Luka 20:13 - IBAYIBOLO 2024

¹³ Po umwenecho uwa mughunda yula akati, ‘Nkimba imbombe choni? Nkwiza pakutuma umwana wane umughaniwa, lumo bakwiza pakumuchindika.’

Ulufingo Ulupya

¹³ Po umwenecho uwa mughunda yula akati, ‘Nkimba imbombe choni? Inkwiza pakutuma umwana wane umughaniwa, lumo bakwiza pakumuchindika.’

Luka 20:13 Iomraidhean Croise

Yesaya 5:4

Nkimba chilipo chicho nkapotwa pakubombapo pamughunda? Po nkimba choni chicho ghukwela amampesya amababe, bo nkulindilila amampesya amiza ghagho intakasubalilagha?

Yelemiya 36:3

Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Ezekiyeli 12:3

“Polelo, wee mwana uwa muntu, nyamula ukatundu wako ngati muntu yuyo akubuka kubuzya po ubuke kubuzya pamusanya bo bali pakukwennya, ubuke ukufuma kubuzilo bubo uliko nukubuka kubuzilo ubunji. Lumo bangakwivwa, napapo bantu basambuke.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Hoseya 6:4

Mwe ba Efulayimu, nkimba imbombe namwe choni? Wee Yuda, nkimba imbombe ichoni namwe? Ulughano lwako luli ngati we kabefu uwa pandabindabi, ngati yo nganda iya kubuche yiyo yikuzyebeluka bulo.

Matayi 17:5

Bo u Pitala achili akunena, ibingu ilyakulama likabakupikila, sona izyu likivwika mwibingu likati, “Uyu Mwana wane umughaniwa, yuyo ihobokite nkani nawe. Mumwivwilaye!”

Matayi 3:17

Po izyu likivwika kumwanya likati, “Uyu Mwana wane umughaniwa, yuyo ihobokite nkani nawe.”

Luka 18:2

Akati, “Mukaya kamo mukabamo umulongi yumo, yuyo atakamunyilagha u Chala, pamo ukubachindika abantu.

Luka 18:4

Akabalilo akatali umulongi yula akakanagha pakulonga inongwa yila, loli pisinda pache akanena mumoyo wache akati, ‘Napapo intakumunyila u Chala, pamo ukubachindika abantu,

Luka 20:12

Umwenecho uwa mughunda yula akamutuma sona uwambombo uwabutatu. Abalimi bala bakamuvulazya nukumusumbila kuzi ukwa mughunda uwa mampesya ghula.

Luka 20:14

Loli bo abalimi bala bamwennya umwana yula, bakanda pakunenezannya ukuti, ‘Yunuyu mwana wache, yuyo akwiza pakupyana ichilingo icha wise. Zagha tumughoghe umwakuti ichilingo chibanje chitu!’

Luka 9:35

Izyu likivwika mwibingu ukuti, “Uyu Mwana wane yuyo namusala. Mumwivwilaye!”

Yohani 1:34

Navyennya, po nkusimikizya ukuti yunuyu weyuyo Mwana uwa Chala.”

Aba Loma 8:3

U Chala akabomba zizyo Indaghilo izya Mozesi zikapotwa pakubomba, pachifukwa ichakuti ubuntu ubwa mbibi butakaba na maka. Akapota imbibi mu buntu ubwa mbibi pakutuma u Mwana wache mwene na mwene, yuyo akiza nu buntu ngati bwitu twe bantu abambibi, ukuti abanje chakwiyipa icha mbibi.

Aba Galatiya 4:4

Loli bo akabalilo kakwana, u Chala akatuma u Mwana wache uwakupapiwa mu mukolo, sona yuyo akapapiwa pasi pa Ndaghilo izya Mozesi,