Luka 21:34 - IBAYIBOLO 2024

³⁴ “Muchebaye ukuti amoyo ghinyu ghatakikolezannyanje nukulya nukukolwa, sona nukupasya nizya bumi ubu, pamo isiku lila lingiza kukwinyu umwakubachenusya bulo

Ulufingo Ulupya

³⁴ “Muchebaye ukuti amoyo ghinyu ghatakikolezannyanje nu kulya, nu kukolwa, sona nu kupasya nizya bumi ubu, pamo isiku lila lingiza kukwinyu umwakubachenusya bulo

Luka 21:34 Iomraidhean Croise

Ubwandilo 19:32

Zagha tumung'wesye uvinyo ukuti akolwe. Po nanti akolwa, tughone nawe ukuti tupape nawe abana umwakuti uluko lwitu lutakazimilaye.”

Ubwandilo 19:35

Po ubusiku bulabula bakamung'wesya sona uwise uvinyo, po umwana umunandi yula akaghona nawe. Pope bulo uwise atakazimanya zizyo zikabombiwa, pakuti akakolwa nkani.

Ubwandilo 27:14

Po akabuka pakumusendela unyina abana aba mbuzi bala, po unyina akapiya ichakulya ichinonu nkani chicho uwise akachighana nkani.

Masalimo 35:8

Ukunanganika kubawilaye umwakuchenusya bulo. Po ichipingo chicho bateghite chibalemaye bene, sona nukuwila mukunanganika kwabo.

Ivyili 21:4

Amaso aghakwikwezya nu moyo uwa mituvyo, vikumulongezezya umuntu pakubomba imbibi.

Ivyili 23:20

Utakangalilanaye na baching'wela, pamo na babo bakulya inyama umwabupafu.

Umulumbilili 9:12

Naloli nayumoyumo yuyo akamenye akabalilo kache. Iswi zikulemeliwanga muchilepa, sona iviyuni vikulemiwanga muchipingo. Umwakuyana bulo abantu bope bakulemiwa mutubalilo utubibi tuto tukubawila umwakuchenusya.

Yesaya 28:7

sona na bantu banaba bope bakutantalila, pachifukwa icha vinyo. Abaputi na balaghuzi bakutantalila pachifukwa icha vinyo, bakutantalila bo bakwennya ivisetuka, bakupotwa pakulonga inongwa zizyo abantu bakubizila nazyo.

Hoseya 4:11

U Mwene akuti, “Ubwamalaya, uvinyo uwakale manyi umupya akughanangannya ukwivwisya ukwa bantu bane.

Aba Levi 10:9

“Awe na bana bako mutakang'welaye uvinyo, pamo ubwalwa, bo mukwinjila mu Chisakasa icha Mwene lumo mungafwa. Ulu lubanje lulaghilo ulwa bwila na bwila mupaka inkulilo zyinyu zyosi izya muntazi.

Matayi 13:22

Imbeyu zizyo zikawila pakasi pamivwa zikwimilila abantu babo bakwivwa amazyu agha Chala. Loli ukwikolezannya nivya bumi ubu, ukuchighana ichuma vikufyululusya amazyu ghala, po batakupa ivikomwa.

Maliko 13:9

“Mubanje maso. Abantu bakwiza pakubalema nukubabika pamaso pa balaghili, po bakwiza pakubasyempa munyumba izyakwiputilamo. Pachifukwa icha nene bakwiza pakubasitaka pamaso pa balaghili napa bamwene ukuti mubikile ubwakaboni nizya ane.

Maliko 4:19

Loli ukwikolezannya nivya muchisu ichapasi pano, ukuchighana ichuma, sona ni vinyonywa vyosi ivyakulekanalekana vikwinjila nukufyululusya amazyu ghala ukuti batakape ivikomwa.

Luka 10:41

U Mwene akamwamula akati, “Wee Malita, wee Malita! Wilumbusya nukutamiwa ni vintu ivyinji,

Luka 12:40

Po namwe bulo mubaghiye pakuba bakwiyannya pachifukwa ichakuti u Mwana uwa Muntu akwiza pakabalilo kako mwiyekeye.”

