Luka 2:14 - IBAYIBOLO 2024

¹⁴ “Ubuchindamu kwa Chala uwakumwanya nkani, umutende pachisu ichapasi pakasi pabantu babo u Chala akuhoboka nkani nabo!”

Ulufingo Ulupya

¹⁴ “Ubuchindamu kwa Chala uwa kumwanya nkani, umutende pachisu ichapasi pakasi pa bantu babo u Chala akuhoboka nkani nabo!”

Luka 2:14 Iomraidhean Croise

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.

Yesaya 57:19

nukwimba amapalo pamilomo iya babo bakulila mu Izilayeli. Umutende, umutende, ku bantu, babo bali papipi nakubutali, sona nkwiza pakubapozya.” U Mwene anena.

Mika 5:5

Sona akwiza nu mutende. Akwiza pakutupoka kuba Asiliya bo bakwiza nu bwite muchisu chitu nukwinjila mumalinga ghitu, tukwiza pakutuma abadimi seveni, pamo abalaghili eyiti.

Matayi 21:9

Abantu abinji babo bakaba kuntazi na kwisinda ukwa Yesu bakanda pakukolomoka ukuti, “Apaliwanje u Mwana uwa Devedi! U Chala amusaye yuyo akwiza mwitabwa ilya Mwene! U Chala apaliwanje!”

Luka 1:79

lulo lukwiza pakubalamila abantu bosi, babo bakwikala muchisi na mumuzyezye uwa bufwe pakutulongolela muzila iya mutende.”

Luka 19:38

“U Chala amusaye u mwene yuyo akwiza mwitabwa ilya Mwene. Umutende kumwanya nkani, sona ubuchindamu kwa Chala.”

Luka 2:13

Umwalubilolubilo akabukatila akakulu aka bantumi aba kumwanya poka nu wantumi yula kakaboneka kakwimba nukumupala u Chala ukuti,

Luka 2:15

Bo abantumi banyokela kumwanya, abadimi bala bakanenezannya benebene ukuti, “Twende ku Betelehemu nukwennya ivintu vivyo vyabombiwa, vivyo u Mwene atubuzya aswe.”

Luka 3:22

sona u Muzimu Umuzelu akamwikila ngati yo nkunda. Po izyu likivwika kumwanya likati, “Awe we Mwana wane umughaniwa. Ihobokite nkani nawe.”

Yohani 14:27

“Nkubalekela umutende. Nkubapa umutende wane. Intakubapa ukuyana namumo ichisu ichapasi chikupelela umutende. Mutakapasyanje mumoyo ghinyu, sona mutakanyilaye.

Yohani 17:4

Ane nkakuchindika muchisu ichapasi pakumalizya imbombo yiyo ukampa ukuti injibombe.

Yohani 3:16

Pakuti u Chala akabaghana nkani abantu aba muchisu ichapasi, umwakuti akabapa u Mwana wache mwene na mwene, kokuti umuntu wesi yuyo akumusubila atakafwanje, loli abanje nubumi ubwa bwila na bwila.

Imbombo 10:36

Mughamenye amazyu ghagho u Chala akabatumila aba Izilayeli, pakubabuzya Amazyu Amiza aghamutende ukwendela mwa Yesu Kilisitu, yuyo we Mwene uwa bosi.

Aba Loma 5:1

Ilelo pakuti twaneniwa ukuti twe bantu bagholosu pamaso pa Chala ukwendela mu lwitiko, tuli nu mutende nu Chala ukwendela mwa Yesu Kilisitu u Mwene witu.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Aba Efeso 1:9

Na mahala ghache ghosi, sona na kivwisizye kache atuvumbuliye izya kubusyefu izya bwighane bwache ukuyana ni chisa chache, chicho akayanizya zila mwa Kilisitu.

Aba Efeso 2:4

Loli u Chala, yuyo wachisa nkani, akatughana nu lughano lwache lulo lukulu nkani,

Aba Efeso 2:7

umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu.

Aba Filipi 2:11

Umuntu wesi akwiza pakumufughamilila nukwitika nu mulomo wache ukuti u Yesu Kilisitu we Mwene umwakuti u Chala u Tata apokele ubuchindamu.

Aba Filipi 2:13

Pakuti we Chala yuyo akubomba imbombo mumwinyu ukuti mulondaye, sona nukuti mubombaye ukuyana nu bwighane bwache.

Aba Kolosi 1:20

Ukwendela mu Mwana wache u Chala akalondagha ukuti ivintu vyosi visayane nawe, manyi vya muchisu ichapasi, manyi vintu ivya kumwanya pakupanga umutende ukwendela mwibanda ilya Mwana wache pachipinjika.

2 Aba Tesalonika 2:16

U Mwene witu u Yesu Kilisitu nu Tata witu u Chala yuyo akatughana aswe, sona yuyo muchisa chache akatupa ulukazyo lwache lulo lutakupotwapo nalumo, sona nu lusubilo ulwiza,

Ubuvumbuli 5:13

Po nkivwa ivya bumi ivya kumwanya, nivya muchisu ichapasi, nivya kusi kuchisu, nivya munyanja, sona ni vipeliwa vyosi ivya bumi vikwimba vikuti, “Uwakwikala pachitengo icha bumwene nu Mwana uwa ng'ozi, apokele amapalo nu buchindamu, sona na maka bwila na bwila!”