Luka 21:17 - IBAYIBOLO 2024

¹⁷ Abantu bosi bakwiza pakubabenga pachifukwa icha nene.

Ulufingo Ulupya

¹⁷ Abantu bosi bakwiza pakubabenga pachifukwa icha nene.

Luka 21:17 Iomraidhean Croise

Matayi 10:22

Abantu bosi bakwiza pakubabenga pachifukwa ichakuti mwe bakonki bane. Loli umuntu wesi yuyo ajimba mupaka pabumalilo akwiza pakupokiwa.

Matayi 24:9

“Mukwiza pakulemiwa ukuti muvwimiwe nukughoghiwa. Abantu bosi muvyisu vyosi bakwiza pakubabenga pachifukwa icha nene.

Matayi 5:11

“Mwe basayiwa, nanti abantu bakubatuka, bakubavwima nukubatamantila ivintu vyosi ivibibi pachifukwa ichakuti mwe bakonki bane.

Maliko 13:13

Abantu bosi bakwiza pakubabenga pachifukwa icha nene. Loli umuntu wesi yuyo ajimba umoyo mupaka pabumalilo akwiza pakupona.

Luka 21:16

Abapapi binyu na bawamwinyu na bakamu binyu na bamanyani binyu bakwiza pakubasambukila. Bamo mumwinyu bakwiza pakughoghiwa.

Luka 21:18

Loli nakamokamo akasisi kumitu yinyu, kako kakwiza pakusobelapo.

Luka 6:22

“Mwe basayiwa nanti abantu bakubabenga, bakubakana, bakubatuka nukubanena ukuti mwe babibi pachifukwa icha nene u Mwana uwa Muntu!

Yohani 15:19

Nanti mukabanga mwe bantu aba muchisu ichapasi, po ngali bantu aba muchisu ichapasi babaghanite amwe pakuti muli poka nabo. Loli nkabasala amwe pakasi pabantu aba muchisu ichapasi, po mute sona bantu aba muchisu ichapasi. Ichi cho chifukwa bantu aba muchisu ichapasi bakubabenga.

Yohani 15:21

Bakwiza pakubabombela zyosi zinizi pachifukwa icha mwe bane pakuti batakumanya yuyo akantuma.

Yohani 17:14

Ane nkabapa amazyu ghako, loli abantu aba muchisu ichapasi chikababenga pakuti bate ba muchisu ichapasi ukuyana namumo ane inte ne wa muchisu ichapasi.

Yohani 7:7

Abantu aba muchisu ichapasi batangababenga, loli bambengite pakuti nkubasimikizya ukuti imbombo zyabo mbibi.

Imbombo 9:16

Ane nemwene nkwiza pakumulanjizya amayimba ghosi ghagho akwiza pakukomana nagho pachifukwa icha nene.”

2 Aba Kolinti 12:10

Pachifukwa icha Kilisitu, nhobokite nkani nu budedebazu bwane nu musamu wane, nintamyo zyane, na mayimba ghane, sona nu bupalapala bwane. Pakuti bo indi mudedebazu, popapo indi na maka.

2 Aba Kolinti 4:11

Pakuti akabalilo kosi, napapo tuli nubumi, tukukomana ni vyakoghofya ivya bufwe pachifukwa icha Yesu, umwakuti ubumi bwache bungaboneka mubumi bwitu ubwa muchisu ichapasi.

2 Aba Kolinti 4:5

Pakuti tutakwilumbilila twebene, loli tukulumbilila u Yesu Kilisitu ukuti we Mwene. Aswe twe babombi binyu bulo pachifukwa icha Yesu.

Aba Filipi 1:29

Pakuti mupeghiwe ulusako ulwa kumubombela u Kilisitu, te kumusubila kwene, awe, loli nukuyimba bulo pachifukwa icha yuyo.

1 Pitala 4:14

Mwe basayiwa nanti abantu bakubasamula pachifukwa ichakuti mwe bakonki aba Kilisitu. Ichi chikung'anamula ukuti u Muzimu uwa buchindamu, yuyo we Muzimu uwa Chala ali papinyu.

Ubuvumbuli 2:3

Awe we mufisalyoyo, sona wayimba nkani pachifukwa icha nene nukuti utakulita.