Luka 21:12 - IBAYIBOLO 2024

¹² Loli bo ivintu vinivi vitabombiwe, bakwiza pakubalema nukubavwima. Bakwiza pakubabika pamaso pa balaghili munyumba izyakwiputilamo, po bakwiza pakubighalila mujele. Pachifukwa icha nene bakwiza pakubasitaka pamaso pa balaghili napa bamwene.

Ulufingo Ulupya

¹² Loli bo ivintu vinivi vitabombiwe, bakwiza pakubalema nukubavwima. Bakwiza pakubabika pamaso pa balaghili munyumba izyakwiputilamo, po bakwiza pakubighalila mujele. Pachifukwa icha nene bakwiza pakubasitaka pamaso pa balaghili na pa bamwene.

Luka 21:12 Iomraidhean Croise

Matayi 22:6

abanji bakabalema abambombo bala, bakabakoma nukubaghogha.

Matayi 24:8

Ivintu vyosi vinivi bo bwandilo bulo ubwa ntamyo izya mukolo pakusayiwa.

Luka 21:11

Kukwiza pakuba utusenyenta utwakoghofya, nizala, sona nu bubine posi na posi. Ivintu iviyeni ni vintu ivyakoghofya vikwiza pakuboneka kumwanya.

Yohani 15:20

Kumbuka zizyo nkababuzya ukuti, ‘Uwambombo ate wapamwanya ukumuchila u mwene wache, awe.’ Nanti abantu bakanvwima ane, bakwiza pakubavwima namwe bulo. Nanti bakivwila ubumanyisi bwane, bakwiza pakwivwila nu bumanyisi bwinyu bulo.

Yohani 15:21

Bakwiza pakubabombela zyosi zinizi pachifukwa icha mwe bane pakuti batakumanya yuyo akantuma.

Imbombo 22:30

Usongo yula akalondagha ukuti achimanye ichifukwa chicho aba Yuda bakamusitakila u Pabuli, po indabi yache bakamusatula nukulamula ukuti abaputi abasongo na kabukatila ka balongi bakomane. Polelo bakamusenda u Pabuli nukumwimika pamaso papabo.

Imbombo 5:40

Bakabitizya abatumiwa bala ukuti binjile sona mulamula, bakabasyempa nukubachinyintizya ukuti batakanenele sona mwitabwa ilya Yesu, po bakabasatula.

Imbombo 8:3

Loli u Sabuli akayezya pakuchinangannya nkani ichipanga, umwakuti akabukagha inyumba ni nyumba pakubalema abitiki, bosi abanavuli na bakolo nukubighalila mujele.

Imbombo 9:4

Po akawa pasi nukwivwa izyu likunena likuti, “Sabuli, Sabuli! Choni chicho ukunvwima?”

1 Pitala 2:13

Pachifukwa icha Mwene, mumulambilaye umulaghili wesi yuyo akubalaghila, nkaninkani umulaghili uwa chisu.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.