Luka 17:3

Po muchebaye. “Nanti umukamu wako akunanga, umuchemele, po nanti akupinduka nukuzileka imbibi zyache, umuhobokele.

Luka 21:35

ngati cho chipingo. Pakuti isiku lilalila likwiza pakubawila abantu bosi babo bakwikala muchisu ichapasi.

Luka 21:8

U Yesu akamula akati, “Mubanje maso, ukuti patakabepo nayumo umuntu uwakubazimbula. Pakuti abantu abinji bakwiza pakubombezya itabwa lyane nukuti, ‘Ane ne Kilisitu.’ Bakwiza pakunena sona ukuti, ‘Ubumalilo bwafika.’ Loli mutakabakonke.

Luka 8:14

Imbeyu zizyo zikawila pakasi pamivwa zikwimilila abantu babo bakwivwa amazyu agha Chala. Loli ukwikolezannya nivya muchisu ichapasi pano, ukuchighana ichuma, sona ni vinyonywa vyosi ivyakulekanalekana vikwinjila nukufyululusya amazyu ghala, po ivikomwa vyabo vitakutona nalumo.

1 Aba Kolinti 5:11

Chicho nkanenagha chikaba chakuti mutakangalilanaye poka nu muntu yuyo akwinena mwene ukuti mwitiki, loli we malaya, pamo umupafu, pamo yuyo akwiputa ivifwani, pamo umuntu uwiyebo, pamo uching'wela, pamo umwiba. Mutakikalaye pasi nukulya nawe umuntu yunuyu napo panandi.

1 Aba Kolinti 6:10

pamo abiba, pamo abapafu, pamo abaching'wela, pamo abantu abiyebo, pamo amavyondongo batakwiza pakupyana Ubumwene ubwa Chala.

Aba Galatiya 5:20

nukwiputa ivifwani nu bulozi nu lubengo, nukulwa, na kabini nu bukali nukwiyighana nukudalinkana nukwipaghula,

Ukukumbusya Amalamulo 29:19

Mwenelezye nkani ukuti atakabepo nayumoyumo umuntu pakasi papinyu ilelo, yuyo akwivwa amazyu ghanagha loli akunena mumoyo wache akuti, “Ivintu vyosi vikunyendela akiza bulo, napapo nkubomba ubwighane bwane.” Panapa akwiza pakwipalaghulila mwene ukunanganika manyi muntu umubibi manyi muntu umwiza bulo.

Aba Filipi 4:6

Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Aba Hebeli 12:15

Mubanje maso ukuti atakabepo nayumo umuntu yuyo akwiza pakupotwa pakupokela ichisa icha Chala. Patakabepo nachimo ichimelwa ichakubaba, chicho chingamela pakasi papitu nukubapelela abantu abinji intamyo nukubaba kwache.

2 Pitala 3:10

Loli isiku ilya Mwene likwiza ngati mwiba. Pisiku lilalila ivintu vyosi ivya kumwanya vikwiza pakumala ni chongo ichakoghofya. Ivintu vyosi vikwiza pakusunguluka numoto, sona ichisu ichapasi chope ni vintu vyosi vikwiza pakuba pabuzelu.

2 Pitala 3:14

Polelo bamanyani bane abaghaniwa, bo mukulindilila isiku lila, muyezye nkani ukuti mubanje bantu abazelu na basita chilema nachimochimo pamaso pa Chala, sona mubanje mumutende nawe.

Ubuvumbuli 3:3

Po ukumbuke zizyo ukamanyisiwa, sona na zizyo ukivwa. Uzyivwile, upinduke nukuzileka imbibi zyako. Nanti utakulamusya, nkwiza pakukwizila ngati ne mwiba, sona utakwiza pakukamanya akabalilo kako nkwiza pakukwizila.

1 Samuweli 25:36

Bo u Abigelo anyokela kwa Nabali, u Nabali akaba munyumba bo ali nu lusekelo ulukulu nkani ngati ulwa mwene. U Nabali akahoboka nkani, pakuti akakolwa nkani. U Abigelo atakamubuzyapo nachimochimo mupaka indabi yache.