ivintu ivya luko losi, akubomba bunubu ukuti amuchindikaye u Mwene pakuti pakubomba bunubu ukumupalizya u Chala.

1 Aba Kolinti 10:16

Ulubako lulo tukubombezya bo tukumupalizya u Chala, nkimba tutakugabana poka mwibanda ilya Kilisitu? Sona ichibama chicho tukuchimenya bo tukulya, nkimba tutakugabana poka umubili uwa Kilisitu?

1 Aba Kolinti 11:23

Pakuti u Mwene akampa ichimanyisyo chicho nane nkabamanyisya amwe ichakuti: U Mwene u Yesu, ubusiku bubo akabikiwa munyobe izya balwani, akasenda ichabama.

Ukukumbusya Amalamulo 8:10

Bo mwalya nukwikuta, mumupalizyanje u Mwene u Chala winyu pachifukwa icha chisu icha mboto chicho abapiye.

1 Samuweli 9:13

Bo mwinjila bulo mukaya kala mukwiza pakumwagha, bo atabukite kubuzilo ubwakwiputilapo pakulya. Abantu batanganda pakulya nanti atafikite, pakuti weyuyo abaghiye pakuchisaya tasi ichakwiyipa chila. Pisinda pache abantu abakwitiziwa bala bakwanda pakulya. Losi ulu bukagha mukomane nawe.”