Luka 21:1 - IBAYIBOLO 2024

¹ U Yesu akenelezya nukwennya abantu abakabi bakusopa ivyabupi vyabo muchakusopelamo mu Nyumba iya Chala,

Ulufingo Ulupya

¹ U Yesu akenelezya nukwennya abantu abakabi bakusopa ivyabupi vyabo muchakusopelamo mu Nyumba iya Chala,

Luka 21:1 Iomraidhean Croise

1 Abamwene 14:26

Akasenda ubukabi bosi mu Nyumba iya Mwene, sona na bukabi ubwa munyumba iya bumwene. Akasenda ivintu vyosi, poka ni ngulu izya golide zizyo u Solomoni akapanga.

2 Abamwene 12:9

Po umuputi u Yehoyada akasenda ibokosi, sona akadobola ichikupikizyo chache nukulibika mulubazu ulwa chighemo kunyobe indilo ilya muntu wesi yuyo akinjilagha mu Nyumba iya Mwene. Abaputi babo bakalindililagha pamulyango bakabika mubokosi mula indalama zyosi zizyo abantu bakizagha nazyo ku Nyumba iya Mwene.

2 Abamwene 24:13

U Nebukadineza akasenda ivintu vyosi ivyamutengo vivyo vikaba muchipinda ichakusungilamo ubukabi ubwa mu Nyumba iya Mwene, sona na munyumba iya bumwene, ukuyana namumo u Mwene akanenela. Akasenda sona ivibombelo vyosi ivya golide vivyo u mwene u Solomoni uwamu Izilayeli akavipanga ukuti vibanje mu Nyumba iya Mwene.

2 Imbili 36:18

Akasenda ivibombelo vyosi nu bukabi ubwa mu Nyumba iya Chala, manyi vikulu manyi vinandi sona nu bukabi ubwa munyumba iya bumwene ni nyumba izya makambala ghache nukubuka navyo ku Babiloni.

Nehemiya 13:13

Nkamusala umuputi u Shelemiya nu musimbi u Zadoki sona nu Pedaya umu Levi ukuti babanje bakapitawa aba vipinda ivyakusungilamo ivintu. Nkamusala sona u Hanani umwana uwa Zakuli, umwizukulu uwa Mataniya pakuba mwavwilizi wabo pachifukwa ichakuti abanavuli banaba bakaba basubiliwa nkani. Po bakapeghiwa imbombo iyakubagabila abakamu babo ivyakulya.

Matayi 27:6

Abaputi abasongo bakaseba indalama zila nukuti, “Izi ndalama zya libanda, po chitakwitikiziwa ni Ndaghilo zyitu pakuzibika munyambi iyakusungilamo indalama izya mu Nyumba iya Chala.”

Luka 20:47

Bakubazimbula abakolo abafwilwe nukubafyula inyumba zyabo nukwiputa inyiputo intali ukuti abantu babennye. Abantu aba bakwiza pakufundiwa nkani!”

Yohani 8:20

U Yesu akanena amazyu ghosi ghanagha bo akumanyisya mu Nyumba iya Chala, muchipinda mumo mukaba ichakusopelamo ivyabupi. Loli atakabapo nayumo umuntu uwakumulema pakuti akabalilo kache kakaba kachili katakwanite.

Yoshwa 6:19

Ivintu vyosi ivya silivas ni vya golide ni vya mukuba sona ni vya chela vipaghuliliwe kwa Mwene nukubikiwa mubuzilo ubwakusungilamo ichuma chache.”

Yoshwa 6:24

Pisinda pache bakakalungulizya akaya kosi akakulu nkani kala poka na vyosi vivyo vikaba mulamula. Loli bakavipaghulila kwa Mwene ivintu vyosi ivya golide ni vya siliva ni vya mukuba sona ni vya chela vivyo bakavibika mubuzilo ubwakusungilamo ichuma chache.