Luka 2:34 - IBAYIBOLO 2024

³⁴ U Simiyoni akabasaya nukunena kwa nyina, u Maliya ukuti, “Umwana uyu asaliwe nu Chala ukuti abanje chakubawisya, sona ni chakupoka abantu abinji aba Izilayeli. Akwiza pakuba chimanyilo ichakufuma kwa Chala, chicho abantu abinji bakwiza pakususannya nacho,

Ulufingo Ulupya

³⁴ U Simiyoni akabasaya nukunena kwa nyina, u Maliya ukuti, “Umwana uyu asaliwe nu Chala ukuti abanje chakubawisya, sona ni chakupoka abantu abinji aba Izilayeli. Akwiza pakuba chimanyilo ichakufuma kwa Chala, chicho abantu abinji bakwiza pakususannya nacho,

Luka 2:34 Iomraidhean Croise

Ubwandilo 14:19

Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu.

Ubwandilo 47:7

Po u Yosefu akamusenda uwise u Yakobo, nukubuka nawe kwa Falabo, po u Yakobo akamusaya u Falabo,

Ukufuma 39:43

U Mozesi akendela imbombo yosi yiyo bakabomba nukwagha ukuti bakabomba vyosi ukuyana namumo u Mwene akamulamulila, po u Mozesi akabasaya.

Yesaya 8:18

Ane indipano, poka nabana babo u Mwene ampiye. Twe vimanyilo ni vyakuswighisya muchisu icha Izilayeli ukufuma kwa Mwene Uwamaka Ghosi, yuyo akwikala Pighamba ilya Ziyoni.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Matayi 11:19

U Mwana uwa Muntu akiza, akalya nukung'wela, po abantu bakati, ‘Ennya, umuntu umupafu nu ching'wela uyu, sona umumanyani uwa basonkezya umusonko na bantu abambibi!’ Loli amahala agha Chala ghakulanjiziwa ukuti ghanaloli ni mbombo zyache.”

Matayi 12:46

Bo u Yesu achili akunena na bantu bala, unyina na bawamwabo bakafika. Bakimilila kuzi, bakalondagha pakunena nawe.

Matayi 27:63

Bakanena bakati, “Mwene, tukukumbuka ukuti bo umumyasi yula achili mumi akati, ‘Nkwiza pakuzyuka kubufwe, bo ghachilapo amasiku matatu.’

Luka 2:35

umwakuti akwiza pakuvumbula pabuzelu inyinong'ono zyabo izya kubusyefu. Sona kukwako mayi, ichitima chikwiza pakulasa umoyo wako ngati yo mpalala.”

Yohani 3:20

Umuntu wesi yuyo akubomba ivintu ivibibi alubengite ulukozyo, po atangiza pabuzelu pakuti atakulonda ukuti imbombo zizyo akubomba zibonekele pabuzelu.

Yohani 5:18

Pachifukwa ichi, abalaghili aba Chiyuda bakalondagha nkani pakumughogha u Yesu pakuti chitakaba chifukwa chene ichakuti akanangannya ululaghilo ulwa Isiku Ilyakutuzya, loli pachifukwa ichakunena ukuti u Chala akaba we wise, po pakubomba bunubu akipela mwene ukuyana nu Chala.

Imbombo 13:45

Bo aba Yuda bennya ichilundilo icha bantu chila, bakizula na kabini. Akanena ukuti zizyo u Pabuli akunena zyabumyasi sona bakamusamula nkani u Pabuli.

Imbombo 17:6

Loli bo bapotwa pakubagha, bakamuwesela u Yasoni, poka na bitiki bamo pamaso pa balaghili aba mukaya akakulu nkani kala nukukolomoka bakati, “Abantu aba bandizya ivyongo kosi na kosi! Ilelo biza muno mukaya kitu.

Imbombo 24:5

Twamwagha umuntu uyu ukuti we ntamyo, yuyo akwandizya ivyongo pakasi paba Yuda pachisu chosi ichapasi, sona we mulongozi uwa kabukatila aka ba Nazalini.

Imbombo 28:22

Loli tukulonda twiyivwile twebene inyinong'ono zyako pakuti tuzimenye ukuti kosi na kosi abantu bakukanenela ivibibi akabukatila kako.”

Imbombo 4:26

Abamwene aba muchisu ichapasi bakiyannya bene sona abalaghili bakabungana poka pakumusambukila u Mwene nu Mupakiwa wache?’

Imbombo 6:7

Po amazyu agha Chala ghakafumuziwanga. Po akabukatila aka bamanyili mu Yelusalemu kakonjelelaghakonjelelagha, umwakuti na baputi abinji bakitika ulwitiko lwabo.

Aba Loma 9:32

Po nkimba choni? Pachifukwa ichakuti bakalondagha ukwinena bene pakuba bagholosu pamaso pa Chala, chite chifukwa icha lwitiko, loli pachifukwa ichakuti bakasubila imbombo zizyo bakabombagha. Po bakipunula pibwe,

1 Aba Kolinti 1:23

Loli aswe tukumulumbilila u Kilisitu yuyo akakomeliwa pachipinjika. Aba Yuda bakunena ukuti ichipinjika cho chipunulo, sona abantu babo bate ba Yuda bakuti bo bupunganu.

Aba Hebeli 7:1

U Melekizedeki yunuyu akaba we mwene uwamu Salemu, sona nu muputi uwa Chala Uwakumwanya Nkani. Bo u Abulahamu akubwelako kubwite pakupota abamwene folo, u Melekizedeki akakomana nawe nukumusaya.

Aba Hebeli 7:7

Chakumanyikwa nkani ukuti umuntu uwa pamwanya akumusaya umuntu uwapasi.

1 Pitala 4:14

Mwe basayiwa nanti abantu bakubasamula pachifukwa ichakuti mwe bakonki aba Kilisitu. Ichi chikung'anamula ukuti u Muzimu uwa buchindamu, yuyo we Muzimu uwa Chala ali papinyu.

1 Samuweli 2:20

U Eli akamusayagha u Elikana nu muchi wache nukuti, “U Mwene akupe abana abanji mu mukolo yunuyu, ukuti asende ubuzilo ubwa yuyo ukamupa u Mwene.” Pisinda pache bakabwelagha kunyumba.