Luka 21:36 - IBAYIBOLO 2024

³⁶ Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Ulufingo Ulupya

³⁶ Mubanje maso nukwiputa akabalilo kosi ukuti mubanje na maka aghakwipokela mwebene muvintu vyosi vivyo vikwiza pakuboneka, sona nukuti mungimilila pamaso pa Mwana uwa Muntu.”

Luka 21:36 Iomraidhean Croise

Yobu 27:10

Nkimba akwiza pakuhoboka nu Wamaka Ghosi? Nkimba akwiza pakumwitizya u Chala akabalilo kosi?

Masalimo 1:5

Bo u Chala akubalonga abantu ababibi, batakwiza pakwimilila, sona akwiza pakubefya ababomba mbibi pakasi pabantu abagholosu.

Yelemiya 35:19

Polelo u Mwene Uwamaka Ghosi, u Chala uwa Izilayeli akuti, ‘U Yonadabu umwana uwa Lekabu atakwiza pakupotwapo pakuba nu muntu uwakumubombela.’ ”

Malaki 3:2

Nkimba wewenu yuyo angajimba pisiku ilyakwiza kwache? Nkimba wewenu yuyo angima nanti aboneka? Pakuti akwiza pakuba ngati moto uwa mumuvuno ghugho ghukusunguluzya ichela, sona ngati muntu yuyo akuchapila isopo.

Matayi 24:42

“Po mubanje maso pakuti mutalimenye isiku lilyo u Mwene winyu akwizila.

Matayi 24:43

Loli mumanye ukuti nanti umwenecho uwa nyumba akakamanyagha akabalilo kako umwiba akwizila, naloli ngali akuba maso umwakuti abiba batakapankule inyumba yache.

Matayi 24:44

Po namwe bulo mwiyannye pachifukwa ichakuti u Mwana uwa Muntu akwiza pakabalilo kako mwiyekeye.

Matayi 25:13

Pabumalilo u Yesu akati, “Mubanje maso pakuti mutalimenye isiku pamo akabalilo.”

Matayi 26:41

Mubanje maso nukwiputa ukuti mutakawile munjelo. Umuzimu ghukulonda, loli ubuntu bute na maka.”

Matayi 8:20

U Yesu akamwamula akati, “Abakambwe bali ni mpako, ni viyuni vyope vili ni vivumbo, loli u Mwana uwa Muntu ate nu buzilo ubwakughonapo nukutuzyapo.”

Maliko 13:33

Muchebaye, sona mubanje maso pakuti mutakumanya akizile aka kabalilo.

Maliko 13:37

Zizyo nkubabuzya amwe, nkunena sona namwe mwebosi ukuti, ‘Mubanje maso!’ ”

Luka 1:19

Uwantumi yula akamula akati, “Ane ne Gabiliyeli, umubombi uwa Chala, yuyo akantuma pakunena nawe nukukubuzya Amazyu Amiza ghanagha.

Luka 18:1

Po u Yesu akababuzya abamanyili bache ichili pakubamanyisya ukuti biputaye akabalilo kosi nukusita ukulita.

Luka 20:35

loli abanavuli na bakolo babo babaghiye pakuzyuka kubufwe nukwikala mumasiku ghagho ghakwiza batakwiza pakusendana.

Luka 21:35

ngati cho chipingo. Pakuti isiku lilalila likwiza pakubawila abantu bosi babo bakwikala muchisu ichapasi.

Imbombo 10:2

Umwene ni mbumba yache yosi bakaba bantu abakumwiputa u Chala. Akabomba imbombo inkulu pakubavwa bantu abapina aba Chiyuda, sona akabalilo na kabalilo akamwiputagha u Chala.

1 Aba Kolinti 16:13

Mubanje maso, mwimaye nkani palwitiko. Mubanje bajivu nkani, sona mubanje bamaka.

2 Aba Kolinti 4:14

Aswe tuzimenye ukuti u Chala yuyo akamuzyusya u Mwene u Yesu kubufwe, akwiza pakutuzyusya naswe bulo kubufwe poka nu Yesu, sona nukutufisya poka namwe pantazi papache.

Aba Kolosi 4:2

Mubanje balweke munyiputo, sona mubanje maso, bo mukwiputa ukumupalizya u Chala.

1 Aba Tesalonika 5:17

sona mwiputaye akabalilo kosi.

2 Timoti 4:5

Loli awe, wilemaye wemwene muvintu vyosi, nukujimba mumayimba. Bombagha imbombo iya bulumbilili, sona bombagha imbombo yako yosi ngati we mubombi uwa Chala.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

1 Pitala 5:8

Mubanje maso, sona mwenelezye nkani! Umulwani winyu, u Satana, akuzyungulilazyungulila bo akubuluma ngati yo nkalamu, ukulonda yumo uwakuti amulye.

1 Yohani 2:28

Polelo bana bane, mumamatilane poka nawe, umwakuti bo akuboneka, tubanje bajivu nkani, sona nukuti tutakakoziwe isoni, bo akwiza sona.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.

Ubuvumbuli 11:4

Abakaboni babili aba gho makwi mabili agha misyunguti, sona ni nyale zibili zizyo zili pamaso pa Mwene uwa chisu ichapasi.

Ubuvumbuli 6:17

Pakuti isiku ilyakoghofya ilyakufundiwa kwabo lyafika, po nkimba wewenu angajimba?”

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.

Ubuvumbuli 8:2

Po nkennya abantumi aba kumwanya seveni bimite pamaso pa Chala, sona bapeghiwe amapati seveni.